Read Baibul, Mizo Numbers 34 Bible Online

Numbers 34 - Baibul, Mizo bible

Numbers 34

¹Tin, LALPA'n Mosia a bia a,

²Israela thlahte chu thu pe la, an hnenah 'Kanaan ram in thlen hun chuan (Kanaan ram, a ramri zir ang zela in luah tur ram chu)

³chhim lama in luah tur chin chu Zin thlaler atanga Edom ram hrul zel a ni ang a, chhim lam ramri chu Tuifinriat Al tawp atanga chhak lampang a ni ang:

⁴tin, in ramri chu Akrabim chhohna chhim lampangah a kawi ang a, Zin-ah a kal tlang ang a; tin, a lo chhuahna chu Kades-barnea chhim lamah a ni ang: tin, Hazar-adar-ah a kal ang a, Azmonah a kal zel ang:

⁵tin, ramri chu Azmon atangin Aigupta lui thlengin a kawi ang a, a chhuahna chu tuifinriatah a ni ang.

⁶Tin, thlang lampangah chuan tuifinriat zau chu a ramri atan i chang ang a: hei hi thlang lama in ramri a ni ang.

⁷Tin, hei hi hmar lama in ramri a ni ang: tuifinriat zau atangin Hor tlang huamin i siam ang a;

⁸Hor tlang atanga Hamat luhna thlengin i siam ang a, ramri chhuahna chu Zedad-ah a ni ang a:

⁹tin, ramri chu Ziphon-ah a kal zel ang a, tin, a chhuahna chu Hazar-enan-ah a ni ang; hei hi hmar lama in ramri a ni ang.

¹⁰Tin, chhak lama in ramri chu Hazarenan atangin Sepham thlengin i siam ang a:

¹¹tin, ramri chu Sepham atnagin Ribla thlengin Ain chhak lampangah a chhuak ang a; tichuan, ramri chu a chhuk zel ang a, Kineret tuifinriat chhak lampang a chhun ang a;

¹²tin, ramri chu Jordan-ah a chhuk ang a, tin, a chhuahna chu Tuifinriat Al-ah a ni ang: hei hi a chhehvela ramri kal dan ang hian in ram a ni ang,' ti rawh," tiin.

¹³Tichuan Mosia chuan Israela thlahte chu thu a pe a, "Hei hi LALPA'n hnam kua leh a chanve te3 pek tura thu a pek thumvawra in luah tur ram chu a ni;

¹⁴Reubena thlahte hnamin an chhungkaw zir zel leh, Gada thlahte hnamin an chhungkaw zir zel leh, manase hnam zatve pawh in an ram luah tur chu a chang ta si a:

¹⁵hnam hnih leh hnam zatvee chuan an ram luah tur chu ni chhuahna lam Jeriko zawn Jordan ral chhak lamah an chang tawh a," tiin.

¹⁶Tin, LALPA'n Mosia a bia a,

¹⁷Luah tura ram thensawmpuitute hming chu hengte hi a n: puithiam Eleazara leh Nuna fapa Josua te hi.

¹⁸Tin, ram luah tur thentu atan hnam tin, zinga puipa pakhat theuhin thlang tur a ni," tiin.

¹⁹Chung mite hming chu he'ng hi a niL Juda hnama mi Jephunea fapa Kaleba.

²⁰Tin, Simeona thlahte hnama mi Amihuda fapa Semuela

²¹Tin, Benjamin hnama mi Kishlona fapa Elidada.

²²Dana thlahte hnam zinga puipa Joglia fapa Bukia.

²³Josefa thlahte zinga mi, Manasea thlahte puipa Ephoda fapa Haniela:

²⁴Ephraim thlahte hnam zinga puipa Siptana fapa Kemuela.

²⁵Tin, Zebuluna thlahte hnam zinga puipa Parnaka fapa Elizaphana,

²⁶Isakara thlahte hnam zinga puipa Azana fapa Patiela.

²⁷Asera thlahte hnam zinga puipa Selomia fapa Ahihuda,

²⁸Naphtalia thlahte zinga puipa Amihuda fapa Padahela,Hengho hi Kanaan rama Israela thlah ram luah tur sem tura LALPA'n thu apekate chu an ni.

²⁹Hengho hi Kanaan rama Israela thlah ram luah tur sem tura LALPA'n thu apekate chu an ni.