Read Baibul, Mizo Numbers 33 Bible Online

Numbers 33 - Baibul, Mizo bible

Numbers 33

¹Mosia leh Arona kaihhruaia Aigupta ram ata a pawl pawla an chhuah a, an kal zel dan chu hetiang hian a ni,

²LALPA thupeka an kal chhuah a, an kal zelnate chu Mosia'n a ziak a: an kal chhuaha an kalnate chu hengahte hian a ni.

³Thla khatna, thlakhatna ni sawm leh ni nga niin Ramases atangin an chhuak a; kalhlen kut tuk chuan, Aigupta mite mithmuhah,

⁴an fa tir zawng zawng LALPA'n a tihhlumsak an phum laiin Israela thlahte chu muk takin an chhuak a: LALPA'n an pathiante pawh a hrem a.

⁵Tichuan Israela thlahte chu Rameses atangin an chhuak a, Sukot-ah awmhmun an khua a.

⁶Tin, Sukot atangin an chhuak a, thlaler tawntirha Etham-ah awmhmun an khuar a.

⁷tin, Etham atang chuan an chhuak a, Baal-zephon bula Pi-hahirot lamah an tawlh kir leh a, Migdal bulah awmhmun an khuar a.

⁸Tin, Hahirot bul ata chu an chhuak a, tuifinriat an kal tlang a, thlalerah an lut a: tin, Etham thlalerah ni thum kal an kal a, Mara-ah awmhmun an khuar a.

⁹Tin, Mara atang chuan anc hhuak a, Elim an thleng a; Elim-ah chuan tuihna sawm leh pahnih leh tum kung sawmsarih a awm a; chutah chauh awmhmun an khuar a.

¹⁰Tin, Elim atang chuan an chhuak a, Tuifinriat Sen bulah awmhmun an khuar a.

¹¹Tin, Tuifinriat Sen atang chuan an chhuak a, Sin thlalerah awmhmun an khuar a.

¹²Sin thlaler atang chuan an chhuak a, Dopka-ah awmhmun an khuar a.

¹³Tin, Dopka atang chuan an chhuak a, Alus-ah awmhmun an khuar a.

¹⁴Alus atang chuan an chhuak a. Rephidim-ah awmhmun an khuar a, chutah chuan mipuite tui in tur a awm lo a.

¹⁵Tin, Rephidim atang chuan an chhuak a, Sinai thlalerah awmhmun an khuar a.

¹⁶Tin, thlaler atang chuan an chhuak a, Kibrot-hat-tava-ah awmhmun an khuar a.

¹⁷Tin, Kibrot-hat-tava atang chuan an chhuak a, Hazerot-ah awmhmun an khuar a.

¹⁸Hazerot atang chuan an chhuak a, Ritma-ah awmhmun an khuar a.

¹⁹Tin, Ritma atang chuan an chhuak a, Rimon-perez-ah awmhmun an khuar a.

²⁰Rimon-peraz-ah awmhmun an khuar a. Libna-ah awmhmun an khuar a.

²¹Libna atang chuan an chhuak a, Risa-ah awmhmun an khuar a.

²²Tin, Risa atang chuan an chhuak a, Kehelatha-ah awmhmun an khuar a.

²³Tin, Kehelatha atang chuan an chhuak a, Sepher tlangah awmhmun an khuar a.

²⁴Tin, Sepher tlang atang chuan an chhuak a, Harada-ah awmhmun an khaur a.

²⁵Tin, Harada atang chuan an chhuak a, Malkhelot-ah awmhmun an khuar a.

²⁶Tin, Makhelot atang chuan an chhuak a, Tahat-ah awmhmun an khuar a.

²⁷Tin, Tahat atang chuan an chhuak a, Tera-ah awmhmun an khuar a.

²⁸Tin, Tera atang chuan an chhuak a, Mitka-ah awmhmun an khuar a.

²⁹Tin, Mitka atang chuan an chhuak a, Hasmona-ah awmhmun an khuar a.

³⁰Hasmona atag chuan an chhuak a, Moserot-ah awmhmun an khuar a.

