Read Baibul, Mizo Malakia 4 Bible Online

Malakia 4 - Baibul, Mizo bible

Malakia 4

¹Ngai teh u, ni chu a lo thleng e, Rawhtuina mei angin a kang a ni; Mi chapo zawng zawngte leh sual titu zawng zawngte chu Buhpawl an ni ang: chu ni lo thleng chuan anmahni a kang ang; Zung leh zar chenin a zuah lo ang, Sipaihote LALPA chuan a ti.

²Nangni ka hming tihtute tan erawh chuan Felna ni, thlaa tihdamna nen, a lo chhuak ang a, In kal chhuak ang a, bawng note hren lai Thaukhawh angin in tual chai ang.

³Mi suaksualte chu in rapbet ang a; Ni ka ruatah chuan in kephah hnuaia meivap an ni dawn si a, Sipaihote LALPA chuan a ti.

⁴Ka chhiahhlawh Mosia dan, Horeb tlanga a hnena ka thupek, Israel mi zawng zawng tana thuruatte leh rorelnate kha hre reng rawh u.

⁵Ngai teh u, LALPA ni ropui leh rapthlak tak a lo thlen hmain Zawlnei Elija chu ka rawn tirh ang che u.Ani chuan pa leh fate inkarah Inrem lehna a thlentir ang; Chuti lo chuan ka lo kal ang a, anchhiain lei hi ka nghaisa dah ang e.

⁶Ani chuan pa leh fate inkarah Inrem lehna a thlentir ang; Chuti lo chuan ka lo kal ang a, anchhiain lei hi ka nghaisa dah ang e.