Read Baibul, Mizo Zakaria 4 Bible Online

Zakaria 4 - Baibul, Mizo bible

Zakaria 4

¹Tin, vantirhkoh mi betu kha a lo kal leh a, mi muhil lai tihharh ang mai hian mi rawn tiharh a.

²ka hnenah chuan, Eng nge i hmuh le? a ti a. Tin, kei chuan, Rangkachak khawnvar dahna, a chhipa berhbu te leh chumia khawnvar pasarihte nen, tin, a chhipa khawnvar dawt pasarihte nei theuhte leh

³Olive thing pahnih berhbu ding lama pakhat, vei lama pakhat awm ka hmu,ka ti a.

⁴Tin, vantirhkoh mi betu hnenah chuan, Heng hi eng nge ni, ka pu? Tiin ka han ti leh ve a.

⁵Tin, vantirhkoh mi betu chuan mi chhang a, ka hnenah, Heng hi eng nge an nih, i hre lo maw? a ti a. Kei chuan, Hre lo, ka pu, ka ti a.

⁶Chutah ani chuan ka hnenah, Heng hi Jerubabela hnena LALPA thu chu a ni a: Chakna ni loin, thiltihtheihna ni hek loin, Ka thlarau zawkin le, tiin Sipaihote LALPA chuan a ti e.

⁷Tunge i nih? aw tlang lianpui, Jerubabela hmaah chuan phaizawlah i chang maiang; Ani chuan a lung pawimawh ber chu A tana malsawmna nen, hlimna au aw nen a rawn thlen ang, Tiin mi chhang ta a.

⁸Chu lo pawh chu LALPA thu ka hnenah a lo tleng leh a:

⁹Jerubabela kut chuan he in lungphumte hi aphum ta a. Ama kut bawkin a puitlin ang a, Tichuan, Sipaihote LALPA chuan in hnenah mi tir ani tih in hre tawh ang.

¹⁰Thil tenau hun te hi tuin nge hmusit ni? Hlim takin an awm ang a, Jerubabela kuta dar mum khai chu an hmu dawn si a; Heng pasarihte ngei hi LALPA mit chu an ni bawk a, Lei pum pui chungah hian an vak vel thin, tiin.

¹¹Tin, kei chuan ka chhang a, a hnenah, Heng olive thing pahnih, khawnvar dahna ding lam leh vei lama mi hi eng nge ni? ka ti a.

¹²Tin, ka han chhang nawn leh a, a hnenah, rangkachak dawt pahnih kianga he'ng olive zar pahnih rangkachak hriak lo chhuahnate hi eng nge ni? ka ti a.

¹³Tin, ani chuan mi chhang a, Heng hi eng nge ni dawn tih i hre lo maw? Min ti a. Tin, kei chuan Hre lo e, ka pu, ka ti a.Tin, anin, Heng fapa pahnih, hriak ngah takte hi, lei pum pui LALPA kianga dingte chu an nih hi, a ti a.

¹⁴Tin, anin, Heng fapa pahnih, hriak ngah takte hi, lei pum pui LALPA kianga dingte chu an nih hi, a ti a.