Read Baibul, Mizo Numbers 13 Bible Online

Numbers 13 - Baibul, Mizo bible

Numbers 13

¹Tin, LALPA'n Mosia a bia a,

²Israela thlahte ka pek, Kanaan ram va enthla turin mite tir rawh khai: an hnam chhungkaw tina mi, an puipa zinga mi pakhat theuh zel i tir tur a ni," a ti a.

³Tin, Mosia chuan Paran thlaler atang chuan LALPA thupek angin a kaltir ta hlawm a: an za chuan Israel thlahte zinga puipa thiau an ni.

⁴Heng hi an hming a ni; Reubena hnam zinga mi Zakura fapa Samua.

⁵Simeona hnam zinga mi Horia fapa Saphata.

⁶Juda hnam zinga Jephunea fapa Kaleba.

⁷Isakar hnam zinga mi Josepha fapaIgala.

⁸Ephraim hnam zinga mi Nuna fapa Hosea.

⁹Benjamin hnam zinga mi Raphua fapa Paltia.

¹⁰Zebulun hnam zinga mi Sodia fapa Godiela.

¹¹Joseph hnam (Manase hnam an tih) zinga mi Susia fapa Gadia.

¹²Dan hnam zinga mi Gemalia fapa Amiela.

¹³Aser hnam zinga mi Mikaela fapa Sethura.

¹⁴Napthali hnam zinga mi Vopsia fapa Nabia.

¹⁵Gad hnam zinga mi Makia fapa Geuela.

¹⁶Heng hi ram enthla tura Mosia a tirhate hming chu a ni. Nuna fapa Hosea chu Mosia Josua a ti a.

¹⁷Tichuan Mosia'n Kanaan ram enthla turin anniho chu a tir a, an hnenah, "Chhim lam kawngah kal phawt u la, tlangahte lawn chho u la:

¹⁸ram chu eng ang nge tih te, chunga cheng mipuite chu an chak nge chak lo tih te, an tlem leh an tam te,

¹⁹an awmna ram chu a tha nge tha lo tih te, an awmna khuate chu eng ang nge ni , puan in mai nge kulh neiin tih te,

²⁰tin, ram chu a cheng hnawng nge hnawng lo, a ngaw nge ngaw lo tihte va thlithlai ula. Tin, huai takin awm u la, chu mi ram thei rahte chu rawn hawn ang che u," a ti a. Grep rah hmasa ra hun lai tak a ni a.

²¹Chutichuan an chhuak chho ta a, mram chu Zin thlaler atanga Hamath luhna Rehob thlengin an enthla vek a.

²²Chhim lamah an chho phawt a, Hebron an va thleng a, chutah chuan Anaka thlah Ahiman-ho te, Sesai-ho te, Talmai ho te an awm a. (Hebron chu Aigupta rama Zoan din hma kum sariha din tawh a ni.)

²³Tin, Eskol ruam an va thleng a: chuta grep rah bawr khat, a tang chawpin an sat chhum a, tiangin mi pahnihin an zawn a: pawmgranet te leh theipuite pawh an hawn bawk a.

²⁴Chu mi hmun chu Eskol ruam an ti a: Israela thlahten chuta ta grep bawr chu an sah thlak avangin.

²⁵Tin, an ram va enthla chu ni sawmli an thang a, an lo haw leh ta a.

²⁶Chutichuan Paran thlalera Kades-ah chuan Mosia leh Arona leh mipui zawng zawng hnen chu an lo thleng a, an hnenah leh mipui zawng zawng hnenah chuan thu an rawn thlen a, chu mi ram theite chu an entir a.

²⁷Tin, a hnenah, "I mi tirhna ramah chuan kan kal a, hnute leh khawizu luanna a lo ni ngei mai; hei hi a rama thei a ni.

²⁸Amaherawhchu a rawn mi awmte chu mi chak pui pui an ni a. khuate pawh kulh nei, ropui tak tak a ni: tin, Ananka thlahte pawh kan hmu bawk a.

²⁹Amalek-ho chu chhim lam ramah an awm a; Hit-ho te, Jebus-ho te, Amor-ho te chu tlangahte an awm a" tin, Kanaan-hote chu tuifinriat kam leh Jordan lui dungah an awm," tiin an hrilh a.

³⁰Tichuan Mosia hmaah Kaleban mipuichu a tingawi thuap a," I han thawk thuai ang u khai, i han la ang u, kan ngam ngei ngei ang," a ti a.

³¹Nimahsela a kalpui chuan, "Kan han hneh thei hlawm lo ang a, kan aiin an chak si a," an ti a.

³²Tichuan Israela thlahte hnenah an ram han enthlak chu a chhunga chengte ei zawh hmang a ni; tin, a awmte kan hmuh chu mi awmkhauh pui pui an ni a.Tin, chutah chuan Anaka thlahte, mi liaho, awmkhauh pui pui kan hmu a; khau ang lekin kan inhmu a, anni pawhin khau ang lekin min hmu a ni," tiin a tha lo lamin an sawi a.

³³Tin, chutah chuan Anaka thlahte, mi liaho, awmkhauh pui pui kan hmu a; khau ang lekin kan inhmu a, anni pawhin khau ang lekin min hmu a ni," tiin a tha lo lamin an sawi a.