Read Baibul, Mizo Numbers 28 Bible Online

Numbers 28 - Baibul, Mizo bible

Numbers 28

¹Tin, LALPA'n Mosia a bia a,

²Israela thlahte chu thu pe la, an hnenah, 'Ka chaw ka tana rimtui meia thilhlan, ka hnenah thilhlan chu a hun tak zel theuhvah in hlan tur a ni,' ti la.

³Tin, an hnenah, 'Hei hi meia thilhlan LALPA hnena in hlan tur chu a ni; beram no a pa, kum khat mi, sawisel bo, ni tin, pahnih, halral thilhlan hlan reng atan.

⁴Beram no pakhat chu zingh in hlan ang a, pakhat chu tlai lamah in hlan ang a,

⁵chhangphut thilhlan atan chhangphut dip mi epha hmun sawma thena hmun khat, hriak sawr hin hmun lia thena hmun khata chawhpawlh nen.

⁶LALPA tana meia thilhlan, rimtui atana Sinai tlanga ruat halral thilhlan hlan reng tura kha a ni.

⁷Tin, beram no pakhat hlannaa in tur thilhlan chu, hin hmun lia thena hmun khat a ni tur a ni: LALPA tana uain i bun chhuak tur a ni.

⁸Tin, beram no pakhat chu tlai lamah i hlan tur a ni: zing lama chhangphut thilhlan ang leh chu mia in tur thilhlan ang bawk chu LALPA tana rimtui atan meia thilhlan chu i hlan tur a ni.

⁹Tin, chawlhniin beram ni, a pa kum khat mi sawrselbo pahnih leh chhang phut thilhlan atan chhngphut dip mi epha hmun sawma thena hmun hnih hriaka chawhpawlh leh chu mia in tur thilhlan nen i hlan tur a ni:

¹⁰hei hi chawlhni apianga halral thilhlan reng leh chu mia in tur thilhlan tiam loa halral thilhaln hlan tur chu a ni.

¹¹Tin, in thla thar apiangah LALPA tan halral thilhlan in hlan tur a ni; bawngpa tir pahnih leh berampa pakhat leh beram no a pa kum khat mi sawisel bo pasarih:

¹²tin, bawngpa tinah chhangphut thilhlan atan chhangphut dip mi, hriaka chawhpawlh epha hmun sawma thena hmun thum; tin, beram pakhatah chhangphut thilhlanah chhangphut dip mi hriaka chawhpawlh hmun sawma thena hmun hnih;

¹³tin, beram no tinah chhang phut thilhlanah chhangphut dip mi, hriaka chawhpawlh hmun sawma thena hmun khat: hei hi halral thilhlan rimtui LALPA tan meia thilhlan a ni.

¹⁴Tin, an in tur thilhlan chu bawngpa pakhatah uain hin chanve a ni ang a, berampa pakhatah hin hmun thuma thena hmun khat, beram no pakhatah hin hmun lia thena hmun khat: hei hi kum tluana thla tin, halral thilhlan a ni.

¹⁵Tin, LALPA hnena sual thawina'n kelpa pakhat in hlan tur a ni; halral thilhlan hlan reng leh chu mia in tur thilhlan tiam loin.

¹⁶Tin, thla khatna ni sawm leh ni li ni chu LALPA kalhlen kut a ni.

¹⁷Tin, chu mi thla ni sawm leh ni nga ni chu ruai ni a ni ang: ni sarih chu chhang dawidim telh loh ei tur ani ang.

¹⁸Ni khat ni chuan inkhawmpui thianghlim a awm ang a; eng hna mah in thawk tur ani lo a;

¹⁹meia thilhlan halral thilhlan erawh chu LALPA hnenah in hlan tur a ni; bawngpa tir pahhnih leh berampa pakhat leh beram no a pa kum khat mi pasarih: in ngaiha sawiselbo ani tur ani ;

²⁰chhangphut dip mi, hriaka chawhpawlh , an chhangphut thilhlan nen: bawngpa pakhatah hmun sawma thena hmun thum; berampa pakhatah hmun sawma thena hmun hnih;

²¹beram no pasarih chu beram no pakhatah hmun sawma thena hmun khat a ni tur a ni;

²²tin, in tana inremna siamna turin sual thawina'n kelpa pakhat.

²³Heng hi zinga thilhlan, halral thilhlan hlan reng tiam loin in hlan tur a ni.

²⁴Hetiang hian LALPA tana rimtui, meia thilhlan ei tur chu ni tin, ni sarih in hlan tur a ni: halral thilhlan hlan reng leh chu mia in tur thilhlan tiam lohin.

²⁵Tin, a ni sarih ni chuan inkhawmpui thianghlim in nei ang a, eng hna mah in thawk tur ani lo.

²⁶Tin, in chawlhkar kut, in buh thar tirh kut LALPA tana thil thar chhangphut thilhlan in hlan ni pawhin inkhawmpui thianghlim in nei ang a; eng han mah in thawk tur ani lo va:

²⁷LALPA tana rimtui halral thilhlan erawh chu in hlan tur a ni; bawngpa tir pahnih, berampa pakhat, beram no a pa kum khat mi pasarih;

²⁸an chhangphut thilhlan, chhangphut dip mi hriaka chawhpawlh, bawngpa pakhatah hmun sawma thena hmun thum, berampa pakhatah hmun sawma thena hmun hnih,

²⁹beram no pasarih, beram no pakhat theuhvah hmun sawma thena hmun khat:

³⁰in tana inremna siamna'n kelpa pakhat nen (inngaiha sawisel bo ani tur ani).Halral thilhlan hlan reng leh chu mia chhangphut thilhlan leh in tur thilhlan tiam loin in hlan tur a ni.

³¹Halral thilhlan hlan reng leh chu mia chhangphut thilhlan leh in tur thilhlan tiam loin in hlan tur a ni.