Read Baibul, Mizo Numbers 19 Bible Online

Numbers 19 - Baibul, Mizo bible

Numbers 19

¹Tin, LALPA'n Mosia leh Arona a bia a,

²Hei hi LALPA thupek dan chu a ni, 'Israela thlahte chu bawng la sen hmelhem lo, sawisel bo, nghawngkawl la bel hauh loh rawn kai turin hrilh rawh:

³tin, puithiam Eleazara i pe ang a, tin, anin daipawnah a hruai chhuak ang a, a hmaah tuin emaw a tihlum tur a ni:

⁴tin, puithiam Eleazara chuan a kut zungtangin a thisen chu ala ang a, inbiakna puan in hma lamah a thisen chu vawi sarih a theh ang a:

⁵tin, tuin emaw bawng la chu a mithmuhah a hal ang a a vun te, a sa te, a thisen te, a ek te nen a hal ang a:

⁶tin, puithiamin sidar thing leh husop leh lazai sen ala ang a, bawng la an halah chuan a paih lut tur a ni.

⁷Tin, puithiam chu a silhfente a su ang a, a inbual ang a, chu mi zawhah chuan riahhmunah a kal ang a, tlai lam thlengin puithiam chu a thianghlim lo ang.

⁸Tin, a haltu chuan a silhfente a su ang a, a inbual ang a, tlai lam thlengin a thianghlim lo ang.

⁹Tin, mi bawrhbang loin bawngla vap chu a la khawm ang a, daipawn hmun faiah a dah ang a, Israela thlah mipuite tana inthenna tuiah hman tur a ni: chu chu sual thawina a ni.

¹⁰Tin, bawngla vap tikhawmtu chuan a filhfente a su ang a, tlailam thlengin a thianghlim lo ang a: hei hi Israela tolahte tan leh hnam dang an hnena awmte tan kumkhaw dan tur a ni.

¹¹Tu ruang pawh a dektu apang chu ni sarih an thianghlim lo ang.

¹²Chu mi chu ni thum niah a thian ang a, ni sarih niin a thianghlim ang; amaherawhchu, ni thum nia a inthen loh chuan ni sarih niah pawh a thiang lo ang.

¹³Tupawhin tu ruang pawh a deh a, a inthen loh chuan LALPA bak buk a tibawlhhlawh a ni; chu mi chu Israel mite zing ata tuithlar tur a ni, inthenna tui chu a chungah theh loh a nih vangin a thianghlim lo ang: a thianghlim lohna chu a chhungah a la awm a ni.

¹⁴Mi, puan ina a thih chuan hei hi a tih dan tur chu a ni: puan ina lut apiang leh puan in chhunga awm apiangte chu ni sarih an thianghlim lo ang.

¹⁵Tin, bungbel inhawng, a chhinaa chhin loh apiang chu a bawlhhlawh a ni.

¹⁶Tin, tupawhin tamlakah khandaiha thah emaw, awmlaia thi ruang emaw, mihring ruh emaw, thlan emaw a deh chuan ni sarih a thianghlim lo ang.

¹⁷Tin, a thianghlim lote pualah sual thawina vap chu an la ang a, belah tui khur tui nen an chhung ang.

¹⁸Tin, mi thiangin, husop ala ang a, tuiah chuan ahnim ang a, puan in te, bungbel zawng zawng te, chuta mi awm zawng zawng te, ruh emaw, thah ruang emaw, mitthi ruang emaw, thlan emaw khawihtute chu a thah ang a:

¹⁹tin, mithiangin ni thum ni leh ni sarih niin a tithianghlim ang a; a silhfente a su ang a, a inbual ang a, tlai lamah chuan a lo thianghlim tawh ang.

²⁰Mi thianghlim lo inthian lo erawh chuan LALPA hmun thianghlim a tihbawlhhlawh avangin chu mi chu pungkhawmho zing ata tuithlar tur a ni: inthenna tui chuan theh loh a ni a, a thianghlim lo a ni

²¹Hei hi an tan kumkhaw dan tur a ni:a theh apiang chuan an silhfente an su ang a; tin, inthenna tui khawih apiang chu tlai lam thlengin an thianghlim lo ang.Tin, mi thianghlm loin a khawih apiang chu a thianghlim lo zel ang a; tin, chu mi khawihtu apiangte chu tlai lam thlengin an thianghlim lo ang," tiin.

²²Tin, mi thianghlm loin a khawih apiang chu a thianghlim lo zel ang a; tin, chu mi khawihtu apiangte chu tlai lam thlengin an thianghlim lo ang," tiin.