Read Baibul, Mizo Amosa 5 Bible Online

Amosa 5 - Baibul, Mizo bible

Amosa 5

¹Aw, Israel chite u, he thu nangmahni sun nana ka sawi hi hre rawh u.

²Nula thianghlim, Israel chu, a tlu tawh a; a ding leh tawh lo ang: a ram chungah paih thlak a ni tawh a ni; amah tungding turin tumah an awm lo.

³Lalpa PATHIAN chuan heti hian a ti si a: Israel chite hnenah chuan, khawpui, sang chhuahna khan, za a hnutchhiah ang a, khawpui, za chhuahna khan, sawm a hnutchhiah ang.

⁴LALPA chuan Israel chite hnenah chuan heti hian a ti si a, Mi zawng u la, in nung ang:

⁵nimahsela Bethel khua zawng suh u la, Gilgal-ah lut hek suh u la, Beerseba khuaah kai suh u: Gilgal khua chu matheiloin salah an man dawn si a, Bethel khua chu a lo thlawn ang.

⁶LALPA chu zawng u la, in nung ang; chutilochuan, Josefa inah mei angin a chhuak ang a, a kang zo ang a, Bethel khuaah timit tur tumah an awm lo ang:

⁷rorelna sai thinga chantira, felna chu leia paih thlate u;

⁸Siruk leh Chhohreivung siamtu leh thihna daihhlim zinga chantirtu leh chhun chu zanthima siamtu, tuifinriat tuite ko a, lei chunga luantirtu chu, amah chu zawng u langin; a hming chu LALPA a ni;

⁹kulh chungah boralna lo thleng khawpa, michakte chunga boralna thlentu chu.

¹⁰kulh kawngkaa dik taka roreltu chu an hua a, thu dik tak sawitu chu.

¹¹Chuvaangin miretheite rap betin buh in lak luihsaka: lungchher chuan inte in sa a, nimahsela a chhungah in cheng lo ang; grep huan nuamte in siam a, nimahsela a uain in in lo ang.

¹²I bawhchhiatna te tamzia leh in sualna te a nasatzia ka hre si a; mifelte tiduhdaha, thamna la a, kulh kawng kaa tlachhamte chanpual ngei pawh pe phal lote u.

¹³Chuti chuan mifing chu chutiang hunah chuan a ngawi reng a, hun tha lo a nih avangin.

¹⁴In nun theinna'n that lohna zawng loin, thatna zawng u la: tin in sawi angin, Lalpa sipai hote pathian chu in hnenah a awm ang.

¹⁵Sualna chu hua u la, thatna ngaina u la, kawng kaah rorelna chu tungding nghet rawh u: Josefho mi la awm chhunte chungah chuan LALPA, sipaihote pathian chuan khawngaihna a nei dah law maw.

¹⁶Chuvangin LALPA, sipai hote pathian, Lalpa chuan heti hian a ti: Kawtlai zau zawng zawngah tah vak vakna a awm ang a; kawtthler zawng zawngah, A va pawi em! an ti ang a; lungngai turin loneitute leh tap vak vak turin sun thiamte an ko ang.

¹⁷Tin, grep huan zawng zawngah an tap vak vak ang a: in zingah ka kal tlang dawn si a, LALPA'n a ti a.

¹⁸LALPA ni duhte u, in chung a pik e! Engati nge LALPA ni chu in duh? Eng ni lo in thim a ni zawk e.

¹⁹Sakeibaknei kal san a, savawm tawk mi ang leh inah lut a, bang chungah kut nghat a, rulin a chuk ang a ni.

²⁰LALPA ni chu eng ni loin thim a ni dawn lo em ni? Thim chhah leh eng reng reng pawh nei loin?

²¹In kutte ka huain ka hmusit a, in inkhawmpui urhsunahte chuan ka lawm hek lo vang a.

²²A ni, in halral thilhlan leh in buhhlan min hlan mah u la, ka pawm lo ang a, in ran thau remhlante pawh ka ngaihsak hek lo ang a.

²³I tingtang rimawi chu ka ngaithla lo ang; chuvangin ka lakah i hla beng chheng chu la bo rawh.

²⁴Nimahsela rorelna dik chu lui angin luang se la, felna chu luipui kang ngai lo angin luang rawh se.

²⁵Aw Israela chhunghote u, kum sawmli chhungin thlalerah khan inthawina te leh thilhlante ka hnenah ka rawn la em ni?

²⁶A ni, in lalber Sikkuth leh in kaiuan milimte, in arsi pathian, mahni tana in siam chu, in la ang a.Chutichuan Damaska khaw piah lamah salah ka kaltir ang che u a, Sipaihote lalpa PATHIAN chuan a ti.

²⁷Chutichuan Damaska khaw piah lamah salah ka kaltir ang che u a, Sipaihote lalpa PATHIAN chuan a ti.