Read Baibul, Mizo Amosa 7 Bible Online

Amosa 7 - Baibul, Mizo bible

Amosa 7

¹Lalpa PATHIAN chuan inlarna min hmuhtir a. Chutah chuan khaukhuap rual tam tak a siamte chu ka hmu a. Hei hi lal fathang buh an seng hnua, buh tiah leh tan tirh lai takin a ni a.

²Tin, heti hi a lo ni a, chumi rama hlobet chu an ei zawh hnuin, Aw lalpa PATHIAN, ngaidam rawh, ka ngen a che: Jakoba chu engtinnge a din theih ang; Amah a te si a, ka ti a.

³He thu lamah hian LALPA chu a lamlet a: LALPA chuan, A ni tawh lo ang, a ti a.

⁴LALPA chuan inlarna mi hmuhtir leh a, a mite hremnan mei a lo lai ka hmu a; mei chuan tui thuk tak chu a kang vek a, ram pawh a kang dawn a.

⁵Tin, keiin, Aw lalpa PATHIAN, bang rawh, ka ngen a che: Jakoba chu engtin nge a din theih ang? Amah a te si a, ka ti a.

⁶He thu lamah hian LALPA chu a lamlet a; LALPA chuan, Hengte pawh hi a lo thleng lo ang a ti a.

⁷Hetiangin mi entir leh a; chutah chuan, LALPA chu bang ngil taka rem kianga ding ka hmu a, a kutah enremna a awm a.

⁸Tin, ka hnenah LALPA chuan, Amosa, eng nge i hmuh? a ti a. Tin, keiin, Enremna, ka ti a, Tin LALPA chuan, ngai teh, ka mi Israelte zingah enremna ka dah ang a; an mahni ka pel leh tawh lo ang a:

⁹Tin, Isaaka hmun sangte chu an lo ram ang a, Israel hmun thianghlimte chu tihchhiat a ni ang a; tin, Jeroboama chhungte khandaihin ka do ang a.

¹⁰Tin, Bethel khaw puithiam Amazia chuan Israel lal Jeroboama hnenah: Amosa chuan Israela chhungte zingah a phiar che a: ram chuan a thu zawng zawng chu a tuar thei lo.

¹¹Amosa chuan heti hian a ti si a, Jeroboama chu khandaihin a thi ang a, mathei loin a ram atangin Israel chu chu salah a hruai chhuak ang a, tiin thu a thawn a.

¹²Ti, Amosa hnenah Amazia chuan, Aw, nang zawlnei, kal la, Judai ramah tlanbo la, chutah chaw ei la, thu hril rawh:

¹³nimahsela Bethel khuaah thu hril leh tawh suh; lal hmun thianghlim leh lal in a nih avangin, a ti bawk a.

¹⁴Tin, Amazia hnenah Amosa chuan, Zawlnei ka ni lo a, zawlnei fapa pawh ka ni hek lo; ran rual vengtu leh theipui thing enkawltu ka ni zawk e:

¹⁵Tin, LALPA chuan beram rual venna ata chu mi la a, LALPA chuan ka hnenah, kal la, ka mi Israelte hnenah thu hril rawh, min ti a.

¹⁶Chutichuan tunah LALPA thu chu hre rawh: Nangin Israel kalhin thu hril suh la, Isaaka chhungte kalhin i thu thlah suh la, i ti a;chuvangin LALPA chuan heti hian, I nupui chu khawpuiah nawhchizuar a ni ang a, i ram chu tehna hruiin an sem ang a; tin, nangmah ngei chu ram thianglo chhungah chuan i thi ang a, mathei loin Israel chu a ram ata salah an hruai bo ang a, a ti a, tiin a chhang a.

¹⁷chuvangin LALPA chuan heti hian, I nupui chu khawpuiah nawhchizuar a ni ang a, i ram chu tehna hruiin an sem ang a; tin, nangmah ngei chu ram thianglo chhungah chuan i thi ang a, mathei loin Israel chu a ram ata salah an hruai bo ang a, a ti a, tiin a chhang a.