Read Baibul, Mizo Joela 1 Bible Online

Joela 1 - Baibul, Mizo bible

Joela 1

¹Pethuela fapa Joela hnena LALPA thu lo thleng chu.

²Putarte u, hei hi hre rawh u, he rama awm zawng zawngte u, beng chhi rawh u. Hei hi, in hun lai leh in pute hun lai pawhin a awm tawh ngai em ni?

³Chu chu in fate hrilh u la, in fate chuan an fate hrilh se la, an fa lehte chuan chhuan dang hrilh zel rawh se.

⁴Thingnget pangangin a ei ban apiang chu khaukhuapin a ei a; khaukhuapin a ei ban apiang chu thingngetin a ei a, thingngetin a ei ban apiang chu pangangin a ei zo a.

⁵Ruite u, harh u la, tap rawh u; uain in zawng zawngte u, a uain thlum avang chuan chiau vak vak rawh u; in ka ata lak bo a ni tawh si a.

⁶Hnam chak tak, chhiar sen loh, ka ramah a lo chhuak ta si a, an ha chu sakeibaknei ha ang a ni a, sakeibaknei lian tak hapui ang an nei bawk a.

⁷Ka grep hrui a tichhia a, ka theipui thing pil a hik a: a hik fai vek a, a paih bo a; a tangte chu a filh var vek a.

⁸Nulain, saiip puan fenga, a that lai pasal a sun angin tap vak rawh u.

⁹Chhangphut hlan te, in tur hlante chu LALPA in ata tihbo a ni a; puithiam LALPA rawngbawltute chu an lungngai a.

¹⁰Lo chu tihchhiat a ni a, ram chu a lungngai a; buh chu tihchhiat a ni, uain thar chu a kang a, hriak chu a chau a.

¹¹Aw, ngangni, lo neitute u, zak u la; aw, nangni, grep hrui enkawltute u, buh leh buhsanghar avangin chiau vak vak rawh u; loa buh seng tur chu a boral ta si a.

¹²Grep hrui chu a vuai a, theipui k

¹³Nangni puithiamte u, saiip puan veng u la, tap rawh u; nangni, maicham rawngbawltute u, chiau vak vak rawh u; nangni ka Pathian rawngbawltute u, lo kal ula, saiip puan sinin zankhuain mu rawh u: in Pathian in atang chuan chhangphut hlan leh in tur hlan chu khap a ni si a.

¹⁴Chaw nghei hun serh thianghlim u la, inkhawmpui urhsun siam u la, LALPA in Pathian inah chuan putarte leh he rama chung zawng zawngte chu hruai khawm u la, LALPA chu au rawh u.

¹⁵Chu ni chu a chung a pik e! LALPA ni chu a hnai si a, Engkimtitheia laka boralna ang a lo thleng ang.

¹⁶Kan mithmuhah ei tur tihbo a ni lo em ni, a ni, kan hlimna leh lawmna chu kan Pathian in ata tihbo a ni lo em ni?

¹⁷Chite chu lei tlang hnuaiahte chuan a tawih a; zem te chu a ram a, buhin te chu thiat in a awm a; a buh chu a vuai ta si a.

¹⁸Rante chu an va ram nasa em! Bawng rualte chu an mangang a, hlobet hring hmun an neih loh avangin; a ni, beram rualte chu an tiau a.

¹⁹Aw, LALPA, ka au va che: mei chuan thlaler ram hlobet hmun chu a kang fai ta a, meiah chuan ram thing zawng zawng chu a kang fai ta si a.

²⁰A ni, ram sate chu nangmah ngaiin an thaw huam huam a: lui tete chu a kang chat a, meialh chuan thlaler ram hlobet hmun chu a kang fai ta si a.Khau rual chu LALPA ni tehkhinna

²¹Khau rual chu LALPA ni tehkhinna