Read Baibul, Mizo Hosea 4 Bible Online

Hosea 4 - Baibul, Mizo bible

Hosea 4

¹Israela thlahte u, LALPA thu chu ngai thla teh u; He ramah hian thutak leh khawngaihna leh Pathian hriatna awm loh avangin, Lalpa chuan ram luahtute beihna tur a nei.

²Chhechham te, in bum te, in thah te, rukruk te, Uire chin te a punlun a, thisen a in phaman reng a ni.

³Chuvangin ram chuan a sun ang a, A chhunga cheng tinreng an chau vang, Ramsate, chungleng savate nen; A ni, tufinriata sanghate chenin lak bo an ni ang.

⁴Amaherawhchu tumah inbei suh se la, Tumah inzilhhau hek suh se; I mite chu puithiam beitute ang an ni si a.

⁵Chhunah i tlu ang a, nangmah nen zawlnei pawh zanah a tlu ang a, I nu pawh ka tiboral ang.

⁶Ka mite chu hriatna tlakchham avangin tihboral an ni a, Hriatna i hnar avangin kei pawhin ka puithiam i nihna ata ka hnar tawh ang che. I pathian dan i theihnghilh vei a, Kei pawh hian i fate ka theihnghilh ve ang.

⁷An pun poh leh ka chungah an sual tulh tulh vei a, An ropuina chu mualphonaah ka chantir ang.

⁸Ka mite sualna azarah an intihausa a, An khawlohnaah chuan an thinlung an nghat a,

⁹A mipui a puithiamin ang khata hrem an ni ang a, An kawngte avang chuan anmahni ka hrem ang a, An thiltihte ka thungrul ang.

¹⁰An ei tak na'ng a, an tlai si lo ang, Nawhchizawrh an ching na'nga, an pung lo vang, LALPA pawisakna an neih loh avangin.

¹¹Nawhchizawrh te, uain te, uain thar te chuan. Thinlung a la bo thin

¹²Ka mite chuan an thing an rawn a, An tiang chuan an hril thin; Nawchizawrhna rilru chuan a hruai bo a, An pathian lak ata an hnar bo ta si a.

¹³Tlang chhipahte chuan an inthawi a, Mualah te chuan rimtui an hal a, Sasua leh beraw leh hlai hnuaiahte chuan- A hlim a nawm avangin; Chuvangin in fanute chuan nawhchizawrh an ching a. In fa-mote chuan uire an ching a ni.

¹⁴In fanuten nawhchi an zawrh a, In fa mote an uirein ka hrem lo ang: Anmahni ngei pawh nawhchizuarte nen an kal hrang a, Maicham-nawhchizuarte nen an in thawi ho si a; Hrethiamlo mipuite chu an tlu chhia ang.

¹⁵Israel, nang chuan nawhchizawrh ching ta mah la, Juda zawngin ching ve lul suh se, Gilgal-ah lo kal suh u la, Beth-even-ah chho hek suh u la, LALPA anun chhung chu, tiin chhia chham hek suh u.

¹⁶Bawngla luhlul ang maiin Israel ho an luhlul a; Tunah chuan LALPA'n beram no angin phulah ka chawm thei ang em?

¹⁷Ephraim chuan milem a zawmpui ta a, A awm awmin awm rawh se.

¹⁸An zu in chu an tiak a, an inphalrai ta thin ; A roreltute chuan thil zahpuiawm tih an ngaina em em a ni.Thliin a lak hunah an inthawinate avangin an la zak ang.

¹⁹Thliin a lak hunah an inthawinate avangin an la zak ang.