Read Baibul, Mizo Amosa 6 Bible Online

Amosa 6 - Baibul, Mizo bible

Amosa 6

¹Zion tlanga nuam lutuk a awmte leh Samari tlanga him taka awmte leh hnam lian ber miropuite, an hnena Israela chhungho an kalnate chung chu a pik e!

²Kalneh khuaah kal u la, en rawh u; tin, chuta tangin Hamath khaw ropuiah chuan kal u la: tin, Philistia ram Gath khuaah chuan kal chhuak u la: he'ng ramte ai hian an tha zawk em?

³Nangni ni tha lo hla taka dah leh nunrawng thutna hnaihtirte u,

⁴sainghho khuma mu a, an thutthleng sei chungah te zi mar a, beram rual zinga beram note leh sebawng awmna zing ata sebawng tuaite ei a;

⁵tingtanga dawng dahna hlate sa a, Davida anga mahni tana hla thluk hmanruate siam a;

⁶berhbu liana uain in a, hriak tha bera in hnawihte chu; nimahsela Josef-ho hreawmna avangin an lungngai lo.

⁷Chutichuan tuna sala kal hmasate nen salah an kal ang a, zi marte hlimna bung bung chu a bo ang.

⁸LALPA, sipaihote Pathian chuan, lalpa PATHIAN chuan amah leh amah inchhalin chhia a chham a: Jakoba chapona chu ka ten a, a lal inte ka hua a: chuvangin khua leh a chhunga awm zawng zawngte chu ka mantir dawn a ni.

⁹Tin, heti hi a lo ni anga, in pakhatah mi sawm an la awm chuan an thi ang a.

¹⁰Tin, mi pakhat pami a haltu ngei pawhin a la a, in chhung ata a ruh la chhuak turin, in chungnung bera awm hnenah, I hnenah tupawh an la awm em? a tih a, anin, Awm lo, a tih chuan; tin, a nin Ngawi tlat rawh; LALPA hming chu kan lam tur a ni si lo a, a ti ang a.

¹¹Ngai teh u, LALPA chuan thu a pe si a; tin, in lian chu a chim rem rum ang a, in te pawh chu a khi chat rel rul ang a.

¹²Sakawrte chu lungpui chungah an tlan ang em ni? Chutah miin sebawngin lei an let ang em ni? Nangnin rorelna chu thihna hlovah leh felna chu sai thinga in chantir hi:

¹³nangni thil thlawn chunga lawm a, Keimahni chaknain a a ni lawm ni kite kan lak? tite u.En teh u, Aw Israela chhungte u, nangni do turin hnam ka din chhuahtir ang a; tin, Hamath khaw kawt chhuah atangin Araba lui thlengin an tiduhdah ang che u a, LALPA sipaihote Pathian thu chhuak chuan a ti si a.

¹⁴En teh u, Aw Israela chhungte u, nangni do turin hnam ka din chhuahtir ang a; tin, Hamath khaw kawt chhuah atangin Araba lui thlengin an tiduhdah ang che u a, LALPA sipaihote Pathian thu chhuak chuan a ti si a.