Read Baibul, Mizo Hosea 6 Bible Online

Hosea 6 - Baibul, Mizo bible

Hosea 6

¹Hawh u, LALPA hnenah i kir ang u: Min lo pawt sawm tawh na a, min tidam leh dawn si a, Min lo vaw tawh na a, min tuam leh dawn si a.

²Ni hnih chinah min tinung ang a; Nithum niah min kaitho ang a, a hmaah kan awm ang.

³LALPA hriatna chu i um zel ang u khai, i hria ang u; Zing anga khel loin a thawk chhuak ngei thin a ni: Kan hnenah ruah angin, ruah hnuhnung, lei tihuhtu ang maiin a lo thleng ang.

⁴Aw Ephraim, engtin nge ka tih ang che? Aw Juda engtin nge ka tih ang che? Min hmangaihna chu zing tiauchhum leh dai ral ta thuai thin ang hi a ni si a.

⁵Chuvangin zawlneite hmangin anmahni ka rawt a; Ka kaa thutein anmahni ka tihlum a ni: I chunga rorelnate chu eng kal chhuak zuai zuai ang a ni.

⁶Inthawina duh loin khawngaihna ka duh si a; halral thilhlan aite chuan Pathian hriatna ka duh zawk a ni.

⁷Nimahsela Adama angin thuthlung chu an bawhchhia a, Chutah chuan vervek takin ka chungah an ti a ni.

⁸Gilead chu khawlohna ti tute khawpui a ni a, Thisen a kai pheng phung a ni.

⁹Suamhmang rualin mi an chang thin angin. Puithiam pawlte chuan Sekem kawng ah mi an that thin; A ni, thil sual an ti ta a ni.

¹⁰Israel chhungkuaah chuan thil rapthlak tak ka hmu, Ephraim-ah chuan nawhchizawrhna a awm a, Israel chu a bawrhbang a ni.Ka mite saltanna ata ka hruai kir hunah chuan, Aw Juda, i tan pawh rah seng tur ruat a ni.

¹¹Ka mite saltanna ata ka hruai kir hunah chuan, Aw Juda, i tan pawh rah seng tur ruat a ni.