Read Baibul, Mizo Numbers 1 Bible Online

Numbers 1 - Baibul, Mizo bible

Numbers 1

¹Aigupta ram ata an lo chhuah kum hnih kum, thla hnihna, ni khat niin Sinai thlalerah inbiakna puan inah LALPA'n Mosia a bia a,

²Israela thlahte pung khawm zawng zawngte chu, a chi chiin, a chhungkua kuain, an hming indawt dan ang zelin mipa zawng zawng chhiar vek rawh;

³kum sawmhnih achin chung lam Israelte zinga mi ralkai chin zawng zawng chu nang leh Aronan a pawl pawlin chhiar vek tur a ni.

⁴Tin, i hnenah hnam tin, zinga mi pakhat, chi hrang hrang ata chhungkaw puipa zel an awm tur a ni.

⁵Tin, he'ng hi i hnena awm tur hmingte chu a ni. Reuben hnama mi Sedeura fapa Elizura.

⁶Simeon hnama mi Zurisadaia fapa Selumiela.

⁷Juda hnam a mi Aminadaba fapa Nasona

⁸Isakar hnama mi Zuara fapa Nethanela.

⁹Zebulun hnama mi Aelona fapa Eliaba

¹⁰Josefa thlah, Ephraim hnama mi Amihuda fapa Elisama: Manase hnama mi Pedazura fapa Gamaliela.

¹¹Benjamin hnama mi Gideonia fapa Abidana.

¹²Dan hnama mi Amisadaia fapa Aihezera.

¹³Aser hnama mi Okrana fapa Pahiela.

¹⁴Gad hnama mi Deuela fapa Eliasapha.

¹⁵Snaphtali hnama mi Enana fapa Ahira.

¹⁶Hengho hi mipuite zing ata thlan, an pi leh pute hnama puipa, Israel chhungkaw puipate an ni," tiin.

¹⁷Chutichuan Mosia leh Arona chuan chung an hming lamhote chu a hruai a;

¹⁸mipui zawng zawngte chu thla hnihna, ni khat niin an ko khawm vek a; a chi chiin, a chhungkua kuain, an hming indawt dan ang zelin kum sawmhnih achin chung lam zawng chu an thlahtute hming an tarlang a.

¹⁹LALPA'n Mosia thupek angin Sinai thlalerah chuan a chhiar ta a.

²⁰Israela fapa upa ber Rebena thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,

²¹Reubena thlah ralkai chin zawng zawngte chu 46,500 an ni.

²²Simeona thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,

²³Simeona thlah ralkai chin zawng zawngte chu 59,300 an ni.

²⁴Gada thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,

²⁵Gada thlah ralkai chin zawng zawngte chu 45,650 an ni.

²⁶Juda thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,

²⁷Juda thlah ralkai chin zawng zawngte chu 74,600 an ni.

²⁸Isakara thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,

²⁹Isakara ralkai chin zawng zawngte chu 54,400 an ni.

³⁰Zebulun thlah chhuante chu a chi chiin, a chhungkua kuain, an hming indawt dan ang zelin mipa kum sawmhnih achin chung lam,

³¹Zebulun thlah ralkai chin zawng zawngte chu 57,400 an ni.

³²Josepha thlah zinga mi Ephraima thlah chhuante chu a chi chiin, a chhungkua kuain, an hming tam dan ang zelin kum sawmhnih achin chung lam,

³³Ephraima thlah ralkai chin zawng zawngte chu 40,500 an ni.

³⁴Manasea thlah chhuante chu a chi chiin, a chhungkua kuain, an hming tam dan ang zelin mipa kum sawmhnih achin chung lam,

³⁵Manasea thlah ralkai chin zawng zawngte chu 32,200 an ni.

³⁶Benjamina thlah chhuante chu, a chi chiin, a chhungkua kuain, an hming tam dan ang zelin, kum sawmhnih achin chung lam,

³⁷Benjamina thlah ralkai chin zawng zawngte chu 35,400 an ni.

³⁸Dana thlah chhuante chu a chi chiin, a chhungkua kuain, an hming tam dan ang zelin, kum sawmhnih achin chung lam,

³⁹Dana thlah ralkai chin zawng zawngte chu 62,800 an ni.

⁴⁰Asera thlah chhuante chu a chi chiin, a chhungkua kuain, an hming tam dan ang zelin, kum sawmhnih achin chung lam,

⁴¹Asera thlah ralkai chin zawng zawngte chu 41,500 an ni.

⁴²Napthtalia thlah chhuante chu a chi chiin, a chhungkua kuain, an hming tam dan ang zelin, kum sawmhnih achin chung lam,

⁴³Napthalia thlah ralkai chin zawng zawngte chu 53,400 an ni.

⁴⁴Chungte chu an ni, Mosia leh Aronan Israel puia sawm leh pahnih, chhungkaw puipate nena an chhiarte chu.

⁴⁵Chutichuan Israela thlah a chhungkua kuaa kum sawmhnih achin chung lam ralkai chin kawng zawng, Israel rama mi chu an chhiar a:

⁴⁶an chhiar zawng zawngte chu 6,03,550 an ni.

⁴⁷Levi mite thlahtute zawng an chhiar ve lo.

⁴⁸LALPA'n Mosia hnenah,

⁴⁹Levi chi zawng i chhiar ve tur a ni lo a, Israel mite zingah i chhiar tel tur a ni hek lo;

⁵⁰Levi-hote chu Pathian chenna in enkawltu leh a bungrua zawng zawng leh chu mia thil awm zawng zawng enkawltuah i ruat zawk tur a ni: biak buk leh a bungrua zawng zawng an zawn thin ang a; an enkawl ang a, biak buk chu a vela an awm chilh thin ang.

⁵¹Tin, biak buk chu a chhuah dawn apiangin Levi-ho chuan an thiat ang a; tin, biak buk zar dawn apiangin Levi-hoin an zar thin ang: hnam dang a rawn inrawlh apiang chu tihlum tur an ni ang.

⁵²Tin, Israela thlahte chuan mahni hmun theihvah, a pawl pawlin an tam dan zir zelin an puan inte an zar ang a.

⁵³Levi-ho erawh chuan thinurna a awm lohna'n Pathian chenna in velah an zar tur a ni. Levi-ho chuan hriattirna biak buk hu an enkawl tur a ni," tiin a lo sawi tawh si a.Chutiang chuan Israela thlahte chuan an ti a; LALPA'n Mosia thu a pek ang zawng zawng chuan an ti ta a.

⁵⁴Chutiang chuan Israela thlahte chuan an ti a; LALPA'n Mosia thu a pek ang zawng zawng chuan an ti ta a.