Read Baibul, Mizo Numbers 2 Bible Online

Numbers 2 - Baibul, Mizo bible

Numbers 2

¹Tin, LALPA'n Mosia leh Arona a bia a,

²Israela thlahte chuan an chhungkaw chhinchhiahnate tar theuhin an pawl tih dan angin an puan in an zar tur a ni: inbiakna puan in an theuhin a velin an zar tur a ni.

³Ni lo chhuahna khaw chhak lampanga an chungkaw chhinchhiahna tarin puan in zar turte chu Juda pawlho an ni ang a: tin, Juda thlahte puipa tur chu Aminadaba fapa Nasona a ni ang.

⁴A pawlte tam lam chu 74,600 an ni.

⁵Tin, a dawta puan inzartu turte chu Isakara chi an ni tur a ni. Isakara thlahte puipa tur chu Zuara fapa Nethanela a ni ang:

⁶A pawlte tam lam chu 54,400 an ni.

⁷Tin, Zebulun chi te: Zebuluna thlahte puipa tur chu Helona fapa Eliaba a ni ang;

⁸A pawlte tam lam chu 57,400 na ni.

⁹An pawl tam dan azir zela Juda-ho an chhiarte chu 1,86,400 a ni. Anniho hian hma an hruai zel tur a ni.

¹⁰An chhungkaw chhinchhiahna tarin a chhim lampangah Reuben-ho chu an awm ang a; Reubena thlah puipa tur chu Sedeura fapa Elizura a ni ang.

¹¹A pawlte tam lam chu 46,500 a ni.

¹²Tin, a dawta zar tur chu Simeon chi an ni ang: Simeona thlahte puipa tur chu Zurisadaia fapa Selumiela a ni ang.

¹³A pawlte tam lam chu 59,300 an ni.

¹⁴Tin, Gad chite: ngada thlate puipa tur chu Reuela fapa Eliasapha a ni ang:

¹⁵a pawlte tam lam chu 45,650 an ni.

¹⁶Reuben-ho tam lam chu 1,51,450 na ni. Ani hi an dawta chuak tur an ni.

¹⁷Chutichuan inbiakna puan in chu a chhuak ang a, Levi-ho chu a laiah an awm ang a, an awmna zir zelin a pawl pawlin an kal theu tur a ni.

¹⁸An chhungkaw chhinchhiahna tarin a thlang lampangah chuan Ephraim-ho an awm ang a: Ephraima thlahte puipa tur chu Amihuda fapaElisama a ni ang.

¹⁹A pawlte tam lam chu 40,500 an ni.

²⁰Tin, a dawtah chuan Manase chi an ni ang: Manasea thlahte puipa tur chu Pedazura fapa ngamaliela a ni ang:

²¹a pawl tam lam chu 32,200 an ni.

²²Tin, a dawt lehah Benjamin chite: Benjamina thlahte puipa tur chu Gideona fapa Abidana a ni ang:

²³a pawlte am lam chu 35,400 an ni.

²⁴Tin, Ephraim-hote tam lam chu 1,08,100 an ni. Tin, a dawttu dawt lehtuah an chhuak tur a ni.

²⁵An chhungkaw chhinchhiahna tarin Dan-ho chu a hmar lampangah an awm ang: Dana thlahte puipa tur chu Amisadaia fapa Ahiezera a ni ang.

²⁶A pawlte tam lam chu 62,700 an ni.

²⁷Tin, a dawta puan in zar tur chu Aser chi an ni ang: Asera thlahte puipa tur chu Okrana fapa Pangiela a ni ang:

²⁸a pawlte tam lam chu 41,500 an ni.

²⁹Tin, a dawt lehah Naphtali chite: naphtalia thlahte puipa tur chu Enana fapa Ahira a ni ang:

³⁰a pawlte tam lam chu 53,400 an ni .

³¹Dan-ho tam lam chu 1,57,600 an ni. Tin, anniho hian apawl pawla chhuakin hnu an dal zel tur a ni.

³²Heng hi Israela thlahte chhungkaw tina mi an chhiarte chu, an tam lam 6,03,550 an ni.

³³Levi-ho eraw chu Israel thlahte zinga chhiar an ni ve lo, LALPA'n Mosia thu a pek ang khan.Chutiang chuan Israela thlahte chuan an ti a; LALPA'n Mosia thu a pek ang zelin a pawl pawlin puan in an zar a; tin, chutiang bawkin a chi chiin, a chhungkua kua zelin an chhuak thin a.

³⁴Chutiang chuan Israela thlahte chuan an ti a; LALPA'n Mosia thu a pek ang zelin a pawl pawlin puan in an zar a; tin, chutiang bawkin a chi chiin, a chhungkua kua zelin an chhuak thin a.