Read Baibul, Mizo Malakia 1 Bible Online

Malakia 1 - Baibul, Mizo bible

Malakia 1

¹Israel-ho hnena LALPA thu chhuak Malakia kut ziak chu.

²LALPA chuan, ka hmangaih che u a ni, a ti a. Nangni erawh chuan, engah khan nge min hmangaih ni? in ti a. Esauva chu Jakoba unaupa a ni lo em ni? Tih hi LALPA thu chhuak a ni: Jakoba chu ka hmangaih a;

³Esauva erawh chu ka hua a, a tlangte chu hmun tiauvah ka siam a, a rochan chu thlaler sihalte ka pe a.

⁴Edom ho chuan, tihchhiatin ka awm na a, Kan lo kir leh ang a, hmun ramte chu kan din leh ang, ti mah se la, Sipaihote LALPA chuan heti hian a ti: Anni'n an din leh na'nga, kei in ka thiat leh ang: Tin, mite chuan anni chu Suhsualna ram leh kumkhuaa LALPA thinrim em emnateho, an ti ang.

⁵In mit ngeiin in hmu ang a, Israel ramri pelin LALPA chu chawimawiin awm rawh se, nangni ngeiin in la ti ang.

⁶Fapa chuan a pa a chawimawi thin a, Bawih chuan a pu: Kei hi pa ka nih chuan min chawimawina chu khawiah nge? Kei hi in pu ka nih chuan min tihna chu khawiah nge? Aw puithiam, ka hming hmusittute u, sipaihote LALPA chuan a ti che u a ni. Nangni erawh chuan, engah khan nge i hming kan hmuhsit ni? in ti a.

⁷Ka maichamah chuan chhang bawlhhlawh in hlan a lawm. Nangnin, engah khan nge kan tihbawlhhlawh che? in ti a LALPA dawhkan hi hmuhsitawm a ni, in tih thin ah hian a ni.

⁸Inthawina'n a mitdel in hlanin sualna a awm hek lo maw? A kebai leh a silawng in hlanin sualna a awm hek lo maw? In ram awptu pawh pe teh u; a lawm dawn che u em ni? A nih leh, a lo ngaisang ang che u maw? Sipaihote LALPA chuan a ti.

⁹Tunah hian min khawngaih theihna'n pathian tihlungawina zawng rawh u khai - Hetiang hi in kutkawih ngei a ni si a- A lo ngaisang dawn che u em ni? Sipaihote LALPA chuan a ti.

¹⁰Athlawn maia ka maichamah chuan mei in tihalh lohna'n In zingah mi, kawngkhar khar tur awm teh se la aw! In chungah lawmna reng ka nei lo a, In kut ata thilhlan chu ka pawm hek lo ang; Sipaihote LALPA chuan a ti.

¹¹Ni chhuahna atanga a tlakna thleng pawhin Jentailte zingah ka hming chu a ropui si a, hmun tinah ka hming atan rimtui hlan a ni, thilhlan thianghlim nen: Jentail te zingah ka hming a ropui si a, Sipaihote LALPA chuan a ti.

¹²Nangni erawh chu, LALPA dawhkan chu a bawlhhlawh a ni, a rah a chaw ngei chu a hmuhsitawm, in tih-ah khan a ni A tibawrhbangtu in nih ni.

¹³Tin, ngai teh u, a va ninawm em! In ti bawk a, In hnar in tum khum a, Sipaihote LALPA chuan a ti; hneh chhuha in thil lakte, a kebai te, a silawng te in rawn la a; chutiangin thilhlan chu in rawn la a: Chung chu in kut ata ka pawm dawn em ni? LALPA chuan a ti.A ran ruala a pa awm reng a, thu pawh tiam a LaLPA hnena a hmelhem hlana bumtu chu an chhe dawng a ni: Kei chu lal ropui tak ka ni si a, ka hming pawh Jentailte zingah A tihawm a ni, sipaihote LALPA chuan a ti.

¹⁴A ran ruala a pa awm reng a, thu pawh tiam a LaLPA hnena a hmelhem hlana bumtu chu an chhe dawng a ni: Kei chu lal ropui tak ka ni si a, ka hming pawh Jentailte zingah A tihawm a ni, sipaihote LALPA chuan a ti.