Read Baibul, Mizo Zakaria 11 Bible Online

Zakaria 11 - Baibul, Mizo bible

Zakaria 11

¹I kawngte hawng rawh, aw Lebanon, I sidarte meiin a kan fai theih nan.

²Aw far thing, chiau vak vak rawh, Sidar chu a tluk tawh avangin; A tha thate chu tihchhiat a ni tawh si a.Bansan sasuate u, chiau vak vak rawh u, ngaw dur puite pawh a rem zo tawh si a.

³Berampute chiau thawm te tak chu! An ropuinate a chhe zo ta si.

⁴LALPA kan pathian chuan heti hian a sawi a ni: Ran rual thah tur ang mite chu enkawl rawh,

⁵A neitute chuan an that thin a, Thiam loah an in ruat hek lo: Anmahni hralhtute chuan, LALPA chu fakin awm rawh se, Kan lo hausa ta si a, an ti a: Anmahni vengtu ngei pawhin an khawngaih hek lo.

⁶Ram luahtute chu ka khawngaih dawn tawh si lo a, Tih chu LALPA thu chhuak a ni. Tin, ngai rawh u, mi tin mai chu A thenawmpa kutah leh a lalber kutah ka pe ang: Ram chu an suasam ang a, An kut ata ka chhanchhuak lo ang.

⁷Chutichuan ran rual thah tur ang mi te chu ka enkawl a, ran rual zinga a rethei ngei chu. Tin, tiang pahnih ka la a, pakhat chu 'Duhsak' ka vuah a, a dang chu 'Pumkhatna', ka vuah a; tin, ran rual chu ka chawm a."

⁸Tin, thla khat chhungin berampu pathum te chu ka ti boral a, ka nunna hian anmahni ka ning tawh em si a; anni nunna pawhin min haw bawk a.

⁹Tin, keiin, ka chawm lo ang che u, a thi thi chu thi mai se la, tihboral tur chu tihboral ni rawh se; tin, a bang zawngte chu an tisa inei hlawm rawh se, ka ti a.

¹⁰Ka thu thlung, mipuite hnena ka thlun chu ka phelh theihna turin ka tiang duhsak chu ka la a, ka tan bung hmawk a.

¹¹Tin, chumi niah chuan phelhin a awm ta a, ran rual zinga a rethei, mi pawisatute chuan LALPA thu a ni tih an hre ta a.

¹²Tin, an hnenah chuan, =ha in tih chuan, ka hlawh chu min pe u la, in tih loh chuan, min pe suh u, ka ti a; chutichuan ka hlawh atan cheng sawmthum an buk chhuak ta a.

¹³Tin, LALPA chuan ka hnenah, ka man atana tha awm tawm tawk an chhiar chu bel vawtu pe mai rawh,a ti a. Tin, cheng sawmthum chu ka la a. LALPA inah chuan, bel vawtu hnenah chuan ka pe ta mai a ni.

¹⁴Chutichuan, Juda leh Israelte inkara inunauna chu ka tihchah theihna'n ka tiang dang pumkhatna ngei chu ka la a, ka tan chhum ta a.

¹⁵Tin, LALPA chuan ka hnenah, 'berampu tlaktlai lo hriamhrei chu va la leh cheu vang che.

¹⁶Ngai rawh, ramah chuan berampu ka din chhuahtir ang a, chu chuan tihbo turte chu a kan lo ang a, tihdarh tawhte chu a zawng hek lo ang; Hliam tuar tawhte chu a tidam leh tawh lo ang a, a hrisel te pawh chu a chawm hek lo ang a, A thausa te chu a ei zawkin An tinkawmte nen lam a thlawnvek zawk ang.Berampu tlaktlai lo,ran rual kalsan tu chung chu a pik e!Khandaih chu a banah leh a mit dinglamah a tla ang a, A mit dinglam chu a thim tlat ang, a ti a.

¹⁷Berampu tlaktlai lo,ran rual kalsan tu chung chu a pik e!Khandaih chu a banah leh a mit dinglamah a tla ang a, A mit dinglam chu a thim tlat ang, a ti a.