Read Baibul, Mizo Numbers 14 Bible Online

Numbers 14 - Baibul, Mizo bible

Numbers 14

¹Chutichuan pungkhawmho zawng zawng chu aw chhuah meuhin an tap a; chu mi zan chuan mipuite chu an tap an tap a.

²Israela thlahte zawng zawng chu Mosia chungah leh Arona chungah an phunnawi a: pungkhawmho zawng zawng chuan an hnenah, "Aigupta ramah khan Pathianin min tihlum ta then se la aw! A nih loh leh thlalerah hian min tihlum then mai se la aw!

³Engati nge khandaiha thi mai tura Pathianin he ramah hian min hruai le aw! Kan nupui fanaute chu man tur mai an ni dawn si a: Aigupta rama kir leh hi kan tan a tha zawk dawn lawm ni aw?" an ti a.

⁴Tichuan an inbe hlawm a, "Hotu i siam ang u khai, Aigupta ramah i kir leh ang u," an ti a.

⁵Chutichuan Mosia leh Arona chu Israela thlah mipui pungkhawmho zawng zawng hmaah chuan an bawkkhup a.

⁶Tin, Nuna fapa Josua leh Jephunea fapa Kaleba, ram va enthlatute zinga tel vete chuan an puan an pawtthler a;

⁷Israela thlah pungkhawmho zawng zawng hnenah chuan, "Enthla tura kan va fan chhuah ram chu ram tha tak a ni a.

⁸Kan chunga LALPA a lawm chuan chu ramah chuan min hruai ang a, min pe ang; hnutetui leh khawizu luanna ram chu.

⁹LALPA chungah hel lo phat mai u la, chu mi rama mite chu hlau bawk hek suh u, kan chaw tur an ni mai a, an inhumhimna chu engmah lo a ni a; LALPA chu kan hnenah a awm alawm, anni chu hlau suh u," tiin an sawi a.

¹⁰Nimahsela pungkhawmho zawng zawng chuan lunga den an rawt a. Chutichuan LALPA ropuina chu inbiakna puan inah Israela thlahte zawng zawng hmaah a lo lang a.

¹¹Tichuan LALPA'n Mosia hnenah, "Heng mipuite hian eng chen nge min ngaihnep ang a, an zinga chhinchhiahna ka tih thin chung pawhin eng chen nge mi rin loh dawn?

¹²Hriin ka hrem ang a, ka timang ang a, nangmahah hian an aia ropui leh thil tithei zawk hnam ka din teh zawk ang," a ti a.

¹³Tin, Mosia'n LALPA hnenah, "Aigupta miten an hre reu reu vang e; he'ng mipuite hi an zing ata i thiltihtheihnaa i hruai chhuah an ni si a;

¹⁴he mi rama mite hi an hrilh ang a: he'ng mipuite zingah hian i awm tih an hre tawh a; hmaichhan meuhin an hmu tawh si chia, i chhum chu an chungah a awm thin a; tin, chhunah chhum ding, zanah meiin an hma i hruai thin si a.

¹⁵Heng mipuite hi i tihhlum phiar chuan i hmingthan hretu chuan,

¹⁶LALPA chuan he'ng mipuite hi chhechhma a tiam ramah chuan a hruai theih loh vangin thlalerah a tihlum ni,' tiin an sawi dah ang e,

¹⁷LALPA chu thinnel tak, ngilneihna ngah, khawlohnate, bawhchhiatnate ngaidam thin; thiam loa ruatte chhuah mai ngai lo; pate khawlohna avanga fate, fate fa lehte, chhuan thumna leh chhuan lina thleng pawha hrem thin a ni,' tia i lo sawi tawh ang khan i thilthiltihtheihna chu hlen teh hram khai.

¹⁸LALPA chu thinnel tak, ngilneihna ngah, khawlohnate, bawhchhiatnate ngaidam thin; thiam loa ruatte chhuah mai ngai lo; pate khawlohna avanga fate, fate fa lehte, chhuan thumna leh chhuan lina thleng pawha hrem thin a ni,' tia i lo sawi tawh ang khan i thilthiltihtheihna chu hlen teh hram khai.

¹⁹I ngilneihna a nasat ang ngei leh Aigupta ram ata tun thlenga i ngaidam ang hian mipuite khawlohna hi ngaidam teh khai," a ti a.

