Read Baibul, Mizo Zakaria 5 Bible Online

Zakaria 5 - Baibul, Mizo bible

Zakaria 5

¹Tah chuan ka mit ka han len chho leh a, ka han en a, lehkhabu zial thlawk duai duai hi ka hmu a.

²Tin, ani chuan ka hnenah, Eng nge i hmuh le? A ti a. Kei chuan ka chhang a, Lehkhabu zial thlawk duai duai ka hmu; a dung chu tawng sawmhnih a ni a, a vang chu tawng sawm a ni, ka ti a.

³Tin, ani chuan ka hnenah, Hei hi ram pum pui chunga anchhe kal chhuak chu anih hi; a pang khing khat thu ang zelin rukru apiang pawh thenfai an ni bawk ang.

⁴ka kal chauhtir ang a, rukru inah leh ka hming chhala dik lo taka chhechhamtu inah te chuan a lut ang a, an in chhungah chuan a awm reng ang a, a thingphel te, a lungte chawpin a tiral vek ang tih hi Sipaihote LALPA thu chhuak a ni, a ti a.

⁵Tin, vantirhkoh mi betu chu a kal chhuak a, ka hnenah, Tunah i mit han len cho la, kal chhuak ta kha eng nge ni? En teh, mi ti a.

⁶Tin, kei chuan, Eng nge ni? Ka han ti a. Ani chuan, "Hei hi ani bawm kal chhuak ta kha," a ti a. Amah vekin, "Hei hi ram pum puia an khawlohna chu ani" a ti a.

⁷Suan talent khata rit a chhin chu a hawng a, bawm chhungah hmeiche pakhat a thu a.

⁸Tin, ani chuan, Hei hi Suaksuali chu a ni, a ti a; Ephah chhungah chuan a nem lut a; tin, suan rit ak chuan a chhin ta a.

⁹Tah chuan ka mit chu ka han len chho a, ka han en a, hmeichhe pahnih lo kal chhuak ka hmu a, an thlaah chuan thli a awm a; thla chu vacha thla ang hi an nei a ni. Tin, Ephah chu lei leh van karah an chawikang ta a.

¹⁰Tin, kei chuan vantirhkoh mi betu hnenah chuan, Ephah chu hengte hian khawi lamah nge an kalpui dawn? Ka ti a.Ani chuan ka hnenah, sinar rama a tana in sakna tur lamah chuan; tin, in chu peih anih hun chuan chutah chuan ama hmun ngeiah an dah ang, a ti a.

¹¹Ani chuan ka hnenah, sinar rama a tana in sakna tur lamah chuan; tin, in chu peih anih hun chuan chutah chuan ama hmun ngeiah an dah ang, a ti a.