Read Baibul, Mizo Zephania 1 Bible Online

Zephania 1 - Baibul, Mizo bible

Zephania 1

¹Judate lal Amona fapa Josia lal laia LALPA thu Zephania, Kusia fapa, Gedalia fapa, Amaria fapa, Hezekia fapa hnena lo thleng chu.

²Lei chung ata thil zawng zawng ka tiral vek ang, tih hi LALPA thu chhuak a ni.

³Mihring leh sate ka ti ral ang a; Chungleng savate leh tuipui sanghate ka tiral ang a; Misualte chu ka titlu ang a; Lei chung ata mihring ka ti bo daih ang, tih hi LALPA thu chhuak a ni

⁴Juda te leh Jerusalem luahtu zawng zawng chungah Ka kut kalek anga; he hmun atang hian Baal la awm chhunte, Kemarim hming chu puithiamho chawpin,

⁵In chung chhipa van lam thilho hnena kun thinte, LALPA hnena chhehhama Malkama chhala chham bawka kun thinte,

⁶LALPA hawisan tute leh LALPA zawng loa Amah rawn lo tute chu ka tibo daih ang.

⁷LALPA pathian hmaah chuan ngawi reng rawh: LALPA ni chu a hnaih tak avangin: LALPA chuan inthawina a buatsaih tawh a,A mi sawmte pawh atithianghlim tawh si a.

⁸Tin, LALPA inthawina niah chuan heti hi a ni ang a, Hotute leh lal fapate leh hnamdang silhfena Inthuamte zawng zawng chu ka hrem ang.

⁹Tin, chumi niah chuan kawngka zuan kahlen zawng zawng, An hotute inpawngnekna leh bumna tikhattute chu ka hrem ang.

¹⁰Chumi niah chuan, sangha kawngka atanga au thawm te, Misneh atanga chiau vak vak te, tlang atanga ri hum hum te, a awm ang, tih hi LALPA thu chhuak a ni.

¹¹Maktes mite u, Kanaan mi zawng an boral avangin chiau vak vak rawh u! Tangkaraw phur tute zawng zawng an boral vek tawh a ni.

¹²Tin, chumi hunah chuan heti hi a ni ang a, Khawnvar chhiin Jerusalem ka zawng chhuak ang a; Uain mawng nawi ang awm mai mai a, an rilru a, LALPA chuan a chhia atha tih a nei ngai nem, titute chu ka hrem ang.

¹³Tin, an sumte chu rallakah a lo chang ang a, An in te chu a ram ang: a ni, inte an sa ang a, mahse an luah lo ang; Grep huante an siam ang a, mahse a uain chu an in lo ang.

¹⁴LALPA ni ropui tak chu a hnai e, a hnai in a thleng thuai dawn a ni, LALPA ni thawm chu rapthlak tak a ni; Chutah chuan michak chu a chiau vak vak ang.

¹⁵Chumi ni chu thinurna ni a ni a, mangan leh hreawm ni chhiatna leh tiauna ni, thimna leh khawdur ni, chhum leh thim chhah mup ni a nia,

¹⁶Kulha hung khawpuite chungah leh khaw kil kulh sangte chungah chuan tawtawrawt leh ralbei thawm rikna ni a ni a.

¹⁷Tin, mihringte chungah hreawmna ka rawn thlen ang a, mitdel ang maiin an kal ang a, LALPA chungah an sual avangin; an thisen chu vaivut angin ka leih bua ang a, an tisate pawh ekdur ang maiin.LALPA thinurna niah chuan an rangkachak emaw, an tangkarua emaw pawhin anmahni a chhanchhuak thei lo ang a; Ram pumpui hi a thikna meiah chuan a kang bo vek ang. Rama chengte zawng zawng a tibo dawn a, a ni, tihbona rapthlak tak a siam dawn si a.

¹⁸LALPA thinurna niah chuan an rangkachak emaw, an tangkarua emaw pawhin anmahni a chhanchhuak thei lo ang a; Ram pumpui hi a thikna meiah chuan a kang bo vek ang. Rama chengte zawng zawng a tibo dawn a, a ni, tihbona rapthlak tak a siam dawn si a.