Read Baibul, Mizo Numbers 22 Bible Online

Numbers 22 - Baibul, Mizo bible

Numbers 22

¹Tin, Israel thlahte chu an kal zel a, Jeriko zawn Jordan rala Moab phaiahte awmhmun an khuar a.

²Tin, Zipori fapa Balaka chuan Israel miten Amor-ho an tih dan zawng zawng chu a hria a.

³Tin, Moab-hote chuan mite chu an hlau hle mai a, an tam si a: Israel thlahte avang chuan Moab-hote chu an mangang a.

⁴Tichuan Moab-hote chuan Midia-ho upate hnenah, "Heng mipuite hian bawngin hlobet an pet zo angin kan vela mi zawng zawng an pet zo dawn e," an ti a. chu mi lai chuan Zipori fapa Balaka chu Moab lal a ni a.

⁵Tin, ani chuan, "Ngaiteh, hnam pakhat Aigupta ram atanga lo chhuakho an lo awm a; ngai teh, leilung an dap a, min depah an awm a; khawngaih takin lo kal la, he mite hi anchhia min va lawhsak teh khai; keia tan chuan an chak lutuk a ni: kan that theiin kan ngam theiin kan ram ata hi kan hnawtchhuak thei mial mahna: mal i sawm apiangte chu malsawmin an awm a, anchhia i lawh apiangte chu anchhe dawngin an awm thin tih ka hre si a," tia kpo turin a thlahte awmna ram Lui kama Pethor-ah Beora fapa Balaama hnenah mi a ti ra.

⁶Tin, ani chuan, "Ngaiteh, hnam pakhat Aigupta ram atanga lo chhuakho an lo awm a; ngai teh, leilung an dap a, min depah an awm a; khawngaih takin lo kal la, he mite hi anchhia min va lawhsak teh khai; keia tan chuan an chak lutuk a ni: kan that theiin kan ngam theiin kan ram ata hi kan hnawtchhuak thei mial mahna: mal i sawm apiangte chu malsawmin an awm a, anchhia i lawh apiangte chu anchhe dawngin an awm thin tih ka hre si a," tia kpo turin a thlahte awmna ram Lui kama Pethor-ah Beora fapa Balaama hnenah mi a ti ra.

⁷Tichuan Moab upate leh Midia upate chu aien man tur kengin an chhuak ta a; Balaama hnen chu an va thleng a, Balaka thuchah chu an hrilh a.

⁸Tin, ani chuan an hnenah, "Zanin chu hetah riak u la, LALPA'n min hrilh ang angin in hnenah thu ka rawn thlen ang che u," a ti a: tichuan Moab mi liante chu Balaama hnenah chuan an riak ta a.

⁹Tin, Balaama hnenah Pathian a lo kal a, :I hnena mite hi tute nge ni?" a ti a.

¹⁰Tin, Balaama chuan Pathian hnenah, 'Ngai teh, Aigupta ram atanga lo kal hnam chuan leilung an dap a; lo kal la anchhia mi va lawhsak rawh a, ka do theiin ka hnawtchhuak thei mial mahna, tiin mi a arwn tir a ni, a ti a.

¹¹Tin, Balaama chuan Pathian hnenah, 'Ngai teh, Aigupta ram atanga lo kal hnam chuan leilung an dap a; lo kal la anchhia mi va lawhsak rawh a, ka do theiin ka hnawtchhuak thei mial mahna, tiin mi a arwn tir a ni, a ti a.

¹²Tin, Pathianin Balaama hnenah chuan, "An hnenah i kal tur ani lo. Chu mite chu anchhia i lawh tur ani lo;: mal ka sawmte an ni e," a ti a.

¹³Tichuan Balaama chu zingah a tho a, Balaka mi liante hnenah chuan, "In ramah haw leh tawh u; LALPA'n in hnena kal tura chhuah a phal lo a ni," a ti a.

¹⁴Chutian Moab mi liante chu an tho a, Balaka hnenah an kal a, "Balaama chuan kan hnena lo kal a duh lo," an ti a.

¹⁵Tin, Balaka chuan mi lian tam lehzual, an aia ropui zawk a tir leh a.

¹⁶tin, Balaama hnen an va thleng a, a hnenah, "Zipori fapa, Balaka chuan heti hian a ti a ni, 'Ka hnena i lo kal hi engmahin dal teh suh se;

¹⁷mi ropui takah ka siam ang chia, ka hnena i sawi apiang chu ka ti zel ang: chuvangin lo kal hram la, he'ng mite hi anchhia min va lawhsak teh hram khai,' a ti ," an ti a.

¹⁸Tin, Balaama chuan Balaka mite chu a chhang a, an hnenah, "Balaka hian a in chu tangka leh rangkachaka khatin min pe dawn mah se la, eng khaw te mah LALPA ka Pathian thu bawhpelin ka ti thei lo.

¹⁹Chuvangin LALPA'n ka hnenah engtin nge a sawi leh dawn teh reng, zanin pawh hetah riak teh phawt u khai," a ti a.

