Read Baibul, Mizo Jona 3 Bible Online

Jona 3 - Baibul, Mizo bible

Jona 3

¹Tin, LALPA thu chu Jona hnenah a lo thleng nawn leh a,

²Tho la, Ninevi khua, khaw ropui takah chuan kal la, thu sawi tur ka tuk che hi va tlangaupui rawh, tiin.

³Tichuan Jona chu a tho a, LALPA thu ang chuan Ninevi khuaah a kal ta a. Ninevi chu khaw ropui zet, a zau zawng ni thum kal a ni.

⁴Jona chu ni khat kal chin khawpui chhungah chuan a han lut tan phawt a, Tun a chin ni sawmliah, Ninevi hi tih boral a ni dawn e, tiin a au a.

⁵Ninevi mite chuan Pathian an ring ta a, Chaw nghei tur tiin an puang a, an zinga a lian ber atanga a te ber thlengin saiip puan an sin ta a.

⁶Chung thu chu Ninevi khaw lalber beng a lo thleng a, a lal thutphah atang chuan a tho va a lal puan chu a hlip thla a, saiip puan a sin a, vutah a thu ta a.

⁷Lalber leh a milliante thupekin lalber chuan Ninevi khawchhungah thu a puangin a chhuah a, mihring emaw, ran emaw, bawng rual emaw, beram rual emawte chuan engmah tem suh se: eiin tui pawh in suh se:

⁸Mihring leh rante chuan saiip puan sin zawk se la, Nasa takin pathian au rawh se: a ni, mitinin mahni kawng tha lo leh an kuta pawngnekna chu hawisan rawh se.

⁹Kan boral loh nan, Pathian chu kirin, rilru lamletin, a thinrimna nasa tak atang chuan a lamlet lo ang tih tuin nge hria? tiin.Tichuan pathianin an thil tihte chu en in, an kawng tha lo chu an hawisan tih a hmu a; an hnena a sawi tawh, tih a tum thil tha lo chuPathian chuan a lamlet a; a ti ta lo a ni.

¹⁰Tichuan pathianin an thil tihte chu en in, an kawng tha lo chu an hawisan tih a hmu a; an hnena a sawi tawh, tih a tum thil tha lo chuPathian chuan a lamlet a; a ti ta lo a ni.