Read Baibul, Mizo Amosa 4 Bible Online

Amosa 4 - Baibul, Mizo bible

Amosa 4

¹Nangni samari tlanga cheng nuho, Basan sebawng chawm thau ang te u, retheite hnehchhiah a, tlachhamte nek a, pasalte hnena, Rawn la u la, i in ang u,'' titute u, he thu hi hre rawh u.

²Lalpa PATHIAN chuan ama thianghlimna chhalin chhia a chham a: Ngai teh u, thir kawmin a lak bo che u a, in zinga awm chhun nghakuaiin a lak bo ni che u a lo thleng ang.

³Tin, bang pawpahte in kal chhuak ang a, mitin ngil takin an kal ang; Harmon hmunah in paih ang, LALPA thu chuak chuan a ti.

⁴Bethel-ah chuan lo kal u la, bawhchhe rawh u; Gilgalah chuan lo kal u la, bawhchhiatna tipung rawh u; tin, inthawinate chu tuk tin rawn la u la, i sawma pakhatte chu ni thum dan zelah rawn la rawh u;

⁵tin, dawidim telh lawmthu hrilh inthawina chu hlan u la, mahni duhzawng hlannate chu hril u la, puang rawh u: Aw Israel fate u, hei hi in duhzawng ta a ni si, lalpa PATHIAN chuan a ti a.

⁶Tin, kei pawhin in khawpui zawng zawngahte tamna leh in hmun zawng zawngahte tlakchhamna ka pe che u a: chuti pawhin ka hnenah in lo kir lo a, LALPA thu chhuak chuan a ti.

⁷Tin, buh lak hun tur thla thum a la nih laiin in chunga ruah sur tur pawh ka chelh a: khawpui pakhat chunga ka surtirin, khawpui dang chungah ka surtir lo va: hmun khat chungah a sur thin a, a sur lohna hmun chu a ro thin a.

⁸Chutichuan, khawpui pahnih emaw, pathum emaw chu khawpui pakhatah tui in turin an vak a, a khawp lo va: chuti pawhin ka hnenah in lo kir lo, LALPA thu chhuak chuan a ti.

⁹Rona lal hmuarnain ka hrem che u a: in huante, in grep huante, in theipui kungte, in olive thingte zozai chu thingnget pangang chuan a ei zo vek tawh a ni a: chuti pawhin ka hnenah in lo kir lo, LALPA thu chhuak chuan a ti.

¹⁰Aigupta ram angin nangni zingah hripui ka tir a: khandaihin in tlangvalte chu ka that tawh a, in sakawrte ka hruai bo tawh a ni; tin in sipai hmun rimchhia chu in hnara nam khawpin ka awmtir a: chuti pawhin ka hnenah in lo kir lo, LALPA thu chhuak chuan a ti.

¹¹Sadom leh Gomora khua chu pathianin a tihchim lai angin, in zingah mi pawhin ka hnenah in lo kir lo, LALPA thu chhuak chuan a ti.

¹²Chuvangin, Aw, Israel, i pathian tawk turin in peih rawh.Ngai teh, tlangte din chhuak a, thli siam a, mihring hnenah chuan a ngaihtuahna eng nge ni tih sawi chhuah sak a, zing chu tithim a, lei hmun sangte chiltu chu a hming LALPA, sipaihote Pathian chu a ni si a.

¹³Ngai teh, tlangte din chhuak a, thli siam a, mihring hnenah chuan a ngaihtuahna eng nge ni tih sawi chhuah sak a, zing chu tithim a, lei hmun sangte chiltu chu a hming LALPA, sipaihote Pathian chu a ni si a.