Read Baibul, Mizo Habakuka 2 Bible Online

Habakuka 2 - Baibul, Mizo bible

Habakuka 2

¹Tin, ka vennaah ka ding ang a, kulh chhungah ka chuang ang a, ka vui thuah khan ka hnenah eng nge a sawi dawna, keiin eng tin nge ka chhan dawn tih hmu turin ka thlir ang.

²Tin, LALPA chuan heti hian mi chhang a: Inlarna chu ziak la, a chhiartu in tlan paha a chhiar theih khawpa chiangin lung phek chungah ziak rawh.

³Inlarna hi hun ruat chhung atan mai a ni nghe nghe si a, a kin ni chu a hnai tial tial a, a thlawn lo ang. Rei deuh mahse, nghak rawh; a lo thlen ngei dawn avangin a tlai chuang lo ang.

⁴En teh, a chapo mang e, a rilru a va ngil lo em! Mifel erawh chu a rinna in a nung ang.

⁵A ni, chu loah pawh, uain heh chu bumhmang, michapo, in lam ngawrh lo mi a ni a; A chakna chu seol angin a hawng zau a, thihna ang a ni a, tih tlai theih a ni lo; A hnenah hnamtin a hruai khawm a, mi zawng zawng a chhek khawm a ni.

⁶Heng zawng zawngte hian a chungah tihelna thu, deuna thufing tawi - a ta si loa in tipunga, dahkham thila intimuktu chu, a chung a pik e! Eng chen nge a chin ang aw? Tiin an sawi lo ang em ni?

⁷Nangmah eitutur che an dingchhuak phutin a tihhreawmtu tur che an harh ang a, An tan rallak mai i la ni dawn lo'm ni?

⁸Hnam tamtak i rawk tawh avangin Hnam dang zawng zawngte pawhin an rawk vethung ang che; Mite thisen avang leh ram chungah te, Khawpui leh a chhunga cheng zawng zawngte hnena I pawngtihna avang khan.

⁹Misual kut ata him theihna tura bu sang taka chhep turin, a in atana hlawkna bawlhhlawh chingtu chu a chung a pik e!

¹⁰Mi tam takte tiboralin i in atan mualphona i phhiar a lo ni a, i nunna chungah thil i tisual a ni.

¹¹Lung chu bang ata a au vang a, thing hmanrua atangin khanchhukin a chhawn ang.

¹²Thisena khawpui din a, khawlohnaa khawpui siamtu chu a chung a pik e!

¹³Ngai teh u, miten mei kan mai atana an thawk a hnamte engmahlo atana an inti-hah hi Sipai hote LALPA a ni lo em ni?

¹⁴Tuifinriat chu tuiin a khat vek angin LALPA ropuizia hriatnain lei hi a khat vek dawn si a,

¹⁵A thenawm hnena zu intur petu chu, a chung a pik e, nang, an saruak i hmuh theih nana i tur chawhpawlha tirui tu chu!

¹⁶Ropuina aiah zahnain a intitlai a, Nang pawhin in la, saruakin awm ve mai rawh; LALPA kut dinglam no chu i hnenah a lo let ang a, I ropuina chungah bawlhhlawh zahpuiawm tak a awm ang.

¹⁷Lebanon tlang i suasamna chuan a chhilh ang chia, Sate boralna chuan a tihlau vang che; Mihring thisen avang leh ramte, khawpuite leh A chhunga chengte i suasam tawh avangin.

¹⁸Milim chher chawp hi eng nge a sawta, A siamtuin a siam ni? Milim chhun chawp, dawt zirtirtu mai, A siamtuin a ma kut chhuak a rin leh chawp si, Milim tawng thei hlei lo han siam hi eng nge a sawtna?

¹⁹Thing hnenah, Harh rawh, tia Lung tawng thei lo hnenah, Tho rawh titu chu A chung a pik e! Hei hian a zirtir dawn em ni? En teh rangkachak leh tangkaruaa luan a ni a, A chhungah thaw reng a awm tawp lo a ni.LALPA erawhchu a in thianghlimah a awm a ni: Leia mi zawng zawngte chu ngawi thiap rawh se.

²⁰LALPA erawhchu a in thianghlimah a awm a ni: Leia mi zawng zawngte chu ngawi thiap rawh se.