Read Baibul, Mizo Jona 1 Bible Online

Jona 1 - Baibul, Mizo bible

Jona 1

¹Amittaia fapa jona hnenah LALPA thu a lo thleng a,

²Tho la, Ninevi khua, khawpui ropui takah chuan kalla, a chung thu tlangaupui rawh; an suahsualna chu ka hmaah a lo thleng chho ta si a, tiin.

³Nimahsela Jona chu LALPA hma ata Tarsis-ah tlanbo turin a tho ta a; tin, Joppa khuaah a kal chhuk a, Tarsis lawng pan tur lawng a hmu a: tichuan a kal man chu a pe a, LALPA hma ata chu Tarsis pan turte nena kal turin lawngah chuan a lut thla ta a.

⁴Nimahsela LALPA chuan thli na tak mai tuifinriatah chuan a tlehtir a, tuifinriatah chuan thlipui nasa tak a tleh a, tichuan, lawng chu a keh dawn ang maiin a awm ta a.

⁵Tin, lawng mite chuan an hlau a, mahni pathian an au theuh a; lawng chu an tan a zanna'n lawng chhunga bungruate chu tuifinriatah chuan an paih chhuak ta a. Jona erawh chu lawng chhungril berah a lo lut tawh a ni a; a mu a, a lo muhil der a.

⁶Chutichuan lawng hotu chu a hnenah a lo kal a, Aw nang muhil, eng tizia nge ni? Tho la, i Pathian ko rawh, Pathian chuan, kan boral loh nan, min ngaihtuah mahna, a ti a.

⁷Tin, hawh u, he thil tha lo kan chunga lo awm hi tu vang nge ni tih kan hriat theih nan, thum i vawr ang u, tiin an in be hlawm a. Tichuan, thum an vawr a, thum vawr chu Jona chungah a tlu ta a.

⁸Tichuan, a hnenah chuan, He thil tha lo kan chunga awm hi tu vang nge ni, min hrilh rawh, kan ngen a che; i hnathawh eng nge ni? Khawi atanga lo kal nge i nih? Eng hnam mi nge i nih? an ti a.

⁹Ani chuan an hnenah, Hebrai mi ka ni a; tuifinriat leh khawmual siamtu LALPA, van Pathian chu ka hlau a ni, a ti a.

¹⁰Tin, mite chuan an hlau nasa ta em em a, a hnenah chuan, Hei le, eng nge i lo tih ni? an ti a; a hrilh tawh avangin, mite chuan LALPA hma ata a tlanbo a ni tih an hre si a.

¹¹Tichuan, a hnenah chuan, kan tan tuifinriat hi a fawn loh nan, i chungah eng nge kan tih ang? an ti a, tuifinriat chu a fawn nasa telh telh si a.

¹²Tin, a ni chuan an hnenah, Mi la kang u la, tuifinriatah hian mi theh chhuak rawh u; tichuan tuifinriat hi in tan a fawn tawh lo ang: keimah avangin in chungah he thlipui nasa tak hi a tleh a ni tih ka hre si a, a ti a.

¹³Nimahsela mite chuan khawmualah kir turin an kar vak vak a; amaherawhchu an thei lo va: tuifinriat lah chu an chungah a fawn nasa telh telh si a.

¹⁴Chuvang chuan LALPA chu an au a, Aw LALPA, he mi nunna avang hian min tiboral suh la, mithiam thisen mawh kan chunga nghat lul lo turin kan ngen a che, Aw LALPA, nangin i duh anga i tih a ni si a, an ti a.

¹⁵Chutichuan Jona chu an la kang a, tuifinriatah chuan an theh chhuak ta a: tin, tuifinriat chu a fawn phul bulh bulh a reh ta a.

¹⁶Tichuan, mite chuan LALPA chu nasa takin an hlau ta a; LALPA hnenah chuan inthawina an hlan a, thute an tiam ta a.Tin, LALPA chuan Jona lem turin sangha lian tak a lo ruat tawh a; chu sangha kawchhungah chuan Jona chu ni thum leh zan thum a awm a.

¹⁷Tin, LALPA chuan Jona lem turin sangha lian tak a lo ruat tawh a; chu sangha kawchhungah chuan Jona chu ni thum leh zan thum a awm a.