Read Baibul, Mizo Numbers 32 Bible Online

Numbers 32 - Baibul, Mizo bible

Numbers 32

¹Reubena leh Gada thlahte chuan ran an ngah hle ma a: tin, Jazer ram leh Gilead ram an hmuh chuan a hmun chu ran tana hmun tha tak niin an hri aa;

²tichuan Gada thlahte leh Reubena thlahte chuan Mosia leh puithiam Eleazra leh pungkhawmho puipate chu an va bia a,

³Israel pungkhawmho hmaa LALPA'n a tihtlawm ram Atarot te, Dibon te, Jazer te, Nimra te, Hesbon te, Eleale te, Sebam te, Nebo te, Beon te chu ran tana tha tak ram a ni a, tin, i chhiahhlawhte hian ran kan nei a;

⁴Israel pungkhawmho hmaa LALPA'n a tihtlawm ram Atarot te, Dibon te, Jazer te, Nimra te, Hesbon te, Eleale te, Sebam te, Nebo te, Beon te chu ran tana tha tak ram a ni a, tin, i chhiahhlawhte hian ran kan nei a;

⁵rem i tihzawng a nih chuan he ram hi kan luah atan min pe la, Jordan lui min hruai kai lo mai rawh khai," an ti a.

⁶Tin, Mosia chuan Gada thlahte leh Reubena thlahte hnenah chuan, "In unaute chu indonaah an kal ang a, nangni chu hetah hian in lo awm mai ang maw?

⁷Engati nge LALPA'n a pek rama lut lo tura Israel thlahte rilru in tihzam dawn?

⁸Kanes-barnea atanga ram va thlithlai tura ka tirh khan hetiang bawk hian in pute chuan an ti a.

⁹Eskol ruam an han thlen chhoh khan ram chu an han hmu a, LALPA'n ram a pekah chuan an luh lohna turin Israel thlahte rilru an tihzamsak a.

¹⁰Tichuan chu mi ni chuan LALPA thin chu a alh a,

¹¹Aigupta ram ata lo chhuak, kum sawmhnih achin chung lam mi reng reng chuan Abrahama, Isaaka te, Jakoba te hnan chhechhama ka pek ram chu tuma'n an hmu lo vang: min zui tak tak loh avangin:

¹²Keniz mi Jephunea fapa Kaleba leh Nuna fapa Josuate chauh lo chuan, anni chuan, LALPA chu an zui tak tak avangin,' tiin chhia a chham a.

¹³Tin, Israel-hote chungah LALPA thin chu a alh a, LALPA mithmuha thil tha lo titu chhuan zawng zawng an boral vek hma loh chuan thlalerah kum sawmli a vah a vahtir a.

¹⁴Tin, ngai teh u, Israelte chunga LALPA thinurna tihbaiawm tak belhchhain nangni chhuan sual hian in pute ai in awh ta a.

¹⁵LALPA zui loa in awm miau chuan anniho hi thlalerah a awmtir leh mai dawn ani a. Heng mi zawng zawngte hi in tiboral mai ang a sin," a ti a.

¹⁶Tin, an va hnaih a, a hnenah, "Heah hian kan ran tan beram huangte leh kan fanaute tan khuate kan siam ang a,

¹⁷keini erawh chu an hmun tur kan thlen hma loh chuan Israel thlahte hmaa kal zel turin kan inralthuam diam ang e: hemi rama mite avang hian kan fanaute chu kulh nei khuaahte an awm ang a,

¹⁸Israel thlah mi tinin an hmun luah tur an luah theuh hma loh chuan kan in lamah kan haw lo ang.

¹⁹Kan luah tur chu he lam ral Jordan chhak lam a nih avangi Jordan ral lehlam leh a piah lam chu kan luahpi dawn lo nia," an ti a.

²⁰Tin, Mosia'n an hnenah, "Chutianga in tih a, indonaa LALPA hmaa kal tura in inralthuam a,

²¹a hma ata a hmelmate a hnawhchhuah a, LALPA hmaa ram chu hneh a nih hma loha in zinga inralthuam zawng zawngten LALPA hmaa Jordan in kai vek chuan, nakinah in haw ang a,

²²LALPA chungah leh Israelte chungah in thiam lo lo dawn nia: tichuan he ram hi LALPA hmaa in luah tur a lo ni ang a.

²³amaherawhchu chutianga in tih loh chuan ngai teh u, LALPA chungah in sual ani ang a, in sual chuan a hmu chhuak ngei ngei ang che u tih hre rawh u.

²⁴In fanaute tan khuate siam u la, in beramte tan pawh huangte siam u la, in sawi ang chuan ti rawh u," a ti a.

²⁵Tin, Gada thlahte leh Reubena thlahte chuan Mosia hnenah, "I chhiahhlawhte hian kan pu thupek ang chuan kan ti ang e.

²⁶Kan nupui fanaute, kan beram rual te, kan ran rualz awng zawngte chu Gilead ram khuaahte hian an lo awm ang a;

²⁷amaherawhchu i chhiahhlawh, indo tura ralthuam zang zawngte chuan kan pu sawi ang chuan LALPA hmaah kan va kal ang e," tiin an sawi a.

²⁸Chutichuan Mosia chuan an chungchang thuah chuan puithiam Eleazara te, Nuna fapa Josua te, Israela hnam chhungkaw puipate chu thu a pe a.

²⁹Tin, Mosia chuan an hnenah, "Gada thlahte, Reubena thlah te, indo tura inralthuam zawng zawngte hian LALPA hmaa Jordan lui an kaipui che u a, ram chu in hmin chuan Gilead ram chu an luah atan in pe tur a ni:

³⁰amaherawhchu inralthuama an kaipui loh che u chuan Kanaan ramah in zingah an tel ve mai ang," a ti a.

³¹Tin, Gada thlahte leh Reubena thlahte chuan, "I chhiahhlawhte hnena LALPA'n a sawi ang chuan kan ti ang,

³²inralthuama LALPA hmaah Kanaan ramah kaiin kan lut ang a, tichuan kan ram luah tur chu Jordan lui piah lamah a la ni reng ang," tiin an chhang a,

³³Tin, Mosia chuan Gada thlahte leh Reubena thlahte leh Josefa ta Manasea thlah hnam chanve te chu Amor lal Sihona ram te, Basan lal Oga ram, chung ramte chu a khaw awm zawng zawng nen, a vel ram khuate nen lam a pe a.

³⁴Tin, Gada thlahte chuan Dibon te, Atarot te, Aroer te;

³⁵Atrot-sophan te, Jezer te, Jogbeha te;

³⁶Betnimra te, Betharan te an din a, khawpui kulh nei te, beram huang te nen.

³⁷Tin, Reubena thlahte chuan Hesbon te, Eleale te, Diriathaim te,

³⁸Nebo te, Baal-meon te, (a hmingte hi tihdanglam tak a ni) Sibma te an din a; an khaw siamte chu hming dang an vuah a.

³⁹Tin, Manasea fapa Makira thlahte chu Gilead ramah an kal a, an la a, Amor-ho chuta awmte chu an chhuhsak a.

⁴⁰Tin, Mosia Gilead ram chu Manasea fapa Makira chu a pe a; chutah chuan a awm a.

⁴¹Tin, Manasea fapa Jaira chuan chunga khuate chu a va la a, Havot-jair a vuah a,Tin, Noba chuan Kenat a va la a, a khawperte nen, ama hming chawiin Boba a vuah a.

⁴²Tin, Noba chuan Kenat a va la a, a khawperte nen, ama hming chawiin Boba a vuah a.