Read Baibul, Mizo Nahuma 1 Bible Online

Nahuma 1 - Baibul, Mizo bible

Nahuma 1

¹Ninevi khaw phur rit chu. Elkos mi Nahuma inlarna hmuh bu chu.

²LALPA chu thikthuchhia Pathian leh phuba lak hmang a ni; Lalpa chuan phuba a la a, thinurnain a khat a ni; Lalpa chuan a dotute chungah a la a, a hmelmate tan chuan thinurna a khawl khawm a ni.

³LALPA chu a thin a nel a, nasa taka thiltithei a ni a, misual chu thiam a chantir reng reng lo ang: LALPA chuan thawngaleivirah leh thlipuiah a kawng a nei a, chhumte chu a kea vaivut a ni.

⁴Tuifinriat chu a zilhhau a, a tikang chat a, li zawng zawngte pawh a tikang zo a, Lebanon tlang pangpar chu a chuai a.

⁵Tlang liante chu amah avangin a nghing a, tlang te te chu an tui ral a; a hmaah chuan lei hi a khur a, a ni, khawvel leh a chhunga awm zawng zawngte nen chuan.

⁶A lungnih lohna hmaah chuan tu nge ding thei ang a, a thinrimna nasa takah chuan tu nge awm thei ang: A thinrimna chu mei anga leihbuak a ni a, lungpuite chu a tikeh sawm vek a ni.

⁷LALPA chu a tha a, mangan nia kulh nghet a ni; amaha an rinna nghat tute chu a hria. A mah dotute erawh chu tui lian nasa tak hmangin a tiboral vek ang a, a hmelmate chu khawthimah a um lut ang.

⁸LALPA kalhin eng nge in suangtuah? Tawp derna a thlentir dawn a ni, phuba lak nawn a ngai lo ang.

⁹An uain in chuan chiah huh hnep mah se la hling bawm ang leh buhpawl ro ang maia tihboral vek an ni ang.

¹⁰Nangmaha chhuak mi pakhat LALPA kalha thilsual ngaihtuahtu, suahsualna thu rawntu a awm,

¹¹LALPA chuan heti hian a ti: An chak theih tawpin chak mah se la, tam pawh tam tak ni mah se la, chuti chung pawhin sam thlukin an awm ang a, an boral ang. Lo tihrehawm tawh che mah i la ka tihreawm leh tawh lo ang che.

¹²Tunah chuan i hnen ata a nghawngkawl chu ka titliak ang, nangmah phuarna hruite chu ka tichat vek ang.

¹³LALPA chuan i chungchang thu-ah thu a pe a, i hming pu tur thlah i nei lo ang. I pathian ho in ata milem siamchawp leh milem chhunte chu ka tiboral ang a; i thlan ka siam ang; i sual si a.Tlangah te chan chin tha thlena, remna thu tlangaupuitu ke chu en teh! Aw Juda, i kutte chu serh la, i thutiamte chu hlen rawh: mi suaksual chuan a palzut leh dawn tawh si lo che; tihboral der a ni ta e.

¹⁴Tlangah te chan chin tha thlena, remna thu tlangaupuitu ke chu en teh! Aw Juda, i kutte chu serh la, i thutiamte chu hlen rawh: mi suaksual chuan a palzut leh dawn tawh si lo che; tihboral der a ni ta e.