Read Baibul, Mizo Numbers 10 Bible Online

Numbers 10 - Baibul, Mizo bible

Numbers 10

¹Tin, LALPA'n Mosia a bi a,

²Tangkaraw tawtawrawt pahnih siam la; a chhera chherin siam rawh: mipuiho kohkhawmna'n leh chhuahtirna'n i hmang tur a ni.

³Chu chu a ham kawp chuan mipi zawng zawng chu i hnenah inbiakna puan in kawngka bulah an rawn inkhawm vek tur a ni.

⁴Tin, pakhat chauh an ham chuan Israel mpuite hotu puipate chauh i hnena an lo kal khawm tur a ni ang a.

⁵Tin, ralkhel hama in ham chuan chhak lampanga awmhote an chuak tur a ni ang.

⁶Tin, ralkhel hama in ham leh chuan chhim lampanga awmhote an chhuak tur a ni, an chhuahna turin ralkhel haminan ham tur a ni.

⁷Amaherawhchu mipuite lo kal khawmna tur chuan in ham phawt ang a, ralkhel ham erawh chuan ham loin,.

⁸Arona fapa puithiamhote chuan tawtawrawt chu an ham tur a ni; chu chu in tan inthlahte thlenga kumkhaw dan tur a ni ang.

⁹In rama hmelma hnuaichhiahtu che u do tura in kal hunin ralkhel hamin tawtawrawtte chu in ham tur a ni; tiin chuan LALPA in Pathian hmaah

¹⁰In hlimna niah te, in kut hun bi neiah te, in thla tharahte chuan inthawinaah te chuan tawtawrawt in ham tur a ni; tichuan in Pathian hmaa in tana hriat rengna a ni dawn nia: kei LALPA in Pathian ka nih hi," tiin.

¹¹Tin, kum hnihna thla hnihna, chu mi thla ni sawmhnih ni chuan heti hi a ni a, chhum chu Pathian chenna in chung ata chu a lo invawrh sang ta a.

¹²Tichuan Israela thlahte chu an kal dan bi ang chuan Sinai thlaler ata chu an chhuak a; tin, Paran thlalerah chuan chhum chu a ding ta a.

¹³Mosia hmanga LALPA thu pek angin an chhuak ta phawt a.

¹⁴A hmasa berin Juda pawlho an chhungkaw chhinchhiahna kengin an chhuak a: a hotu chu Aminadaba fapa Nasona a ni a.

¹⁵Isakar-ho hotu chu Zuara fapa Nethanela a ni a.

¹⁶Zebulun-ho hotu chu Helona fapa Eliaba a ni a.

¹⁷Tin, biak buk chu an thiat a, Gersona fapate leh Meraria fapa biak uuk zawntute chu an chhuak a.

¹⁸Tin, Reuben-ho chu an chhungkaw chhinchhiahna kengin an chhuak a: a hotu chu Seduera fapa Elizura a ni a.

¹⁹Simeon-ho hotu Zurisadaia fapa Selumiela a ni a.

²⁰Gad-ho hotu chu Deuela fapa Eliasapha a ni.

²¹Tin, Kohath-hote chuan thil thianghlim chu an zawn a, an chhuak a; tin, a dangte chuanan thlen veleh biak buk chu an lo din diam a.

²²Ephraim-ho chu an chhungkaw chhinchhiahna kengin an chhuak a: a hotu chu Amihuda fapa Elisama a ni:

²³Manase-ho hotu hu Pedazura fapa Gamaliela a ni a:

²⁴Benjamina-ho hotu chu Gideonia fapa Abidana a ni a.

²⁵Tin, a hnuhnung berah Danho chu an chhungkaw chhinchhiahna kengin an chhuak a: a hotu Amisadaia fapa Ahiezera a ni a.

²⁶Aser-ho hotu chu Okrana fapa Pagiela a ni a.

²⁷Naphtali-ho hotu chu Enana fapa Ahira a ni a.

²⁸Chutiang chu a ni Israela thlahte an chhungkaw chhinchhiahna kenga an kal dan chu; chutiang tak chuan an chhuak a.

²⁹Tin, Mosia puzawn Midian mi Reuela fapa Hobaba hnenah Mosia'n, "'Ka pe ang che u,' LALPA'n a tih hmunah chuan kan kal dawn a ni a; kan hnenah lo kal ve la,tha takin i chungah kan ti ang: LALPA chuan Israela thlahte chungchang thu chu tha takin a sawi tawh si a," a ti a.

³⁰Ani chuan a hnenah, "Ka lo kal lo mai ang e, keimahni ramah ka laichinte hnenah ka kalzawk ang e," a ti a.

³¹Tin, ani chuan, "Min kalsan lul suh khai, thlalerah chuan awmhmun kan khuarna tur i hrezawl so a. kan tan mit i lo ni dawn a ni.

³²Tin, heti hi a ni ang a, kan hnena i kal ve chuan, a ni, heti hi a ni ang a, LALPA'n thil tha min tihsak ang zelin ka tihsak ve zel ang che," a ti a.

³³Chutichuan LALPA tlang atanga ni thum kalah chuan an kal a; tin, LALPA thuthlung bawm chu an tana innghahna hmun remchang zawngin ni thum an kal chhung hian an hma a hruai a.

³⁴An buk ata an chhuahin LALPA chhum chu an chungah a awm zel a.

³⁵Tin, heti hi a ni a, bawm chu a chhuah dawn apiangin Mosia'n, "Aw LALPA, lo thawk la, i hmelmate chu tidarh la, a hawtu che chu i hmaah tlanchhe rawh se," a ti thin a.Tin, a innghah apiangin "Aw LALPA, Israel mipuiho hnenah hian lo kir leh rawh," a ti thin a.

³⁶Tin, a innghah apiangin "Aw LALPA, Israel mipuiho hnenah hian lo kir leh rawh," a ti thin a.