Read Baibul, Mizo Zakaria 14 Bible Online

Zakaria 14 - Baibul, Mizo bible

Zakaria 14

¹Ngai teh, LALPA ni a lo thleng dawn e, Chutah chuan in rallakte in zing ngeiah semdarh a ni ang.

²Jerusalem do turin hnam zawng zawng ka khawm dawn si a. Khawpui chu lak a ni ang a, inte pawh chu rawk a ni ang a, hmeichhiate chu ngaihsak an ni ang, khawpui zatve chu sala hruai chhuahin an awm ang a, mipui la awm chhunte chu khawpui ata tihbo an ni lo ang.

³Chitih hunah chuan LALPA chu a chhuak ang a, Indona nia a beih thin angin chung hnamte chu a do ang.

⁴Tin, chumi niah chuan Olive tlang chhak lama Jerusalem rawn chhawngah chuan, ke a nghat ang a, Tin, Olive tlang chu chhak leh thlang zawngin A laiah a phel ang a, ruam nasa tak a awm ang: Tin, tlang tiave chu hmar lamah a insawn ang a, A tiave chu chhim lamah.

⁵Tin, ka tlang kar ruamahte chuan in tlanbo ang a, tlang kar ruam chuan Azel hmun a thleng dawn si a: A ni in tlan bo ang, Juda lal Uzia lal laia Lirngh�nga in tlanbo ang khan, tin, LALPA ka Pathian chu a lo kal ang a, a mi thianghlim zawng zawngte pawh i hnenah an lo kal ang.

⁶Tin, chumi niah chuan heti hi a lo ni ang a, a eng lutuk lo ang a, a thim lutuk lo ang;

⁷Mahse chumi ni chu LALPA chauhin a hria. Chhun ni lo zan ni lo; tlai lamah erawh chuan eng a lo awm ang.

⁸Tin, chumi niah chuan heti hi a lo ni ang a, Jerusalem atangin tuinung a lo chhuak ang a; A zatve chhaklam tuipuiah, a zatve thlanglam tuipuiah: Nipuiah leh thlasik-ah pawh chuti chu a ni ang.

⁹Tin, lei chung zawng zawngah LALPA chu lalber a lo ni ang: Chumi niah chuan LALPA chu pakhat a ni ang a.A hming pawh pakhat a ni ang a.

¹⁰Ram zawng zawng chu Geba atanga Jerusalem chhim Rimon thlengin Arab-ah ang a lo ni ang. Tin, Jerusalem chu chawisanin a awm ang a, Benjamin kawngka an tih atanga kawngka pakhatna thlengin a kil kawngka thleng chuan, Tin, Hanalela in sang atanga lalber uain sawr khur thlengin a hmun chuan a awh ang.

¹¹Tin, tah chuan mite an cheng ang a, anchhia reng reng a awm tawh lo ang; Jerusalem chu him takin a awm zawk dawn a ni.

¹²Tin, Jerusalem dotu mipui zawng zawng chunga LALPA'n hripui a lentir tur chu hei hi a ni: An kea an ding reng chungin an tisa chu a ral ang a, An mit khur chhunga an mitte pawh chu a ral ang a, an ka chhunga an lei pawh a ral ang a,

¹³Tin, chumi niah chuan heti hi a lo ni ang a, LALPA hnen ata buaina ropui tak an zingah a awm ang a, Mi tinin a thenawm kut a chelh ang a, A thenawm kut chungah a kut a lekbawk ang.

¹⁴Tin, Juda pawhin Jerusalem chu a bei ang; A vela hnamte zawng zawng sum leh pai, Rangkachak te, tangkaruate, silhfente chu tam tak mai lakkhawm a ni ang.

¹⁵Tin, chutiang bawkin sakawr hri te, sabengtung hri te, sanghawngsei hri te, sabengtung te chi hri te a lo awm ang a, Tin, chung buka ran awm zawng zawng te vei chu Hripui ang bawk kha a ni ang.

¹⁶Tin, heti hi a lo ni ang a, hnam zawng zawng Jerusalem rawn dotu hnutchhiaha la awm te chu Kum tin, bawkte kut hmang tur leh Lalber, Sipaihote LALPA chibai buk turin an chho thin ang.

¹⁷Tin, lei chunga chhungkua zawng zawng, Lalber, Sipaihote LALPA chibai buk tura chho lo apiangte chungah chuan ruah a sur lo ang.

¹⁸Tin, Aigupta ram chhungkua kal chho loa Lo kal ta lo te chungah chuan a sur bik hek lo ang a, Bawkte kut hmang tura kal chho lo hnamte LALPA'n a hremna chi hripui chu a thleng ang.

¹⁹Hei hi Aigupta ram hremna leh Bawkte kut hmang tura kal chho lo hnamte hremna chu a lo ni ang.

²⁰Chumi niah chuan sakawr thi-ah te pawh LALPA TANA THIANGHLIM tih a chuang ang a, Tin, LALPA ina bungbel na zawngte chu Maicham hmaa maihun ang hial an lo ni ang.Ni e, Jerusalem leh Juda bungbel zawng zawngte chu Sipaihote LALPA tana thianghlim an lo ni tawh ang: Tin, inthawi zawng zawngte chuan an rawn la ang a, Chhumna'n an hmang ang: Chumi niah chuan Sipaihote LALPA inah chuan Kanaan mi reng reng an awm tawh lo ang.

²¹Ni e, Jerusalem leh Juda bungbel zawng zawngte chu Sipaihote LALPA tana thianghlim an lo ni tawh ang: Tin, inthawi zawng zawngte chuan an rawn la ang a, Chhumna'n an hmang ang: Chumi niah chuan Sipaihote LALPA inah chuan Kanaan mi reng reng an awm tawh lo ang.