Read Baibul, Mizo Hagaia 1 Bible Online

Hagaia 1 - Baibul, Mizo bible

Hagaia 1

¹Lal Daria lal kum hnihna, a thlarukna, chumi thla ni hmasa berah chuan, zawlnei Hagaia kuta LALPA thu chu, Sealtiela fapa Judai ram awptu Jerubabela hnenah leh Jehozadaka fapa Puithiam lalber Josua hnenah a lo theng a, heti hian a ti:

²Sipaihote LALPA chuan heti hian a ti, he'ng mite hian, LALPA in sak hun tur chu a lo la thleng lo e, an ti e, tiin.

³Tin, zawlnei Hagaia kutah LALPA thu a lo thleng a;

⁴He in hi a ram reng laia nangni, in chungthuah neitea in chen hi a hun em ni? Tiin.

⁵Tunah zawng sipaihote LALPA chuan heti hian a ti:i kawngte chu chhut ngun rawh u.

⁶Tam tak in ching a, tlemte in seng si; in ei a in tlai si lo; in in a in kham silo; in sin a, in lum chuang si lo; inhlawhfa chuan ip pawpa thlak atan mai a hlawh a ni.

⁷Sipaihote LALPA chuan heti hian a ti: In kawngte chhut ngun rawh u.

⁸Tlangah kal chho u la, thing han la u la, in chu sa rawh u; chu chu ka lawm ang a, chawimawiin ka awm ang, LALPA'n a ti.

⁹Hmuh teuh in beisei a, ngaiteh u, tlemte a lo ni; inah in rawn thlen a, ka lo chhem bo a. Eng vang nge ni? Tih hi sipaihote LALPA thu chhuak a ni. Nangni inlam pan theuha in tlan haw thuai thina ka in chu a ram der avang a ni.

¹⁰Chuvang chuan vanin daifim tla tur a hrensak che u a, lei chuan a rah a hrensak bawk che u a ni.

¹¹Lei chungah te, tlang chungah te, buh chungahte, uain chungah te, hriak chungah te, lei atanga thil lo chhuak chungah te, mihring chungah te, ran chungah te, kuta thawhchhhuah zawng zawng chungah te khua ka tikheng a ni e.

¹²Tichuan Seatiela fapa Zerubabela leh Jehozadaka fapa puithiam lalber Josua leh mi la awmchhun zawng zawngte chuan LALPA an pathian aw leh LALPA an pathianin a tirh anga zawlnei Hagaia thu chu an bengkhawn ta a; mite chuan LALPA chu a hmai hmaah chuan an tih ta a.

¹³Tichuan, mite hnena LALPAthuchah hmang chuan LALPA tirhkoh Hagaia chuan a sawi a, in hnenah ka awm a ni, tih hi LALPA thu chhuak a ni, tiin.

¹⁴Zerubabela rilru leh Jehozadaka fapa, puithiam Lalber Josua rilru leh mi la awm chhun zawng zawngte rilru chu a chawk tho ta a; tichuan an lo kal a, sipaihote LALPA an pathian inah chuan hna an thawk ta a;Lal Daria lal kum hnihna, a thla rukna, chumi thla ni sawmhnih leh ni linaah chuan.

¹⁵Lal Daria lal kum hnihna, a thla rukna, chumi thla ni sawmhnih leh ni linaah chuan.