Read Baibul, Mizo Numbers 23 Bible Online

Numbers 23 - Baibul, Mizo bible

Numbers 23

¹Tin, Balaama chuan Balaka hnenah, "Hetah hian maicham pasarih min siam la, bawngpa pasarih leh berampa pasarih min buatsaihsak rawh khai," a ti a.

²Balala chuan Balaama sawi ang chuan a ti a; tin, Balaka leh Balaama chuan maicham tinah chuan bawngpa pakhat leh beram pa pakhat an hlan a.

³Tin, Balaama chuan Balak hnenah, "I halral thilhlan bulah hian lo ding reng la, kei chu ka han kal hrang ang a; LALPA chu mi be turin a lo kal mai pawh a ni thei a, tin, mi hrilh apiang chu ka hrilh ang che," a ti a. Tichuan tlang kawlh vel vulah a han kal a.

⁴Tin, Pathianin Balaama ch a lo tawk a; tin, ani chuan a hnenah, "Maicham pasarih chu ka siam tawh a; tin, maicham tinah chuan bawg pa pakhat leh berampa pakhat ka hlan theuh a," a lo ti a.

⁵Tin, LALPA'n Balaama kaah chuan thu a dah a, "Balaka hnenah chuan kir leh ta la, va sawi chhawng rawh," a ti a.

⁶Tichuan a henn lamah chuan a let leh ta a; tin, ngai teh, a halral thilhlan bulah chuan a lo ding reng a, amah leh Moab mi lian zawng zanwgte nen.

⁷Tin, ani chuan thu chu a sawi ta a. "Aram ata Balakan min hruai a, Chhak lama tlanga Moab lal chuan, 'Lo kal la, Jakob-ho anchhia min lawhsak rawh, Lo kal la, Israel-ho min demsak rawh,'

⁸Engtin nge Pathian anchhe lawh loh ka lawh ang? Engtin nge Pathian dem loh ka dem ang?

⁹Lungpui chung atangtein anni chu ka hmu si a, Tlang atangtein anni chu ka hmu a, Ngai teh, hnam hrang daih an ni, Hnam dang zinga telh loh tur an ni.

¹⁰Jakob-ho vaivut chu tu nge chhiar thei ang a, Israel-ho hmun lia thena hmun khat chu tu nge chhiar thei ang? Mi fel thih angin thi ve i la, Ka tawpna chu a tawpna ang ni se!" a ti a.

¹¹Tin, Balaka chuan Balaama hnenah, "I mi tih dan hi engtizia nge ni? Ka hmelmate anchhe lawh turin ka hruai chia, hei, mal i sawm ta hlauh zawk si!" a ti a.

¹²Ani chuan a chhang a, "LALPA'n ka kaa a dah chu ka sawi ngei tur ani lo'm ni?" a ti a.

¹³Tin, Balaka chuan a hnenah, "Hmun dangah i kal leh teh ang, chuta tang chuan i hmu thei hlawm ang a; an awmna chin zawng zawng i hmu ang a, an za erwh chuan i hmu vek kher lo ang: chuta tang chuan anchia min lawhsak ang che," a ti a.

¹⁴Tichuan Zophim-ho awmna Pisga chhipah a hruai chho a, maicham pasarih a siam a, maicham tinah chuan bawngpa pakhat leh berampa pakhat a hlan a.

¹⁵Tin, Balaka hnenah chuan, "Saw laia LALPA ka va biak hlanin i halral thilhlan bulah hian lo ding reng rawh," a ti a.

¹⁶Tin, LALPA'n Balaama chu a lo tawk a, a kaah chuan thu a dah a, "Balaka hnenah kir leh ta la, a hnenah va sawi chhawng rawh," a ti a.

¹⁷Tin, a hnenah chuan a va kal a, ngai teh, a halral thilhlan bulah chuan a lo ding reng a, Moab mi liante pawh a hnenah chuan an awm ve a. Tin, Balaka chuan ahnenah "LALPA'n eng nge a lo sawi?" a ti a.

¹⁸Tichuan ani chuan thu chu a sawi ta a, "Tho la, Balak, ngaithla rawh; Zipori fapa, ka thu ngai rawh:

¹⁹Pathian chu dawt hmang mihring maia ni lo, Lamlet hmang hringfa a ni hek lo. A sawi tawh chu a ti lo ang em ni? A lo sawi tawh chu a tipuitling lo ang em ni?

²⁰Ngai teh, malsawm turin thu ka hmu a, Mal a sawm tawh a, ka tidanglam thei lo.

²¹Jakoba-ho khawlohna reng a hmu lo a, Israel-hovah chhiatna reng ka hmu hek lo. LALPA an Pathian chuan a awmpui a, An lal aan an hmang a ni.

²²Aigupta atangin Pathianin a hruai chhuak hlawm Sele tha ang mai an pu a,

²³Jakob-ho chungah dawi atana a awm lo. Israel-ho chungah dawi vaihna a awm hek lo. Jakob-ho leh Israel-ho hnenah Pathian thiltih chu tihlan zel a ni.

²⁴Ngaiteh, mipuite chu sakeibakneipui angin an tho a, Sakeibaknei angin an zuang tho a, An sa seh an ei hma chuan an mu lawng An sa seh thisen an in hma chuan," a ti a.

²⁵Tin, Balaka chuan Balaama hnenah, "Anchhia lawh hek suh la, malsawm hek suh," a ti a.

²⁶Nimahsela Balama chuan a chhang a, Balaka hnenah, "'LALPA'n a saiw zawng zawng chu ka ti ngei tur a ni,' tiin ka hrilh che a ni lo'm ni?" a ti a.

²⁷Tin, Balaka chuan Balaama hnenah, "Hawh teh, hmun dangah ka hruai teh ang che; chuta tang hchuan anchhiah min lawhsak Pathianin a remti mial dah law maw," a ti a.

²⁸Tichuan Balaka chuan Balaama chu thlaler zuk chhek en Peor chhipah a hruai chho va

²⁹tin, Balaaman Balaka hnenah chuan, "Hetah hian maicham pasarih min siamsak la, bawngpa pasarih leh berampa pasarih min butsaihsak rawh," a ti a.Tin, Balaka chuan Balaama sawi ang chuan a ti a, maicham tinah chuan bawngpa pakhat leh berampa pakhat a hlan a.

³⁰Tin, Balaka chuan Balaama sawi ang chuan a ti a, maicham tinah chuan bawngpa pakhat leh berampa pakhat a hlan a.