Read Baibul, Mizo Mika 6 Bible Online

Mika 6 - Baibul, Mizo bible

Mika 6

¹LALPA thu sawi chu tunah ngaithla rawh u: tho la tlang lian hmaahte chuan khing la, tlang tete chuan i aw ngaithla rawh se.

²Aw tlang liante u, LALPA khinna chu ngaithla u la, nangni leilung nghahchhan hlunte u, ngaithla rawh u: LALPA chu a mite nen an in khing a, Israelho chu a thlem ang.

³Aw kamite u, in chungah eng nge ka tih tak? Eng kawngin nge ka tihhah che u? Mi han khing teh u.

⁴Aigupta ram atang chuan ka hruaichhuak che u a,bawih ata chu katlan chhuak che u a; in hmaah Mosia te, Arona te lem Miriami te ka rawn tirh kha.

⁵Aw ka mite u, LALPA thiltih fel chu in hriat theih nan, Moab lal Balaka thu rawt leh Beora fapa Balaaman a chhan dan, Sittim atanga Gilgal thlenga thil awmziate kha, tunah hre reng rawh u.

⁶Eng nen nge LALPA hmaah chuan ka lo kal ang a, Pathian chungnung hmaah ka kun ang? Halral thil hlante, bawngno kumkhat mite nen a hmaah chuan ka lo kal dawn em ni? LALPA chu berampa sang tam tak emaw hriak lui singte emawah a lungni dawn em ni? ka bahchhiatna avangin ka fatir chu ka pein, ka thlarau sualna avangin ka taksa rah chu ka pe dawn em ni?

⁷Aw mihring, tha chu a entir tawh che a ni; LALPA'n a phut che chu eng nge ni? Dik taka tih leh khawngaihna ngainat leh i pathian nena thuhnuairawlh taka lendun a ni lo em ni?

⁸LALPA chuan khawpui chu a au a ni, finna nei mi chuan i hming a tih ang: talhtum leh a buatsaihtu chu hre rawh u.

⁹Mi suaksual inah chuan suahsualna robawmte chu a la awmin, tehna dawrawm tenawm tak chu a awm cheu vem?

¹⁰Bukna dik lote leh ip rih dan dawhate nen chuan thianghlim ka ni dawn em ni?

¹¹Chuta mi hausate chu pawngneknain an khat si a, chuta chengte chuan dawt an sawi a, an ka chhunga an lei chu bum hmang a ni.

¹²Chuvangin kei pawhin na taka hliamin ka vaw ta che a; i sualnate avangin ka titiau ta che a ni.

¹³I ei ang a, i tlai lo ang, i ril a la tam thoi vang, thil i dah tha ang a, i hum thei chuang lo ang, i hun chhun pawh indonaah a chhia ang.

¹⁴I ching ang a, mahse i seng lo ang: olive rahte chu i rap sawr ang a, mahse a hriak chu i thih lo ang; grep rah sawr mah la, a uain chu i in lo ang.Omria thuruatte chu vawn reng a ni si a, Ahaba chhungkaw thil tih zawng zawngte nen; an remruatahte chuan in kal a ni: tichuan hmun tiauvah ka siam tawh dawn che a ni a, a chhunga ch4ngte hi nuihzabur atan; tin, ka mite hmingchhiatna chu i phur ang.

¹⁵Omria thuruatte chu vawn reng a ni si a, Ahaba chhungkaw thil tih zawng zawngte nen; an remruatahte chuan in kal a ni: tichuan hmun tiauvah ka siam tawh dawn che a ni a, a chhunga ch4ngte hi nuihzabur atan; tin, ka mite hmingchhiatna chu i phur ang.