Read Baibul, Mizo Mika 5 Bible Online

Mika 5 - Baibul, Mizo bible

Mika 5

¹Sipai rualte u, inpun khawm rawh u, min hual a, Israel hruaitu chu a biangah tiang in an vuak hi.

²Nimahsela nang Bethlehem Ephratha, Juda ram sang tamtak zinga telah te hle mah la, nangma lak atang hian Israelho roreltu tur chu ka tan a lo chhuak ang a; a lo chhuahna chu hmasang ata, chatuan atangin a ni.

³Chuvangin nauveitu chuan a hrin hma loh chuan anmahni a hawisan ang; tichuan a unau la awm chhunte chu Israela thlahte hnenah an kir leh ang.

⁴Ani chu a ding ang a, LALPA chaknain a ran rual chu a chawm ang, LALPA a pathian hming ropuina ngei chuan: tin, an ni chu him takin an awm reng ang a; ani chu lei tawp thlengin a ropui dawn si a.

⁵Tin, hemi hi kan in remna a ni ang; Assuria mi chu kan rama a lo kal a, kan lal inte a rawn rah hunah chuan, amah do turin berampu pasarih leh mi ropui pariat kan in dawk chhuak ang.

⁶Jokobho mi la awm chhunte chu chi tam takte zingah LALPA atanga dai tla ang leh hlobet chunga ruah sur angin an awm ang; chu chuan mihring a nghak lo a, mihring fapate a ngaichang hek lo.

⁷Jokobho mi la awm chhunte chu hnamte zingah leh chi tam takte zingah chuan ramhuai sate zinga sakei baknei ang leh beram rual zinga sakeibaknei vanglai angin a awm ang: ani chuan, akal tlang phawt chuan, a rap bet a, a pawt sawm a, a chhan tu tur pawh tumah an awm lo.

⁸I kut chu nangmah dotute chungah lekin awm se la, i hmelma zawng zawngte chu tihboralin awm rawh se.

⁹Chumi niah chuan heti hi a ni ang, LALPA'n a ti, i lak ata i sakawrte ka tiboral ang a, i tawlailirte ka tichhia ang:

¹⁰i ram khawpuite chu ka tiboral ang a, i kulhbing zawng zawngte chu ka tichim ang:

¹¹kut ata dawithiamnate ka tiboral ang a; aienthiamte i nei tawh lo ang:

¹²I lak ata i milem siam chawpte i lungphunte chu ka tiboral ang a; i kutchuak thil chu i be tawh lo ang.

¹³I lak ata i Asera-te chu ka pawt chhuak ang a: i khawpuite chu ka tichhia ang.Tin, thu ngaithla lo hnamte chungah chuan thinurna leh thinrimnain phuba lakna ka ti puitling ang.

¹⁴Tin, thu ngaithla lo hnamte chungah chuan thinurna leh thinrimnain phuba lakna ka ti puitling ang.