Read Baibul, Mizo Numbers 8 Bible Online

Numbers 8 - Baibul, Mizo bible

Numbers 8

¹Tin, LALPA'n Mosia a bia a,

²Arona bia la a hnenah, 'Khawnvarte i halin khawnvar pasarih chuan sathau khawnvar dahna hma lam a en tur a ni,' ti rawh," tiin.

³Tin, Arona chuan chutiang chuan a ti a; LALPA'n Mosia thu apek ang chuan khawnvardahna hma lamah chuan khawnvarte chu a chhi a.

⁴He mi khawnvar dahna siam dan hmang chu rangkachak achhera chher a ni; a bul ngul leh a par cheninchher a ni: LALPA'n a lem Mosia a entir ang chiahin khawnvar dahna chu a siam a.

⁵Tin, LALPA'n Mosia a bia a,

⁶Levi-hote chu Israela thlahte zing ata tihrang la, tithianghlim rawh.

⁷Anmahni tithianghlim turin hetiang ian i ti tur a ni: an chunga tlenfaina tui thlawr la, an taksa zawng zawng mehtir la, an puante suktir la, intihthianghlimtir rawh.

⁸Tin, bawngpa tuai pakhat leh chhangphut thilhlan hriaka pawlh chhangphut dip tak nen laktir la, tin, sual thawina'n bawngpa tuai pakhat dang i kai bawk tur a ni.

⁹Tin, Levi-hote chu inbiakna puan in bulah chuan hruai la, Israela thlahte mipui zawng zawng chu pun khawmtir vek rawh:

¹⁰tin, Levi-hote chu LALPA hnenah i hlan ang a; Israela thlahte chua Levi-hote chungah an kut an nghat ang a:

¹¹tichuan Arona chuan Levi-hote chu, LALPA rawng an bawl theihna'n Israela thlahte hmingin then thilhlana LALPA hnenah a hlan ang a.

¹²Tin, Levi-hote chuan bawngpa lu-ahte chuan an kut an nghat ang a; tin, Levi-hote tana inremna siamna'n, pakhat chu sual thawina'n, pakhat chu halral thilhlanah LALPA hnenah i hlan tur a ni.

¹³Tin, Levi-hote chu Arona leh a fapate hmaah chuan i awmtir ang a, LALPA tana then thilhlanah i hlan tur a ni.

¹⁴chutiang chuan Israela thlahte zing ata Levi-hote chu i tihrang ang a, tichuan Levi-hote chu ka ta an ni ang.

¹⁵Tin, chu mi zawhah chuan Levi-hote chu inbiakna puan ina rawngbawl turin an lut ang a, tin, nangin anni chu i tithianghlim ang a, then thilhlanah i hlan tur a ni.

¹⁶Israela thlahte zing ata ka puala ruat an ni si a; chhul keu zawng zawng Israela thlahte fa tir zawng zawng aiah ka pualah ka nei tawh a ni.

¹⁷Israela thlahte zinga fa tir zawng zawng chu ka ta n ni reng a; mihring nen, rante nen; Aigupta rama fa tir zawng zawng ka tihhlum lai khan ka puala ka ruat tawh a ni.

¹⁸Tichuan Israela thlahte zinga fa tir zang zawng aiah Levi hote hi ka nei tawh a ni.

¹⁹Tichuan Israela thlahte aia inbiakna puan ina rawngbawl tur leh Israela thlahten hmunthianghlim an rawn hnaih pawha Israela thlahte zinga hria len lohna tura remna siam turin Israela thlahte zing ata Levi-hote hi Arona leh a fapate ka pe a ni," tiin.

²⁰chutiang chuan Mosia te, Arona te, Israela thlahte pungkhawmho zawng zawng chuan Levi-hote chunga chuan an ti a. Levi-ho chungchang thua LALPA'n Mosia thu a pek ang zawng zawng chuan an chungah Israela thlahte chuan an ti a.

²¹Tichuan Levi-hote chu sual lakah an inthian fai a, an puante an su a: tin, Aronan LALPA hmaah then thilhlanah a hlan a; tin, anmahni tihthianghlimna'n Aronan inremna a siamsak a.

²²Tin, chu mi zawhah Levi-hote chu Arona leh a fapate hnuaia an rawngbawl hna thawk tur chuan inbiakna puan in chhungah an lut a: Levi-hote chungchang thua LALPA'n Mosia thu a pek angin an chungah an ti ta a.

²³Tin, LALPA'n Mosia a bia a,

²⁴Levi-hote chanpual chu he'ng hi a ni: kum sawmhnih leh kum nga chin hung lam chuan inbiakna puan ina rawngbawl hna an bei ang a:

²⁵kum sawmnga mite chuan rawngbawl hna chu an chawlhsan ang a, rawng an bawl tawh lo ang;amaherawhchu inbiakna puanin enkawl thuah chuanan unaute an puibawm zel ang a, rawng erawh chu an bawl tawh lo ang. Hetianghian Levi-hote chu an hna thawh i relsak tur a ni, tiin.

²⁶amaherawhchu inbiakna puanin enkawl thuah chuanan unaute an puibawm zel ang a, rawng erawh chu an bawl tawh lo ang. Hetianghian Levi-hote chu an hna thawh i relsak tur a ni, tiin.