Read Baibul, Mizo Jona 2 Bible Online

Jona 2 - Baibul, Mizo bible

Jona 2

¹Tin, Jona chu, sangha kawchhung atang chuan, LALPA a pathian hnenah a tawngtai a.

²Heti hian a ti a; Ka hreawmna avangin LALPA chu ka ko a, Annin mi chhang a; Seol kawchhung atangin ka au a, Nangin ka aw i hria a.

³Thuk takah, tuifinriat chhungrilah chuan nangin mi paih lut a, Tui tamtak chu ka velin a awm a; I tuifawn leh i tui in chhawk zawng zawngte chuan mi vur zel a.

⁴Tin, i mithmuh ata paih chhuah ka ni a; Nimahsela i biakin thianghlim lam ka hawi leh ang, ka ti a.

⁵Tuite chuan ka nunna chenin mi hual vel a; Tui thuk chu ka velin a awm a; Hnimte chuan ka lu a tuam vel a ni.

⁶Tlang bul tawp retahte chuan ka kal chhuk a; Lei chuan kumkhua atan a kalhnate chuan mi khar khum a: Amaherawhchu nangin, Aw LALPA ka Pathian, khuarkhurum ata chu ka nunna i la chhuak a ni.

⁷Ka nunna ka kawchhung a chauh lai chuan, LALPA chu ka hre reng a: Ka tawngtaina chu i biakin thianghlimah i hnen a lo thleng a ni.

⁸Thil lawilo dawt mai mai ngaihsak tute chuan Anmahni ngilneihna chu an hawisan a ni.

⁹Kei erawh chuan lawm thu sawina aw nen i hnenah in thawina ka hlan ang a; Thu ka tiam tawh chu ka hlen ang. Chhandamna chu LALPA ta a ni, tiin.Tin, LALPA chuan sangha chu a bia a, Jona chu khawmualah a law chhuak ta a.

¹⁰Tin, LALPA chuan sangha chu a bia a, Jona chu khawmualah a law chhuak ta a.