²⁰Tin, LALPA chuan, "I thu ang chuan ka ngaidam e;

²¹amaherawhchu ka nunna leh LALPA ropuina tihkhah leilung chhalin ka sawi e,

²²Aigupta ram leh thlalera ka ropuina leh ka thilmal tihte hmua, chuti chung pawha vawi sawm zet mi la fiah a, ka thu la pawm lo mi zawng zawngte hian

²³an thlahtute hnena chhechhama ka tiam ram chu an hmu tawp lo ang a; an zinga mi ngaineptu reng rengte pawhin an hmu bawk hek lo ang:

²⁴ka chhiahhlawh Kaleba erawh hi chuan rilru dang a put a, mi zui takzet avangin, ani hi chu a va kalna ramah chuan ka hruai ang a, a thlahte chuan an luah ang.

²⁵Khai le, Amalek-ho leh Kanaan ho chu ruamah chuan an awm a: naktukah let u la, Tuifinriat Sen kawng lam thlalerah lut rawh rawh u," a ti.

²⁶Tin, LALPA'n Mosia leh Arona a bia a,

²⁷Heng mipui suaksual pungkhawm ho, ka chunga phunnawi thin hi eng chen nge ka dawh ang? Israela thlahte phunnawina, ka chunga an phunnawinate chu ka hria e.

²⁸An hnenah, 'Ka nunna chhalin ka sawi e, ka benghriat ngeia i sawi nag takin in chungah ka ti ang a;

²⁹in ruangte chu he thlalerah hian a awm ang a; in zinga mi chhiar tawh zawng zawng, kum sawmhnih achin chung lam mi ka chunga phunnawiho zawng zawngte chu,

³⁰ban phar meuh a, ka awmtir ang che u ka tih ramah chuan Jephunea fapa Kaleba leh Nuna fapa Josua chauh lo chu in lut tawp lo ang.

³¹Amaherawhchu, 'Man tur mai an ni ang,' in tih in fanaute hi chu ka hruai lut ang a, in duh loh ram chu an hria ang.

³²Nangni erawh chu in ruang he thlalerah hian a awm ang.

³³In fate chu thlalerah kum sawmli an tei an tei ang a, thlalera in ruangte a riral hma loh chuan in nawhchizawrhna chu an tuar ang.

³⁴Ram in va enthlak ni zat, ni sawmli chhung zet in bawhchhiatna in tuar phah ang a, tichuan ka tum dan ka tihdanglam hi in hria ang.

³⁵Kei LALPA hian mi suaksual pung khawm mi dodala pung khawmho chungah hei hi ka ti ngei ang ka lo ti tawh a: he mi thlalerah hian an boral ang a, chutah chuan an thi ang, LALPA'n a ti,' ti rawh u," tin,

³⁶,37 Tin, ram enthla tura Mosia tirh lo kir leh, ram chanchin a tha lo zawnga rawn sawi a, a chunga pungkhawmho phunnawitirtu, ram a tha lo zawnga rawn sawitute chu LALPA hmaah hriin an thi a.

³⁷,36 Tin, ram enthla tura Mosia tirh lo kir leh, ram chanchin a tha lo zawnga rawn sawi a, a chunga pungkhawmho phunnawitirtu, ram a tha lo zawnga rawn sawitute chu LALPA hmaah hriin an thi a.

³⁸Ram enthla tura kalte zinga Nuna fapa Josua leh Jephunea fapa Kaleba erawh chu an thi ve lo a.

³⁹Tin, Mosia'n chung thute chu Israela thlahte zawng zawng chu a hrilh a: tichuan mipuite chu an lungngai ta hle mai a.

⁴⁰Chutichuan zing takah an tho a, tlang chhipah an han chho a, "Ngaiteh hei kan lo kal e, LALPA'n min tiamna hmunah chuan kan kal ang e, kan lo sual ta a ni e," an ti a.

⁴¹Tin, Mosia'n, "Hmuingilna a ni lo ang tih hre reng chungin engah nge Lalpa thupek in bawhchhiat tehreng?

⁴²In zingah LALPA a awm si lo a, hmelmate lo tihhlum mi turin chho suh u.

⁴³In hmaah khian Amalek-ho leh Kanaan-ho an awm a ni, khandaiha tihhlum in ni mai ang: LALPA chu in hawisan tak avangin in hnenah Lalpa chu a awm lo ang," a ti a.

⁴⁴Nimahsela tlang chhiph chuan kal an tum tal a: amaherawhchu LALPA thuthlung bawm leh Mosia chu buk ata an chhuak ve lo.Chutichuan chu mi tlanga awm Amalek-ho leh Kanaan-ho chu lo chhuk a, an bei a, Horma thlengin an vaw thlu rum mai a.

⁴⁵Chutichuan chu mi tlanga awm Amalek-ho leh Kanaan-ho chu lo chhuk a, an bei a, Horma thlengin an vaw thlu rum mai a.