Read Baibul, Mizo Hosea 2 Bible Online

Hosea 2 - Baibul, Mizo bible

Hosea 2

¹In unaupate hnenah chuan, Ammia, ti u la, in far nute hnenah chuan, Ruhamai, ti rawh u.

²In nu hi bei rawh u, bei rawh u; Ani hi ka nupui a ni si lo a, kei pawh a pasal ka ni lo: A hmel ata nawhchizawrh chin hi paih thla se la, Atanglai ata a uire chin hi paih thla rawh se;

³Chutilochuan ka tisaruak ang a, A pian nia a awm angin ka awmtir ang a, Thlaler angin ka siam ang a, Ramro angin ka awmtir ang a, Tuihalin ka tihlum ang.

⁴A fate pawh ka lainat lo ang, Nawhchizuar fate an ni si a.

⁵An nu chuan nawhchi a zuar thin a, Anmahni paitu chu zahpui awm takin a awm: Ka chaw te, ka tui te, ka sahmul te, ka la te, hriak te leh ka in tur te mi petu, ka ngaihzawngte ka um ang, a ti a ni.

⁶Chuvangin ngai teh, i kawng chu hlingin ka ping ang a, A mah dalin dai ka theu vang a, A kawngte a hmu lo ang.

⁷Tin, a ngaihzawngte chu a um ang a, A um phak lo ang; Anmahni a zawng anga, a hmu lo ang; Tichuan ka pasal hmasa hnenah ka kir teh ang, Tun ai hian hman kha ka tan a tha zawk si, a ti ang.

⁸Buh te, uain te, hriak te hi,Tangka ka tihpun sak te hi, Rangkachak Baal tana an hman te nen, Keima pek a ni tih a hre si lo.

⁹Chuvangin, ka buh chu a seng hunah,Ka uain pawh a sawr hunah ka la kir leh ang, Ka sa hmul leh ka la, a saruak khuhna tur chu ka lak sak ang.

¹⁰Chutichuan a ngaihzawngte mit hmuhah A saruak zahmawh ka ti lang ang, Ka kut ata tuma'n an chhanchhuak lo ang.

¹¹A hlimna zawng zawng, a kut te, a thla thar te, A chawlhni te leh a puipun hun zawng zawng te ka tireh bawk ang.

¹²A grep leh a theipui kung, Heng hi a ngaihzawng mi pek ka hlawh chu a ni, A tih thina te chu ka tiram ang: Ramhnuaiah ka siam ang a, ramsa ten an ei ang.

¹³Rimtui a halsak thin Baal nite chu a chungah ka thungrul ang, Chunglai chuan a bengbehte leh a incheimawinate a inbel a, A ngaihzawngte a pan a, kei mi theih nghilh a ni, Tih hi LALPA thu chhuak a ni.

¹⁴Chuvangin, ngai teh, ka thlem ang a, thlalerah ka hruai ang a, ngaihawm takin amah ka bia ang.

¹⁵Tin, chuta chinah chuan, a grep huan te chu a hnenah ka pe ang, Akor ruam pawh beiseina kawngka atan: Chutah chuan a tleirawl lai nite leh Aigupta ram atanga a lo chhuah ni ang khan a chhang ang.

¹⁶LALPA thu chhuak chuan heti hian a ti: Chumi ni-ah chuan ramsa te, chungleng sava te, Leia rannungte nena thuthlung an tan ka siam ang a: Thal ngul te, khandaih te, indona te hi Lei ata ka tiboral ang a, him takin ka awmhotir ang.

¹⁷Kumkhuain ka tan ka hual tlat ang che; Felna te, rorelna te, khawngaihna te, lainatna tein Ka tan ka hual ang che.

¹⁸Rinawmnain ka tan ka hual ang che. Tichuan LALPA chu in hre tawh ang.

¹⁹Chumi ni-ah chuan heti hi a ni ang a, Ka bia ang a,tin,annin lei an bia ang a;

²⁰Tin, lei chuan buh te, uain te, hriak te an bia ang;

²¹Tin, annin Jezreel an bia ang.Tin, ani chu ka tan leiah ka ching ang a; Lainatdawnglovi chu ka lainat ang a, Kaminilova chu, Ka mi i ni, ka ti ang a, Tin, anin, Ka pathian i ni, a ti ang.

²²Tin, ani chu ka tan leiah ka ching ang a; Lainatdawnglovi chu ka lainat ang a, Kaminilova chu, Ka mi i ni, ka ti ang a, Tin, anin, Ka pathian i ni, a ti ang.