Read Baibul, Mizo Zephania 3 Bible Online

Zephania 3 - Baibul, Mizo bible

Zephania 3

¹Hel hmang leh bawlhhlawh , hnehchhiah hmang khawpui chu a chung a pik e!

²Aw chu a awih lo a; zilhna a pawm lo a; LALPA chu a ring lo a; a Pathian lam a hnaih duh lo.

³A chhunga a hotute chu sakeibaknei rum lai an ni a; A roreltute chu tlai lam chinghnia an ni a; A tuk thlenga thial tur engmah an zuah lo.

⁴A zawlneite chu pawlawh leh bumhmangte an ni a: A puithiamten hmunthianghlim chu an tibawlhhlawh a, Dan chu a bawhchhe nasa a ni.

⁵A chhunga LALPA chu a fel a ni; khawlohna a ti lo ang; Tuktin a rorelna chu a tilang a, a pelh ngai lo a; Mahse mifello chuan zahna chang reng a hre lo.

⁶Hnamte chu ka tibo daih a, an kulhte a ram a; A kawtthlerte chu tuma kal tlang lohna'n ka tiram a: An khawpuite chu an chhe ta; Chutichuan tumah an awm ta lo a, luahtu reng an awm tawh lo.

⁷Nangin mi hlau phawtla, zilhna hi lo pawm la; Tichuan ama chunngchanga ka ruat zawng zawngte ang khan A awmna chu tihbo daih a ni lo ang, ka ti a; Mahse zingah an tho a, an thiltih zawng zawng an tikhawlo vek a.

⁸Chuvangin rallak la tura ka thawh ni thlengin mi nghak rawh u, tih hi LALPA thu chhuak a ni: Ka thil tum chu, an chunga ka thinurna, ka thinurna hlauhawm tak mai chu leih tura Lalna ramte inkhawmtira hnamte koh khawm hi a ni a; Lei zawng zawng hi ka thikna meiah a la kang fai dawn si a.

⁹Chutih hunah chuan mipuite chu hmui thianghlim ka puttir leh ang, LALPA hming chu an zaa an lama thukhatvuaa a rawng an bawl tlan theih nan,

¹⁰Ethiopia lui piah lam atangin ka hnena diltute, ka mi darhte fanu chuan ka thilhlan an rawn la ang.

¹¹Chumi niah chuan ka chunga i bawhchhiatna thiltih avangte chuan i zak tawh lo vang, chumi hunah chuan i chhung ata i mi, chapona hlimpuitute chu ka la bo ang a, Ka tlang thianghlimah hian chapo hmangin i awm tawh lo ang.

¹²I chhung ata mirethei te leh Tihduhdah tuarte chu ka zuah ang a, LALPA hming chu an ring ang.

¹³Israel mi la awm chhunte chuan khawlohna an ti lo ang a, dawt an sawi hek lo vang; An kaah pawh bumna tawng a awm hek lo ang a: An eiin an mu ang a, tumahin an tihlau tawh lo ang.

¹⁴Aw Zion fanu, zai rawh; aw Israel, au vak vak rawh; Aw Jerusalem fanu, i thinlung zawng zawngin lawm la hlim rawh.

¹⁵LALPA'n i chngchang relnate chu a la bo ta a, i hmelma a paih chhuak ta: Israel lalber, LALPA pawh chu i chungah a awm e: Thil thalo i hlau ngai tawh lo ang.

¹⁶Chumi niah chuan Jerusalem hnenah, hlau suh, aw Zion, ih kut pawh zawi suh se, an ti ang.

¹⁷LALPA i Pathian chu i chungah a awm e, Chhandamtu tur mi chak tak chu: Lawmin i chungah a hlim ang a, a hmangaihna a tithar ang a, Hla sain i chungah a lawm ang.

¹⁸Nangmaha mi, inkhawmpuia tel pha loa lungngaite chu ka hruaikhawm ang a, nangmah avanga sawichhiatna phurrit phur tute chu.

¹⁹Ngai rawh, chumi hunah chuan nghaisatu zawng zawng che kha kangaihtuah ang; Tin, kebai chu ka chhandam ang a, Hnawh bova awm chu ka hruai khawm ang; Tin, lei chung zawng zawnga an lo mualphona chu Fakna leh hmingthannaah ka chantir ang.Chumi hunah chuan ka hruai khawm ang che u: In hmuh ngeia in saltanna ka lam let hunah chuan Lei chung mi zawng zawngte zingah Hmingthanna leh fakna ka siamsak dawn si che u a, LALPA'n a ti.

²⁰Chumi hunah chuan ka hruai khawm ang che u: In hmuh ngeia in saltanna ka lam let hunah chuan Lei chung mi zawng zawngte zingah Hmingthanna leh fakna ka siamsak dawn si che u a, LALPA'n a ti.