Read Baibul, Mizo Zakaria 8 Bible Online

Zakaria 8 - Baibul, Mizo bible

Zakaria 8

¹Tin, Sipaihote LALPA thu chu ka hnenah a lo thleng leh a,

²heti hian Sipaihote LALPA chuan a ti a ni: Zion chu vei tak meuhin ka vei a ni, A chunga thinur khawpin a nia ka thik ni, tiin.

³LALPA chuan heti hian a ti a; Zion lam ka hawi leh ta a, Jerusalem chu Thudik khawpui tih a ni tawh ang; Tin, Sipaihote LALPA tlang chu tlang thianghlim tih a ni bawk ang.

⁴Sipaihote LALPA chuan heti hian a ti a ni, Jerusalem kawtthlerahte chuan pitar-te leh putar te, An kum tam avanga tiang hawl boh boh tawhte pawh chu an la cheng ang.

⁵Tin, kawtthlera infiamin khawpui kawtthlerte chu Hmeiche naupang leh mipa naupangin An la khat nuai nuai ang.

⁶Sipaihote LALPA chuan heti hian a ti a ni: Chung niahte chuan he'ng mi la awm chhunte Mithmuhah hian mak a nih chuan, Keia mithmuhah a mak ve kher dawn em ni? Tih hi Sipaihote LALPA thu chhuak a ni.

⁷Sipaihote LALPA chuan heti hian a ti a ni: Ngai rawh u, ka mite chu chhak lam ram ata te, Thlang lam ram ata te ka chhan chhuak ang a,

⁸Tin, ka rawn hruai ang a, Jerusalem leh felnaah ka mite an ni ang a, Kei pawh an Pathian ka ni ang.

⁹Sipaihote LALPA chuan heti hian a ti a ni: Temple ngei chu sak a nih theih nana Sipaihote LALPA in lungphum phum nia Zawlneite kaa thu chuak nangni tuna ngaithlatu hian In kutte tikhauh rawh u.

¹⁰Tun hmate khan mihring tan inhlawhna a awm lo a, Ran rawihna tur pawh a awm hek lo; hmelma avangin a lut a chhuak tan Muanna engmah a awm hek lo: Mi zawng awng an thenawmte nen ka indotir a ni si a.

¹¹Tunah erawh chuan hemi la awm chhunte hnenah hian Tun hma ang hu ka ni tawh lo vang, Tih hi Sipaihote LALPA thu chhuak a ni.

¹²Remna chi a awm dawn tawh si a, Grep hruite chuan rah a chhuah ang a, Lein hlawkna a chhuah bawk ang a, Vanin daifim a tlaktir ang; Hemi la awm chhunte hi chung chu ka rochuntir dawn a ni.

¹³Tin, heti a ni ang a, Hnam dangte zinga anchhe dawng in nih thin avangin, Aw Juda chhungte leh Israel chhungte u, Ka chhan chhuak ang che u a, Malsawmin in la awm ang: hlau suh u la, In kut erawh chu khauh rawh se.

¹⁴Hetiang hian Sipaihote LALPA chuan a ti si a: In thlahtuten mi tihtinur laia In chunga thil tha lo tih ka ngaihtuah khan Ka lamlet lo a;

¹⁵Tunah hi chuan Jerusalem leh Juda chhungte tan Thil tha ka ngaihtuah leh thung dawn a ni, Hlau suh u, Sipaihote LALPA chuan a ti.

¹⁶Heng hi in thil tih tur chu a ni ang: Mi tinin mahni thenawm hnenah thudik tak sawi theuh u la, In kawngka bulah thudik leh remna ro rel rawh u.

¹⁷Tumah rengin in thinlungah in thenawmte tana Tha lo tur chu suangtuah suh u la, Dawta chhechham chu pawm suh u. Heng zawng awng hi ka thil huatte chu an ni. Tih hi Sipaihote LALPA thu chuak ani si a.

¹⁸Tin, Sipaihote LALPA thu chu ka hnenah a lo thleng a,

¹⁹Heti hian Sipaihote LALPA chuan a ti a ni: Thla lina chaw nghei leh thla ngana chaw nghei leh thla sarihna chaw nghei leh thla sawmna chaw ngheite chu Juda chhungte tan chuan hlimna leh lawmna, ruai hlimawm takah a chang ang a; chuvangin thudik leh remna chu ngaina rawh u, a ti a.

²⁰Hetiangin Sipaihote LALPA chuan a ti a ni: Heti hi a la ni ang a, Mipuite leh khawpui tam taka mite chu an lo kal ang:

²¹Tin, khawpui pakhat luahtute chu hmun dangah an kal ang a, Hawh u, LALPA duhsakna ngen turin i kal thuai ang u khai, Sipaihote LALPA chu i zawng ang u, an ti ang a, Kei pawh ka kal ve ang.

²²A ni, LALPA zawng tur leh LALPA duhsakna chu ngen turin Mipui tam tak leh hnam chak takte Jerusalemah an lo kal ang, a ti a.Sipaihote LALPA chuan heti hian a ti a ni: Chung niahte chuan heti hi a la ni ang a, Mi sawm, hnam ze tinreng atanga lo chhuakte chuan Juda mi pakhat fenfualah an vuanin an chelh ang a, I hnenah Pathian a awm tih kan hriat avangin I hnenah kan kal ve dawn e, an ti ang, a ti a.

²³Sipaihote LALPA chuan heti hian a ti a ni: Chung niahte chuan heti hi a la ni ang a, Mi sawm, hnam ze tinreng atanga lo chhuakte chuan Juda mi pakhat fenfualah an vuanin an chelh ang a, I hnenah Pathian a awm tih kan hriat avangin I hnenah kan kal ve dawn e, an ti ang, a ti a.