Read Baibul, Mizo Zakaria 7 Bible Online

Zakaria 7 - Baibul, Mizo bible

Zakaria 7

¹Tin, heti hi a ni a, Lal Daria kum lina, thla kuana, Chislev ni li ni takah chuan Zakaria hnenah LALPA thu chu a lo thleng a.

²Tin, Bethel mite chuan Sarezera leh regemeleka leh an mite an rawn tir a, LALPA khawngaihna chu an ngen a,

³Sipaihote LALPA ina puithiamte hnenah leh zawlneite hnenah chuan an sawi a: Tun hma kum tam fea ka lo tih tawh thin angin mahni intihrangin thla nganaah chuan ka tap thin em ni ang? tiin.

⁴Tah chuan Sipaihote LALPA thu chu ka hnenah a lo thleng a,

⁵rama mi zawng awngte leh puithiamte hnenah chuan, Heng kum sawmsarih chhung meuh pawha thla ngana leh thla sarihnaa chaw in nghei a, in lungngaih thinte khan, ka hming a, keima hming meuha chaw nghei em in nih?

⁶Tin, in ei a, in in pawhin nangmahni tan in ei a, in in mai a ni lo'm ni?

⁷Jerusalem leh a vela khawpuite miin an luah khaha an hmuingil em em lai leh chhim lam leh ram phaite pawh miin an luah khah laia zawlnei hmasate hmanga LALPA thusawite kha in lo hre tawh tur a ni lo'm ni? tiin sawi rawh, a ti a.

⁸Tin, LALPA thu chu Zakaria hnenah a lo thleng a,

⁹Sipaihote LALPA chuan heti hian a sawi a ni: rorelna dik takin titlu u la, Mi tinin an unaute chungah zahngaihna leh Khawngaihna chhuah rawh se:

¹⁰Hmeithai te emaw, fahrah te, mikhual te, Mi retheite emaw hnehchhiah hek suh u. Tumah rengin in thinlungah In unaute tana tha lo tur chu suangtuah suh u, tiin.

¹¹Mahse an ngaithla duh lo a, An tukkhum chhah an chhawn a, An hriat lohna'n an beng an chhu chhet a.

¹²A ni, Sipaihote LALPA chuan Zawlnei hmasate kuta a thu thawn leh Dan thute chu An ngaihthlak lohna'n An thinlungte chu lung chang tak angin an tisak ta a; Chuvangin Sipaihote LALPA lak ata Thinurna nasa tak alo thleng ta a ni.

¹³Tin, heti hi a lo ni a, anmahni a auh an ngaithla duh lo a, Chutiang bawkin an auin ka ngaithla bik lo ang, Sipaihote LALPA chuan a ti a.An mi hriat ngai loh zingah Thawngaleivirin anmahni ka tidarh zawk dawn a ni.Chutiangin an hnuah chuan tihtiau a ni tawh ang a, Tuma an veivak tawh lo vang, Ram nuam tak chu an titiau dawn ta si a.

¹⁴An mi hriat ngai loh zingah Thawngaleivirin anmahni ka tidarh zawk dawn a ni.Chutiangin an hnuah chuan tihtiau a ni tawh ang a, Tuma an veivak tawh lo vang, Ram nuam tak chu an titiau dawn ta si a.