Read Baibul, Mizo Zephania 2 Bible Online

Zephania 2 - Baibul, Mizo bible

Zephania 2

¹,2 Aw hnam zahna chang hre lo te u, thuruat a lo chhuah hma leh ni chu favai ang mai a a ral hma leh LALPA thinrimna hlauhawm tak chu in chunga a lo thlen hma leh LALPA thinrimna ni chu in chunga a lo thlen hma hian tlan khawm rawh u, a ni, tlan khawm huai huai rawh u.

²,1 Aw hnam zahna chang hre lo te u, thuruat a lo chhuah hma leh ni chu favai ang mai a a ral hma leh LALPA thinrimna hlauhawm tak chu in chunga a lo thlen hma leh LALPA thinrimna ni chu in chunga a lo thlen hma hian tlan khawm rawh u, a ni, tlan khawm huai huai rawh u.

³Nangni leia mi thuhnuairawlh zawng zawng, a thu awih tute u, LALPA chu zawng rawh u; Felna zawng u la, thuhnuairawlh tum rawh u: LALPA thinrimna niah chuan thuhrukin in awm thei mahna.

⁴Gaza khua chu kalsanin a awm ang a, Askelon khua chu tihtiauin a awm dawn si a: Chhun laiah Asdod khua an hnawt chhuak ang a, Ekron khua chu pawh chhuah in a awm ang.

⁵Tuipui kama cheng kereth hnamte chu an chung a pik e! Aw kanaan, Philistia mite ram, LALPA thu chu i chungah a lo thleng a ni; Luahtu awm lo khawpin ka tiboral ang che.

⁶Tin, tuipui kam te chu hnim hring hmun a ni ang a, berampute buk khuarna leh beramte huang a ni ang.

⁷Tichuan, tuipui kam chu Juda chhungtea la awm chhunte tan a ni ang a; chungah chuan an beram rualte chu an tla ang a, Tlai lamah chuan Askelon khaw inahte an riak ang; LALPA an pathian chuan a rawn tlawh ang a, An saltanna chu a lehlinsak ang.

⁸Moab deuna leh Amon fate au khumna, ka mite an deuna leh An ramria an tihropuia chu ka hre tawh a.

⁹Chutichuan, a nuna ka nun chhung chu, Moab chu sadom ang a ni ang a, Amon fate chu Gomora ang an ni ngei ngei ang, Kangthai hmun leh chi khur leh kumkhaw luah loha ni ang: Ka mi la bangte chuan an mahni an rallak ang a, Ka hnam la awm chhunte chuan an luah ang, tih hi Sipaihote LALPA, Israelte Pathian thuchhuak a ni.

¹⁰Chu chu an chapona aiah an nei dawn a ni, Sipaihote LALPA mite chungah an intihlen a, an cheksawlh avangin.

¹¹An tan LALPA chu tihbaiawm tak a ni ang a, lei pathiante chu a tam vek dawn si a; Tin, miten amah chibai an buk ang, mi tinin mahni hmun theuhvah, hnamte awmna zawng zawngah chuan.

¹²Nangni Ethiopia mite pawh ka khandaiha thahin in awm ang.

¹³Tin, hmar lam ram chungah a kut a lek ang a, Assuria ram a tiboral ang a, Ninevi khua a titiau vang a,thlaler angin a tiro ang.

¹⁴Tin, a chhungah chuan sa rual chitin, ramsate zawng zawng an mu ang: Tuivalawng leh sakuhte pawh a ban chhip bawkahte an cheng ang a: Tukverhahte zai an vawr ang; kawngka bulahte chuan chhiatna a awm ang: Sidar thinga siamte pawh phoruang a chang ta si a.Hei hi khawpui hlim thei tak, mahni inring tak, a thinlunga, keimah, ka chuang ka liam hi tumah an awm lo, intirilru chu a ni: Sate mut hmun mai atan, a va ram nasa ta em! A kal pel apiangin an chek khum ang a, an kut an thin khum ang.

¹⁵Hei hi khawpui hlim thei tak, mahni inring tak, a thinlunga, keimah, ka chuang ka liam hi tumah an awm lo, intirilru chu a ni: Sate mut hmun mai atan, a va ram nasa ta em! A kal pel apiangin an chek khum ang a, an kut an thin khum ang.