Read Baibul, Mizo Hosea 7 Bible Online

Hosea 7 - Baibul, Mizo bible

Hosea 7

¹Isrel tihdam ka tumin Ephraim khawlohna a lo lang a, Samari suahsualna nen: bum an ching a, Chhung lamah rukru a lo lut a, Pawn lamah suamhmang rualin an suam si a.

²An suahsualna zawng zawng ka hre reng tih An thinlungin an ngaihtuah lo: Tunah chuan an thiltihte ngeiin a chim vel tlat tawh a. Ka hmai hmaah an awm a ni.

³An suahsualnain lalber a titlawm a, An dawt thuin mi liante an tilawm bawk a.

⁴An vaiin uire an ni a; Chhang siamtuin thuk a ur lum, Chhangphut a hmeh diak a thawh hmaa, Mei chhawm a chhawlhsan rih ang hi an ni.

⁵Kan lalber niah chuan mi liante chu uain ru takin an intirui a; Ani chuan hmusittute rualin a kut a phar a.

⁶Aruka an chan laiin an thinlung chu thuk ang maiin an siam tawh si a: An thinur chu zankhuain a dai a, Zingah chuan meialh angin a alh a.

⁷Thuk ang maiin an sa vek a, an roreltute an tiboral a; An lalber apiangte chu an tlu a, An zingah tumah mi au an awm lo.

⁸Ephraim lah chu, hnam dangte zingah a intelh a; Ephraim chu chhang leh lo a ni.

⁹Mikhualte chuan a chakna an ei zawhsak a, Ani chuan a hre lo: Hmul tuakin a bawm nual tawh a, Ani chuan a hre lo.

¹⁰Israel ropuina chuan a hmai hmaah a hriattir thin a, Nimahsela, he'ng zawng zawngah pawh hian LALPA an pathian lam chu an hawi lo a,A nichu an zawng hek lo.

¹¹Ephraim chu thuro lungmawl, hriatthiamna nei lo ang a lo ni a; Aigupta lam an au thul a, Assuria lamah an kal thul a.

¹²An kal laiin an chungah ka len ka vawrh ang a, Chungleng sava manin ka man ang a, An inkhawmhoin an hriat tawh ang in an mahni ka hrem ang.

¹³An chung a pik e! ka hnen ata an kal bo ta si a, Boralna an chungah a thleng e! ka chungah an hel ta si a, Anni erawh chuan dawt mi sawi khum a.

¹⁴An thinlung takin mi au lo va An khum laizawlah an chiau mai mai zawk a ni: Buh leh uain atan an inkhawm a, ka chungah chuan an hel si a.

¹⁵Kei chuan ka hruai chhuak a, ka ti chak a, Mahse ka chungah thil tha lo an suangtuah a ni.An hawi kir a, Chungnungbera hnenah ni loin; Thal ngul rul ang an ni a, An miliante chu an tawng chaltlai avangin khandaihi an tlu ang: Heihi Aigupta rama nuihzabur an nihna a ni ang.

¹⁶An hawi kir a, Chungnungbera hnenah ni loin; Thal ngul rul ang an ni a, An miliante chu an tawng chaltlai avangin khandaihi an tlu ang: Heihi Aigupta rama nuihzabur an nihna a ni ang.