Read Baibul, Mizo Numbers 3 Bible Online

Numbers 3 - Baibul, Mizo bible

Numbers 3

¹Henghote hi, Sinai tlanga LALPA'n Mosia abiak laia Arona leh Mosia chhuana mite an ni,

²Tin, Arona fapate hming chu a upa ber Nadaba te, Abihua te, Eleazara te, Ithamara te an ni.

³Heng hi puithiam atana hriak thih, puithiam hnathawk tura a tihhran Arona fapate hming chu a ni.

⁴Tin, Nadaba leh leh Abihua chu Sinai thlalera mei thiang lo, LALPA hmaa a hlan lai khan LALPA hmaah an thi a, fa an nei lo. Eleazara leh Ithamara chuan an pa Arona dam laia puithiam hna hi an thawk a.

⁵Tin, LALPA'n Mosia a bia a,

⁶Levi chite chu, puithiam Arona hnenah hruai la, a rawng an bawl theihna'n a hnenah awmtir rawh.

⁷Tin, anni chuan biakbuka rawngbawl hna thawkin ibiakna puan in bulah amah leh pungkhawm zawng zawng pualah rawng an bawl ang.

⁸Tin, bungrua zawng zawng an vawng ang a, Israela thlahte puala biak buk rawngbawl hna an thawk ang.

⁹Tin, levi-ote chu Arona leh a fapate hnenah i hlan ang a: Israela thlate pualah a hnena hlan an ni.

¹⁰Arona leh a fapate chu i ruat ang a, an puithiam nihna chu an chang reng ang; hnam dang rawn inrawlhte chu tihhlum an ni ang," tiin.

¹¹Tin, LALPA'n Mosia a bia a,

¹²ngaiteh, Levi-hote hi Israela thlahte zing ata Israela thlahte fa tir chhul keu hmasa ber aiah keimah ngeiin ka lak an ni a; Lei-ho chu ka tan an ni ang:

¹³fatir zawng zawng chu ka ta an ni si a; Aigupta rama fa tir zawng zawng ka tihhlum ni khan Israelte zinga fa tir zawng zawng, a mihring a ranin ka pual atan ka hauh a ni: ka ta an niang; kei hi LALPA chu ka ni," tiin.

¹⁴Tin, LALPA'n Sinai thlalerah Mosia a bia a,

¹⁵Levia thlahte chu achhungkua kua leh a thlah thlahin chhiar la: mipa tawh phawt chu thla khat achin chung lam chu i chhiar tur ani," tiin.

¹⁶Tichuan Mosia chuan a tih tura thupek angin LALPA thu ang chuan a chhiar hlawm a.

¹⁷Levia fapate hming chu Gersona te, Kohatha te, Meraria te an ni.

¹⁸Tin, an thlahtu Gersona fapate hming Libnia leh Sieia an ni.

¹⁹An thlatu Kohatha fapate chu Amrama te, Izhara te, Hebrona te, Uziela te an ni.

²⁰An thlahtu Meraria fapate chu Malia leh Misia an ni. Heng hi an chhungkua ang zela Levi-ho thlahte chu an ni.

²¹Gersona chu Libni-ho leh Simeiho thlahtu a ni: he'ng hi Gersson-hothlahte an ni.

²²Mipa zawng zawng thla khat achin chung lam an chhiarte chu 7,500 zet an tling a.

²³Gerson-ho thlahte chuan an puan in chu biak buk thlang lampangah a zar tur a ni.

²⁴Tin, Gerson-ho chhungkaw puipa chu Laela fapa Eliasapha a ni ang.

²⁵Gersona faten inbiakna puan ina an enkawl tur chu biak buk leh Puan In a ni ang, a chung te, inbiakna puan in kawngkar puan zar te,

²⁶a kawtlai zar te, biak buk bula a kawtlai kawngkhar puan zar te, maicham vel amite te, chuta hman tur hrui zawng zawngte nen.

²⁷Tin, Kohatha chu Amram-ho te, Uziel-hote thlahtu a ni: hengho hi Kohatha thlahte an ni.

