Read Baibul, Mizo Hosea 12 Bible Online

Hosea 12 - Baibul, Mizo bible

Hosea 12

¹Ephraim chuan thli rinrawlah a neih a. Khawchhak thli chu a zui thin a: Dawt thu leh tiavaina thu a tipung tial tial a, Assuria nen thu an thlung a, Aigupta lamah hriak a phur lut a ni.

²LALPA chuan Juda chungah pawh lungawilohna tur a nei bawk, Jakoba chu a awmdan ang zia zelin a hrem ang a; A thiltih ang zia zelin a thungrul ang.

³Chhulah pawh khan a unaupa chu keartuiah a rawn man a; A lo puitlinin Pathian a bei a;

⁴A ni, vantirhkoh a bei a, a hneh ta a: A tap a duhsakna a ngen a: Bethel hmunah chuan amah a hmu ta a, Tah chuan ka hnenah thu a sawi a;

⁵LALPA ngei, sipai ho te Pathian chu, LALPA tih chu a chhinchhiahna a ni.

⁶Chutichuan, nang chuan i pathian hnen lam hawi la; Khawngaihna leh rorelna hmang la, I pathian ah chuan in nghat fo rawh.

⁷Kanaanho angin Israel chuan bukna diklo a lek a. Bum mawlh a chak thin a ni.

⁸Ephraim chuan, Ka hausa takzet ta mai, Ka intimuk tak meuh ta a ni: ka hnathawh zawng zawngahte lah chuan. Keimahah khawlohna thilsual an hmuhtur a awm miah lo, a ti a.

⁹Mahse kei hi Aigupta ram atang tawh khan LALPA i pathian chu ka ni a; kut hunlai ang khan puan inah ka la chentir leh ang che.

¹⁰zawlneite hnenah pawh thu ka sawi thin a, inlarnate ka tipung a; zawlneite hmangin ka vau lawk a.

¹¹Gilead chu khawlohna a ni lo em ni? Engmah lo mai an ni a lawm; Gilgalah chuan sebawngpa an hlan thin a; A ni, an maichamte chu leileh rinkhawh thlura Lung theh khawm ang mai an ni.

¹²Jakoba chu Aram ramah a tlanbo a, Israela chuan nupui man a tuak ta a, Nupui man atan chuan beram a veng a ni.

¹³zawlneite hmangin Israela chu Aigupta ram atangin LALPA'n hruai chhuak a, zawlnei vek hmang chuan a humhim bawk a.Ephraima lah chuan a tithinrim nasa em em mai a, Chuvangin a thisen chhuah chu ama chungah a tla a; A sawichhiatna chu ama chungah LALPA'n a tlaktir ang.

¹⁴Ephraima lah chuan a tithinrim nasa em em mai a, Chuvangin a thisen chhuah chu ama chungah a tla a; A sawichhiatna chu ama chungah LALPA'n a tlaktir ang.