Read Baibul, Mizo Amosa 2 Bible Online

Amosa 2 - Baibul, Mizo bible

Amosa 2

¹LALPA'n heti hian a ti: Moab bawhchhiatna pathum avangin, a ni pali avangin,a, hremna chu ka tireh lo ang;Edom lal ruhte chu chinai ang hialin a hal avangin:

²nimahsela Moab chungah mei ka tir ang a, Kerioth khaw lal inte a kang zo ang a; tin, Moab chu buaina leh au leh tawtawrawt riin a thi ang a:

³chumi zing ata roreltu chu ka ti bo ang a, a miliante zawng zawng chu, amah nen ka that ang, LALPA chuan a ti.

⁴LALPA chuan heti hian a ti:Juda bawhchhiatna pathum avangin, a ni pali avangin,a hremna chu ka tireh lo ang; LALPA dan chu an hnar a, a thupekte an vawng lo va an pate biak thin pathian lemte khan a hruai bo avangin.

⁵nimahsela Juda chungah mei ka tir ang a. Jerusalem khaw lal inte chu a kang zo ang.

⁶LALPA chuan heti hian a ti: Israel bawhchhiatna pathum avangin, a ni pali avangin, a ni a hremna chu ka tireh lo ang; tangkaruaa mifel an hralh avang leh, pheikhawk bun khatami tlachham a hralh avangin:

⁷mi retheite lu chunga vaivut takngial pawh an it a, pachhiate an ruksak a, pa leh a fapa chuan nula pakhat an zen tawm a, ka hming thianghlim an tibawlhhlawh a ni.

⁸Maicham awmna apiangah puan dahkham chungah an mu thin a, an Pathian inah chuan mi an chawitir mante chuan uain an in thin a.

⁹Nimahsela anmahni hmaah Amorho, sidar thing anga sang leh sasua anga chak pawh kha ka tiboral a; a chung lam ata a rah leh a hnuai lam ata a zung pawh ka tibo a.

¹⁰Tin, Amorho ram nei turin Aigupta ram atangin ka hruai chhuak che u a, thlaler ah kum sawmli chhungin ka hruai che u a.

¹¹Tin, zawlnei ni turin in fapate zinga mi leh Nazirit mi ni turin tlangvalte ka siam a. Aw, Israel fate u, chutiangin a ni lo em ni? LALPA thu chhuak chuan a ti.

¹²Nimahsela Nazirit mi hnenah uain in tur a pe a, zawlneite hnenah, Thu hril suh u, tiin thu in pe a.

¹³Ngai teh u, buhphala khat, tawlailir chilh angin, in hmunah ka nem ang che u.

¹⁴Tin, mi tlan chakte chakna a bo ang a, mi chakin tha a so thei hek lo ang: mi chak tak pawh a in hum thei lo ang a,

¹⁵thal ngul hmangtu pawh a ding thei hek lo ang: kal chak mi pawh a inhum thei lo vang a, sakawr chung chuang mi pawh a inhum thei hek lo ang a:chumi niah chuan mi thiltithei tak zinga mi huaisen pawh chu saruakin a tlanbo vang, LALPA thu chhuak chuan a ti.

¹⁶chumi niah chuan mi thiltithei tak zinga mi huaisen pawh chu saruakin a tlanbo vang, LALPA thu chhuak chuan a ti.