Read Baibul, Mizo Numbers 9 Bible Online

Numbers 9 - Baibul, Mizo bible

Numbers 9

¹Tin, LALPA'n Aigupta ram ata an lo chhuah achin kum hnihna thla khatnaah Sinai thlaleran Mosia a bia a,

²Israela thlahte chuan kalhlen kut chu a hunbi a hunbi zelah nei rawh se.

³A hunbi-ah, he mi thla ni sawm leh ni li tlai lamah in nei tur a ni: chu mia tihtura ruat ang zawng zawng leh a dan ang zawng zawng chuan innei tur a ni," tiin.

⁴Tichuan Mosia Israela thlahte chu kalhlen kut nei tur chuan a hrilh a.

⁵chutichuan Sinai thlalerah chuan thla khatna, ni sawm leh ni li ni tlai lamah kalhlen kut chu an hmang ta a: LALPA'n Mosia thu apek ang zawng zawng chuanisraela thlahte chuan an ti a.

⁶Tin, tute emaw mitthi ruang avanga thianghlim lo an lo awm a, chu mi ni chuankalhlen kutah an tel ve thei loa; tichuan chumi ni chuan Mosia leh Arona hmaah chuanan kal a;

⁷chungho chuan a hnenah, "Mitthi ruang avangin kan thianghlim loa ni a; engvangin nge Israela thlahte zinga a hunbia LALPA hnena thilhlan kan hlan ve min khap?" an ti a.

⁸Tin, Mosia'n an hnenah, "Lo ngawi teh rih u, in chungchang thuah LALPA'n engtin nge thu apek dawn ka han hre rih phawt ang e," a ti a.

⁹Tin, LALPA'n Mosia a bia a,

¹⁰Israela thlahte hnenah, 'In zinga mi pawh, in thlahte zinga mi pawh, mitthi ruang avanga thianghlim lo emaw, lo thang bo emaw an awm hlauh chuan LALPA tana kalhlen kut chu an nei ve reng reng tur a ni:

¹¹thlah hnihna ni sawm leh ni lo ni tlai lamah an nei tur a ni: chhang, dawidim telh loh hnim hnah kha nen an ei tur a ni;

¹²a tuk atan chuan a engamah a dah tur a ni lo a, a ruh an titliak tur a ni hek lo: kalhlen kuta tih tur ruat ang zawng zawng chu an ti tur a ni.

¹³Amaherawhchu thianghlim si, thang bona nei si loa kalhlen kuta tel lo ringawt chu achipuite zing ata chu mi chu tuithlar a ni ang: a hunbia LALPA hnena thil hlan chu a hlan loh avangin chu mi hu tuithlar a ni ang: a hunbia LALPA hnena thilhlan chua hlan loh avangin chu mi chuan a sual mawh a phur ang.

¹⁴Tin, hnam dang mi in hnena awmin LALPA tana kalhlen kuta tel ve an duh chuan kalhlen kuta tih tur ruat leha dan angin an ti tur a ni, he rama mi reng reng leh hnam dang mite tan dan angkhat in nei tur a ni,' tiin sawi rawh," tiin.

¹⁵Chutichuan biak buk dinni chuan Patian chenna in chu chumina tuam mup a, tin, tlai lamah chuan biak buk chungah chuan mei alh ang mai hi a tuk zing tlengin a awm a.

¹⁶Chutiang chuan a awm reng a: chhum chuan a tuam reng a, zanah chuan mei angin a lang a.

¹⁷Chhumin Puan In chu a kiansan apiangin Israela thlahte chuan kal zai an rel thin a: tin, chhum a dinna hmun apiangah chuan Israela thlahte chuan awmhmun an khuar thin a.

¹⁸LALPA thupekin Israela thlahte chu an kal zel a, LALPA thupek bawkin awmhmun an khuar thin a: biak buk chunga chhum hu a awm chhung zawng awmhmun an khuar reng a.

¹⁹Tin, biak buk chunga chhum chu rei tak a awm chuan Israela thlahte chuan LALPA thu chu an zawm an kal lo a,

²⁰tin, a chang chuan chhum chu biak buk chungah chuan rei lote chauh a awm thin a: tichuan LALPA thupek angin awmhmun ankhuar a, LALPA thupek angin an kal thin.

²¹Tin, a chang chuan chhum chu tlai lam atanga zing thlengin aa awm a: tin, zinga chhum chu a invawrh san chuan an kal thin a, ni khat lek emaw, zan khat lek emaw awma chhum chu a invawrh san chuan an kal mai thin a.

²²biak buk chungah chhum chu ni hnih emaw, thla khat emaw, kum khat emaw pawh a awm a, chuta a awm reng chuan Israela thlahte chuan awmhmun an khuar reng a, an kal thin lo va: a invawrh san erawh chuan an kal thin.LALPA thupekin awmhmun an khuar thin a, LALPA thupekin an kal thin: Mosia hmanga LALPA thupekin LALPA thu chu an zawm a ni.

²³LALPA thupekin awmhmun an khuar thin a, LALPA thupekin an kal thin: Mosia hmanga LALPA thupekin LALPA thu chu an zawm a ni.