Read Baibul, Mizo Numbers 30 Bible Online

Numbers 30 - Baibul, Mizo bible

Numbers 30

¹Tin, Mosia'n Israela thlahte hnamho puipate chu a bia a, :Hei hi a ni, LALPA'n tu a pek chu.

²Miin LALPA hnena thu a tiam emaw, chhechhama mahni intiamkamna emaw a neih chuan a hlen ngei tur ni; a htu ang zawng zawng chu a ti vek tur a ni.

³Pate ina awm lai nula pawhin LALPA hnena thu a tiam emaw, chhechhama intiamkamna emaw a neih chuan,

⁴a pain a thutiam emaw a intiamkamna emaw chu ahriat a, a ngawihsan mai chuan a thutiam emaw, a intiamkamna emaw chu a ti ngei tur a ni.

⁵A pain a hriat ni ngeia a phal loh erawh chuan a thutiam emaw a intiamkamna emaw ata chu a fihlim ang a, a pain a phal loh avangin LALPA'n ani chu a ngaidam ang.

⁶Ngaihtuah thui mang loa thutiam emaw intiamkamna emaw nei laiin pasal a neih a,

⁷a pasalin a hriat nia a ngawih san mai chuan a thutiam emaw a intiamkamna emaw chu a hlen ngei tur a ni.

⁸Amaherawhchu a pasalin a hriat nia a phal loh chuan ngaihtuah thui loa thu a lo tiam emaw, a lo intiamkamna emaw ata chu a fihlim ang; tin, LALPA'n a ngaidam ang.

⁹Hmeithai te, makchhiat tawkte erawh chuan an thutiam emaw, an intiamkamna emaw chu an hlen ngei tur a ni.

¹⁰Pasalte ina awm laia thutiam emaw, intiamkamna emaw chu

¹¹a pasalin a hriat pawha a ngawihsan a, a hnial loh chuan a thutiamkamna chu a hlen tur a ni.

¹²Amaherawhchu a pasalin a hriat nia a thiat emaw, a tihbosak emaw chuan a thutiam leh a intiamkamna chu sut a ni tawh ang.

¹³Thutiam emaw, intiamkamna emaw reng reng a pasalin a remtihpuiin a thiatsak thei bawk a ni.

¹⁴Amaherawhchu a pasalin a hriata a ngawihsan mai chuan a thutiam ang leh a intiamkamna ang ngei chuan a ti tur a ni; a hriat ni atanga a ngawihsan avangin a nemnghehpui tihna a ni.

¹⁵A hriat veleh a thiat a, a tihbosak erawhchuan a mawh chu maman a phur tur a ni.Heng hi, mipa leh anupui kar leh pa leh a fanu nulat laia a pa ina la awm reng an kara dan tura LALPA'n Mosia thu a pekte chu a ni.

¹⁶Heng hi, mipa leh anupui kar leh pa leh a fanu nulat laia a pa ina la awm reng an kara dan tura LALPA'n Mosia thu a pekte chu a ni.