³¹Tin, Moserot atang chuan an chhuak a, Beneserot atang chuan an chhuak a, Benejaakan-ah awmhmun an khuar a.

³²Tin, Bene-jaakan atang chuan an chhuak a, Hor-hagidgad-ah awmhmun an khuar a.

³³Tin, Hor-hagidgad atang chuan an chhuak a, Jotbatha-ah awmhmun an khuar a.

³⁴Tin, Jotbatha atang chuan an chhuak a, Abrona-ah awmhmun an khuar a.

³⁵Tin, Abrona atang chuan an chhuak a, Ezion-geber-ah awmhmun an khuar a.

³⁶Tin, Ezion-geber atang chuan an chhuak a, Zin thlalerah awmhmun an khuar a (chu chu Kades an ti bawk).

³⁷Tin, Kades atang chuan an chhuak a, Edom ram dep Hor tlangah awmhmun an khuar a.

³⁸Tin, puithiam Arona chu LALPA thupekin Hor tlangah chuan a han chho a, Israela thlahte Aigupta ram ata an lo chhuah kum sawmli ku, thla ngana, ni khat niin chutah chuan a thi a.

³⁹Tichuan Arona chu Hor tlanga a thih chuan kum 123 a ni.

⁴⁰Tin, Kanaan mi, Kanaan rama Chhima awm Arad lal chuan Israela thlahte lo kal chu a lo hria a.

⁴¹Tin, Hor tlang atang chuan an chhuak a, Zalmon-ah awmhmun an khuar a.

⁴²Tin, Zalmon atang chuan an chhuak a, Punon-ah awmhmun an khuar a.

⁴³Tin, Punon atang chuan an chhuak a, Obot-ah awmhmun an khuar a.

⁴⁴Obot atang chuan an chhuak a, Moab ram dep Iye-abarim-ah awmhmun an khuar a.

⁴⁵Tin, Iyim atang chuan an chhuak a, Dibongad-ah awmhmun an khuar a.

⁴⁶Tin, Dibon0gad atang chuan an chhuak a, Almon-nibla-thaim-ah awmhmun an khuar a.

⁴⁷Tin, Almon-diblathamim atang chuan an chhuak a, Bebo bula Abarim tlangahte chuan awmhmun an khuar a.

⁴⁸Tin, Abarim tlang atangte chuan an chhuak a, Jeriko zawn, Jordan kam Moab phaiah awmhmun an khuar a.

⁴⁹Jordan kam Betjesimot atanga Able-sitim thlengin Moab phaiah awmhmun an khuar a.

⁵⁰Tin, Jeriko zawn, Jordan kam Moab phaiah chuan LALPA'n Mosia a bia a,

⁵¹Israela thlahte chu bia la, an hnenah,

⁵²Israela thlahte chu bia la, an hnenah; Jordan lui in kan a, Kanaan ram in luh hun chuan,

⁵³chu mi rama awm zawng zawngte chu in hnawt chhuak vek ang a, an lung milem zawng zawngte chu in tichhe vek ang a, an milem chhunte in tichhe vek ang a, an hmunsangte pawh in thiat vek tur a ni:

⁵⁴tin, ram chu in luah ang a, chutah chuan in awm ang : in luah atan ram chu ka pe tawh che u a ni.

⁵⁵Tin, a chi zir ang zelin thumvawrin ram chu in luah ang a, a rual deuhte chu ram zau deuh in pe ang a, a rual lo deuhte chu ram zim deuh in pe ang: thumvawra a tlukna apiang chu an pual ani ang a; in pi leh pute chi kal dan ang zelin in luah tur a ni.

⁵⁶Amaherawhchu chu mi rama awmte chu in hnawhchhuah loh chuan in awmtirte chu in mit atan chhuntu leh in pang atan te hling an g an ni ang a, in awmna ramah chuan an timangang ang che u.Tin, heti hi a ni ang a, an chunga tih ka rilruk ang chu in chungah ka ti ang,' ti rawh," tiin.

⁵⁷Tin, heti hi a ni ang a, an chunga tih ka rilruk ang chu in chungah ka ti ang,' ti rawh," tiin.