Read Baibul, Mizo Mika 1 Bible Online

Mika 1 - Baibul, Mizo bible

Mika 1

¹Juda lal Jothama te, Ahaza te, Hezekia te lal laia Moreseth mi Mika hnena LALPA thu lo thleng, Samari khua leh Jerusalem khaw chungchang thua a hmuh chu.

²Nangni hnam zawng zawngte u, in vaiin hria u la; aw leilung leh a chhunga awm zawng zawngte u, ngaithla rawh u: Lalpa PATHIAN, Lalpa chu a biakin thianghlim a tangin, nangmahni kalhin in chung thu hretu ni rawh se.

³Ngai teh u, LALPA chu a hmun atangin a lo chhuak a, a lo chhuk ang a, lei hmunsang te chu a chil dawn si a.

⁴Mei bula khawihnun ang leh hmun awiha tuikhawhthla ang mai in, tlangte chu a hnuaiah chuan an tui ang a, kawrte chu a khi chat ang.

⁵Hei zawng zawng hi Jakobho bawhchhiatna chu eng nge ni? Samari a ni lo em ni? Juda hmunsangte chu eng nge ni? Jerusalem a ni lo em ni? Chuvangin Samari chu phula thil chhe awm khawm angin ka siam ang a, grep huan hmun ang maiin: tin, chumi hmuna lungte chu kawr ruam lamah ka lum thla ang a, a lungphumte chu ka tilang ang.

⁶A milem siam chawp zawng zawng chu tihkeh sawm vek a ni ang a, a nawhchizawrh hlawhte chu meia hal vek a ni ang a, nawhchizawrh man a lakkhawm a ni a, nawhchizuar manah an pe leh ang.

⁷Hemi avang hian ka tap ang a, ka chiau vak vak ang a, inhlip leh saruakin ka awm ang; sihalte angin ka au vang a, vanghawngseite angin ka rum ang.

⁸A hliamte chu tihdam theih a ni lo: Judai ram a thleng ta hial si a; ka mite kawngka, Jerusalem meuh pawh a thleng a ni.

⁹Gath khuaah hril suh u la, tap hlek suh u: Bethle-Aphra khuaah chuan vaivut ah tal rawh u.

¹⁰Aw sophir mi, saruak leh zak takin kal bo rawh: Zaanan mi chu a lo chhuak lo; Beth-ezel tahna chuan a dinchan khalh ang che u.

¹¹Maroth mi chuan chan tha chan a nghakhlel hliah hliah mai, LALPA hnen atangin thil tha lo chu Jerusalem kawngka bul thlenga a lo thlen thlak avangin.

¹²Aw Lakis mi, tawlailir chu sakawr chakah chuan bel rawh; ani hi Zion fanu sualna bul a ni, Israelho bawhchhiatnate chu nangmahah hian a awm a lo ni si a.

¹³Chuvangin Moreseth-gath hnenah chuan inthlahna thilpek i pe tur a ni; Akzib inte chu Israel ram lalte tan bumna a ni ang.

¹⁴Aw Maresa mi, nangmah neitu tur i hnenah ka la rawn hruai ang: Israel ropuina chuan Adullam a va thleng ang.Inziat kawlh la, i fa duh takte avang chuan inmet kawlh rawh: mulukawlh angin intikawlh nasa zual rawh; i hnen ata sala hruaiin an awm ta si a.

¹⁵Inziat kawlh la, i fa duh takte avang chuan inmet kawlh rawh: mulukawlh angin intikawlh nasa zual rawh; i hnen ata sala hruaiin an awm ta si a.