²⁰Tin, zanah chuan Balaama hnenah Pathian chu a lo kal a, a hnenah, "He mite hi nangmah kova lo kal an nih chuan, tho la, an hnenah kal rawh; amaherawhchu i hnena ka sawi chauh ihi i ti tur a ni," a ti a.

²¹Tichuan Balaama chu zingah atho a, a sabengtung a thuam a, Moab mi liante hnenah chuan a kal ta a.

²²Tin, a kal avang chuan Pathian thin chu a lo alh ta a, tin, LALPA vantirhkoh chu a lo dang turin kawngah a lo ding a. A sabengtung chunga chuang a ni a, a chhiahhlawhte pahnih hnenah chuan anawm ve a.

²³Tin, sabengtung chuan LALPA vantirhkoh, khandaih kenga kawnga ding chu a hmu a; tichuan sabengtung chu kang ata chu a peng a, ram lakah a kal a. Tin, Balaama chuan sabengtung chu kawnga lettir tumin a vua a.

²⁴Tin, LALPA vantirhkoh chu grep huan pal leh pal inkar khuaah a ding a.

²⁵Tin, sabengtung chuan LALPA vantirhkoh hu a hmu a, pal chu a va ngheng bet a; tichuan a vaw leh a,

²⁶Tin, LALPA vantirhkoh chu piah leh deuhvah a kal a, hmun chep lai tak, ding lam emaw, vei lam emaw pawha penna awm lohhna lai takah a din ga.

²⁷Tin, sabengtung chuan LALPA vantirhkoh chu a hmu a, Balaama chu a bawhpui ta a: tichuan Balaama thi chu a lo alh ta a, a tiangin sabengtung chu a vua a.

²⁸Chutichuan LALPA'n sabengtung chu a tawngtir a, Balaama hnenah chuan "Eng ka tih che nge, hetia vawi thum zet mi vuak tak?" a ti a.

²⁹Tin, Balaman sabengtung hnenah chuan, "Min tinawmnah avangin a ni: khandaih phei chu lo keng i la, ka tihlawm tawh hial ang che chu," a ti a.

³⁰Tin, sabengtung chuan Balaama hnenah, "Tun thlenga i chuan fona i sabengtung ka ni lo'm ni? Hetiang hian ka ti ngai che em ni?" a ti a. Ani chuan, "Ti ngai lo ve," a ti a.

³¹Tin, LALPA'n Balaama mit hu a tihvarsak a, tichuan LALPA vantirhkoh khandaih kenga kawnga ding chu a hmu ta a, a kun a, hmaia lei siin a bawkkhup a.

³²Tin, LALPA vantirhkoh chuan a hnenah, "Engati nge hetia vawithum tlawng i sabengtung i vuak? Ngai teh, ka hmaah hian i kal lohna tura i kal avangin lo dang tur chein ka lo chhuak a ni a:

³³tin, sabengtung chuan min hmu a, ka hmaah vawi thum a peng a nih kha; peng lo phei se la chu ani chu tihlum si loin ka tihlum hial ang che chu," a ti a.

³⁴Tin, Balaama chuan LALPA vantirhkoh hnenah, "Ka lo sual ta ni; mi dang turin kawngah i ding tih ka hre si lo va: chuvangin i lawm loh chuan ka kir leh mai ang e," a ti a.

³⁵Tin, LALPA vantihkoh chuan Balaama hnenah, "He mite hnenah hian kal la; amaherawhchu i hnena ka thu sawi tur chauh hi i sawi tur a ni, a ti a. Chutichuan Balaama chu Balaka mi liante hnenah chuan a kal ta a.

³⁶Tin, Balakan Balaama a lo kal tih a hriat chuan Arnon lama an ramri chin Moab khawpui thlengin a va hmuak a.

³⁷ko tur che inmi ka rawn tir ani lo'm ni? Engati nge ka hnenah i lo kal duh loh? Mi ropui takah ka siam thei lo che em ni?" a ti a

³⁸Tin, Balaama chuan Balaka hnenah, "Ngai teh, hei ka lo kal ta a; engpawh mai sawi theihna reng reng ka nei em ni? Pathianin ka kaa thu dah chauh ka sawi dawn a ni, a ti a.

³⁹Tichuan Balaama chu Balaka hnenah chuan a kal ta a, Kiriat-huzot n va thleng .

⁴⁰Tin, Balala chu bawng leh beramin a inthawi a, Balaama leh a hnena mi lian awmte chu a pe a.Tin, heti hi a ni a tuk zingah Balaka chuan Balaama chu a hruai , Baala hmun sangahte chuan a chhopui a, chuta tang chuan mipui awmna chin zawng zawng a hmu phak a.

⁴¹Tin, heti hi a ni a tuk zingah Balaka chuan Balaama chu a hruai , Baala hmun sangahte chuan a chhopui a, chuta tang chuan mipui awmna chin zawng zawng a hmu phak a.