Read Baibul, Mizo Jona 4 Bible Online

Jona 4 - Baibul, Mizo bible

Jona 4

¹Amaherawhchu, chu chuan Jona a ti lungni lo ta em em a, a thin rim a.

²LALPA hnenah chuan a tawngtai a, Aw LALPA ka ngen a che, heihi kan rama ka laawm lai a ka sawi kha a ni lo em ni? Hei vang hian Tarsis lamah ka tlanbo thuai a nih kha: nang zawng khawngaih ngah, thil tha lo laka lamlet thin i ni tih ka hria a ni.

³Chuvang chuan, Aw lalpa tunah ka nunna hi mi laksak turin ka ngen a che; kei atan hian dam aiin thih a tha zawk si a, a ti a.

⁴Tin, Lalpa chuan, i thinrim hi i ti dik em ni? a ti a.

⁵Tichuan Jona chu khawpui ata chu a kal chhuak a, khawpui chhak lam pang ah chuan a thu a, chutah chuan chhawl buk a sa a, khawpui chhunga thil lo thleng tur chu hmuh tumin a hnuai hlimah chuan a thu ta reng a.

⁶Tin, LALPA pathian chuan um a lo ruat a, chu chu Jona chungah a zamtir a, a hreawmna ata chhanchhuak tura a lu zar hliah tu a tan. Chutichuan, Jona chu um avang chuan a lawm nasa em em a.

⁷A maherawhchu Pathianin, atuk khawfing chah laiin, sulrul a lo ruat a, chu chuan um chu a kher a, a lo vuai ta a.

⁸Tin, heti hi a ni a, ni a lo chhuah chuan Pathianin khaw chhak thli lum a lo ruat a; tin, ni chuhan Jona lu chu a em a, a thi dang a, a tan chuan thih a dil ta a, kei atan hian dam aiin thih a tha zawk e, a ti a.

⁹Tin, Pathian chuan Jona hnenah, um chungchang thu ah i thinrim hi i ti dik em ni? a ti a.

¹⁰Tin, LALPA chuan, I rinpui loh, i thantir pawh ni hek lo, zankhat thila lo awm a, zankhat thila boral leh um hi i lainat a:Ninevi khua, khaw ropui tak, a chhunga mi nuaikhat lehsinghnih aia tam, an ding leh vei pawh thliar thei lote leh ran rual tam tak awmna hi, ka khawngaih lo vang em ni? a ti a.

¹¹Ninevi khua, khaw ropui tak, a chhunga mi nuaikhat lehsinghnih aia tam, an ding leh vei pawh thliar thei lote leh ran rual tam tak awmna hi, ka khawngaih lo vang em ni? a ti a.