Read Baibul, Mizo Hosea 9 Bible Online

Hosea 9 - Baibul, Mizo bible

Hosea 9

¹Aw Isrsel, hnam dangte angin hlim so bung bung khawpin lawm suh; I pathian chu nawhchi zawrhsan a, Hruih zawl tina aman chu i ngaina si a.

²Hruih leh grep sawrna khurte chuan anmahni a titlai lo ang a, Uain thar tur a hlawhchham ang.

³LALPA ramah chuan an cheng lo ang a,Ephraim chu Aigupta lamah a kir zawk ang a, Assuria ramah chaw thiang lo an ei ang.

⁴LALPA hnenah uain chu an bun chhuak lo ang a, An thilhlan te chu a tan lawmawm a ni hek lo ang; An chhangchu lusun te chaw ang a ni ang a, A ei apiang an bawrhbang ang; An chhang chu an nunna atan mai a ni ang a, LALPA inah a lut lo ang.

⁵Khawmpui urhsun niah leh LALPA kut niah chuan Eng nge in tih tak ang le?

⁶Ngai teh u, chhiatna a lo thleng ang a, an darh ang a, Aigupta chuan anni chu a lo khawm zawk ang a, Memphis chuan a lo phum ang: An tangkaraw thil duhawmte chu kangthaiin a bawm ang a, An puan inahte chuan hnim hlingnei a awm ang.

⁷Hremna nite chu a lo thleng a, Thungrulhna nite chu a lo thleng e; Israel chuan chu chu a hria ang: I khawlohna chu a tamin intaina chu a nasat avangin. Zawlnei chu a a a, thlarau nei mi chu mi a a ni.

⁸Ephraim ralvengtu chu ka Pathian hnena awm a ni a, Zawlnei lah chu a kawng tluanin thangkamtu thang a awm a, A pathian inah pawh intaina a awm.

⁹Gibea khuaa awmlai nite ang khan Nasa takin anmahni an intikhawlo a. An khawlohna chu a hre reng a, An sualnate chu a thungrul ang.

¹⁰Israel chu thlalera grep rah ang maiin ka hmu a. In pate chu theipui, hun hmasaa a hmin hmasa ngin ka hmu; Mahse anni chu Baal-peor hmunah an lo kal a, Thil zahthlak takah chuan an inpumpek ta a, An ngaihnat tak milemte ang bawk chuan an tenawm a ni.

¹¹Ephraim lah chu, an ropuina sava angin a thlawk bo ang a: Nau hring te, nau pai te, rai te an awm lo ang.

¹²An fate puitlin mah se la mipa reng reng awm lo turin Ka suntir tho ang. Ani anmahni ka hawisan hunah chuan An chung a va pik zual dawn em!

¹³tura ka hmuh ang bawkin Ephraim chu hmun nuam taka dahin a awm a: Mahse Epraim chuan a fate chu thattu hnenah a la hruai chhuak ang.

¹⁴Aw LALPA, neihtir rawh: Eng nge i neihtir ang le? Chhul nau chhiat thin leh hnute vuai te chu neihtir ang che.

¹⁵An suahsualna zawng zawng chu Gilgalah an titan a, Chutah chuan anni chu ka haw si a: An thiltih suak sual avangte chuan ka in ata ka hnawtchhuak ang: Anni ho hi ka hmangaih tawh lo ang; An hotu zawng zawngte chu hel hmang an ni.

¹⁶Ephraim chu vuakin a awm a, an zung chu a ro zo a, Rah an chhuah lo ang: A ni, chhuah mah se la, an chhul rah duhawm tak chu Ka that tho ang.Ka pathian chuan anni chu a paih bo ang Amah an bengkhawn loh avangin: Tichuan hnam dangte zinga vakvaiin an awm ang.

¹⁷Ka pathian chuan anni chu a paih bo ang Amah an bengkhawn loh avangin: Tichuan hnam dangte zinga vakvaiin an awm ang.