²⁸Mipa zawng zawng thla khat achin chung lam an chhiar dan ang chuan 8,600 an ni, hmun thianghlim enkawltu tur chu.

²⁹Kohatha fapate thlahte chu biak buk chhim lampangah an puan in an zar tur a ni.

³⁰Kohath-ho thlahte chhungkaw puipa tur hu Uziela fapa Elizaphana a ni. fapate thlahte chu biak buk chhim lampangah an puan in an zar tur a ni.

³¹An enkawl tur chu, bawm te, dawhkan te, sathau khawnvar dahna te, maicham te, hmun thianghlima rawngbawlna bungbel zwng zawng te, puan zar te, chuta rawngbawlna thil zawng zawngte a ni ang.

³²Tin, puithiam Arona fapa Eleazara chu Levi-ho puipate puipa a ni ang a, hmun thianghlim enkawltute chu a ho ang.

³³Meraria chu Mali-ho le Musi-ho thlahtu a ni. Heng hi Meraria thlahte an ni.

³⁴Mipa zawng zawng thla khat achin chung lam an chhiar dan ang chuan 6,200 an ni.

³⁵Merariat hlah chungkaw puipa chu Abihaila fapa Zuriela a ni a: bia buk hmar lampangah an puan in an zar tur a ni.

³⁶Meraria fapate enkawl tura ruat chu biak buk ban rem khawm te, a bangrel te, a ban te, a nghahchhan kerkuak te, a hmanrua zawng zawng te, rawngbawlna hmanrua zawng zawngte an ni a:

³⁷a kawt hung velna ban te, a nghahchhan kerkuak te, a kilhbehna leh a hruite nen.

³⁸biak buk chhak lampang inbiakna puan in bul, ni chhuahna lam puan in zartu tur chu Mosia leh Arona le a fapate an ni ang a, hmun thianghlimah Israela thlahte pualah a tul apiang an thawk ang; hnam dang rawn inrawlh apiang chu tihhlum tur an ni ang," tiin.

³⁹LALPA thupeka Levi-ho a thlah thlaha mipa zawng zawng thla khat achin chung lam Mosia leh Aronan an chhiar zawng zawng chu 22,000 an ni.

⁴⁰Tin, LALPA'n Mosia hnenah, "Israela thahte zinga fa tir, mipa, thla khat a chin chung lam zawng zawng chhiar la, ka ta an ni, a zat hre rawh.

⁴¹Tin, Levi-hote chu (LALPA chu ka ni a) Israel thlahte zinga fa tir zawng zawng aiah ka hauh a ni; tin, levi-ho rante chu Israela thlahte ran zawng zawnga piang hmasa ber aiah," a ti a.

⁴²An hming indawt ang zela thla khat a chin chung lam fa tir mipa zawng zawng a chhiarte chu 22,273 an ni.

⁴³Tin, LALPA'n Mosia a bia a,

⁴⁴Israela thlahte zinga fa tir zawng zawng aiah Levi-ho chu la a, an ran aiah Lechi-ho ran; Levi-ho chu ka ta an ni ang; kei hi LALPA chu ka ni.

⁴⁵Tin, Levi-hote aia an tamna Israela thlahte fa tir 273 tlanna turin.

⁴⁶mi pakhat tan sekel 5 theuh i la tur ani; hmun thianghlima sekel hma tur a ni, (sekel chu gerah 20 a ni)

⁴⁷a chuangho tlanna sum chu Arona leh a fapate i pe tur ani," tiin.

⁴⁸Tin, Mosia chuan Levi-hoin an tlan baka an lanna sum chu a la a;

⁴⁹Israela thlahte fa tir lak atangin sum chu a la a; hmun thianghlim sekel angin 1,365 a la a.LALPA'n Mosia thu a pek, LALPA thu angin Mosia chuan tlanna sum chu Arona leh a fapate a pe a.

⁵⁰LALPA'n Mosia thu a pek, LALPA thu angin Mosia chuan tlanna sum chu Arona leh a fapate a pe a.