Read Baibul, Mizo Hagaia 2 Bible Online

Hagaia 2 - Baibul, Mizo bible

Hagaia 2

¹Thla sarihna, chumi thla ni sawmhnih leh ni khatnaah zawlnei Hagaia kutah LALPA thu a lo thleng a:

²Seatiela fapa, Judai ram awptu Zerubabela hnenah leh mi la awm chhunte hnenah chuan heti hian sawi ta che, a ti a.

³He in hi a hmaa a ropui lai hmu in zingah tu nge la awm? Tunah hian eng ang in nge in hmuh le? In mit hmuh ah eng tham mah a ni lo lo'm ni?

⁴Aw Jerubabel, tunah chuan huai takin awm rawh, tih hi LALPA thu chhuak a ni; Aw puithiam lalber Josua, Jehozadaka fapa, nangpawh chak takin awm rawh; tin, nangni he rama mi zawng zawngte u, chak takin awm bawk rawh u, tih hi LALPA thu a chhuak a ni; thawk rawh u, in hnenah ka awm si a, tih hi Sipaihote LALPA thu chhuak a ni:

⁵Aigupta ram atanga in lo chhuah laia thu ka thlun pui che u ang khan in zingah ka thlarau a la cheng reng a ni, hlau suh u.

⁶Sipaihote LALPA chuan heti hian a ti si a, vawikhat chu reilo teah van te leh leite leh tuifinriat te leh khawmualte ka ti nghing ang.

⁷Hnam tinreng ka ti nghing ang a, hnam tinreng thil duhzawngte chu a lo thleng ang a, he in hi ropuinain ka ti khat ang, sipaihote LALPA chuan a ti.

⁸Tangkarua hi ka ta a ni a, rangkachak hi ka ta a ni, tih hi sipaihote LALPA thu chhuak a ni.

⁹He in ropuina hnuhnung zawk hi a hmasa ai khan a nasa zawk ang, sipaihote LALPA chuan a ti: tin, hehmunah hian remna ka thlen ang, tih hi sipaihote LALPA thu chhuak a ni.

¹⁰Daria lal kumhnihna, thla kuana, ni sawmhnih leh ni linaah chuan zawlnei Hagaia kutah LALPA thu hetiang hian a lo thleng a.

¹¹Sipaihote LALPA chuan heti hian a ti: puithiamte chu dan heti hian zawt teh,

¹²Tuin emaw a kawrfual hmawrah sa thianghlim fun se la, a kawrfual hmawr chuan chhang emaw thil chhum kawi emaw, uain emaw, hriak emaw, ei tur reng reng emaw lo khawih ta se la, a thianghlim ang em? Tiin. Puithiamte chuan, Thianghlim lo vang, tiin an chhang a.

¹³Tin, Hagaia chuan, mitthi ruang khawih avanga mi bawrhbangin he'ng thil a enga pawh hi lo khawih ta se la, a bawrhbang ang em? A ti a, Puithiamte chuan, bawrhbang ang tiin an chhang a.

¹⁴Tin, Hagaia chuan heti hian a chhang taa: he mite hi chutiang tak chu an ni a, he hnam hi chutiang tak chuan ka hmaah an awm, tih hi LALPA thu chhuak a ni;' an kutchhuak tinreng pawh chutiang bawk chu a ni a, chuta an thil hlan pawh chu a thianghlim lo a ni.

¹⁵Tun atangin nakin hnu thlengin LALPA biak inah lungin chherchhuan hma, tun hma lam kha ngaihtuah ang che u:

¹⁶khang hun lai zawng zawng khan buh tehkhawng sawmhnih tling awm tak chhun khawmnaa mi a lo kalin sawmhnih chauh a lo tling thin.

¹⁷In thawh chhuah zawng zawngah rona te, ngetna te leh rial tein ka hrem che u a; nimahsela ka lam in hawi chuang lo, tih hi LALPA thu chhuak a ni.

¹⁸He thla kuana, ni sawmhnih leh ni lina, vawin ni atang hian nakin hnu thlengin, tun hmalam kha ngaihtuah ang che u, LALPA biakin lungphum ni atang khan ngaihtuah rawh u.

¹⁹A chi chu buh inah a la awm em ni? Grep hrui te, theipui kung te, pawmgranet te leh olive thing te chu a la rah lo; vawiin ni atang hian mal ka sawm ang che u.

²⁰Tin, LALPA thu chu, chumi thla, ni sawmhnih leh nilinaah chuan Hagaia hnenah a lo thleng nawn leh a;

²¹Hetiang hian Judai ram awptu Zerubabela hnenah chuan sawi rawh: kei chuan lei leh van ka ti nghing thin: ram lalthutphahte chu ka paihthla ang a, hnamte ram chakna chu ka tichhia ang;

²²tawlailirte leh a chunga chuangte chu ka ti tlu ang a, sakawrte leh a chunga chuangte chu mitin mahni unau te khandaihin an tlu ang.Chumi niah chuan, aw Zerubabel ka chhiahhlawh, Seatiela fapa, ka chelh ang che,sipaihote LALPA thu chhuak chuan a ti; hming nemna zungbun angah ka siam bawk anag che, LALPA thu chhuak chuan a ti; nang ka thlang tawh si che a ni, Sipaihote LALPA thu chhuak chuan a ti," tiin.

²³Chumi niah chuan, aw Zerubabel ka chhiahhlawh, Seatiela fapa, ka chelh ang che,sipaihote LALPA thu chhuak chuan a ti; hming nemna zungbun angah ka siam bawk anag che, LALPA thu chhuak chuan a ti; nang ka thlang tawh si che a ni, Sipaihote LALPA thu chhuak chuan a ti," tiin.